Мыстан :егер асықты алғың келсе немерелерің өнерлерін көрсетсін. Мен ән айтып , би билеген өнерлі балаларды ұнатамын.
Шал : Тоқта , кел онда, менің немерелерімнің өнерін тамашалап көр.
Мыстан: Ойланып. Ал көрейік, қаншалықты өнерлерің бар екен .
Шал : немерелеріне келеді .Мыстан біздің алтын сақамызды ұрлап кетті. Ол өнерді жақсы көретінін айтты. Сендер көмектесесіңдер ме?
Балалар: Иә
Би: «өзбек биі»
-Шал қыздармен мыстанға барады. Біздің биші қыздардың биі көңіліңнен шықса асықты қайтар .
Мыстан:Жоқ , бұл өнер аз.Мен әнді де жақсы көремін.
Ән :»Ертегілер»
Шал :Мыстанға тағы барады.Міне әнді де жақсы орындайды біздің балалар.Енді көңіліңнен шыққан сияқтымыз.
Мыстан: Жоқ бұл өнерде аз .Мен ойын ойнағым келеді.
Ойын : «Ханталапай»
Шал : Енді не дейсің көрдің бе ,менің немерелерім қандай шапшаң .
Мыстан : Мен ұлдардың өнерін тамашалағым келеді.
Би : «Қара жорға»
Шал : Мына мыстан кемпір біздің балалардың өнеріне әлі де қанағаттанбай отырған сияқты .Енді не істесек екен.
Жүргізуші: Атай мен тапқан сияқтымын. Наурызгүлді шақырсақ қайтеді.
Наурызгүл келеді. Уа, ағайын туысқан
Наурыз күн туды шығыстан.
Сол тойға, келдім қонақ боп
Ат терлетіп алыстан.
Сәлеметсіңдер ме балалар ! Маған ұшқан құстар хабар жеткізді .Сендерді әлдебір қиындыққа тап болды дейді.Мен мыстан кемпірді қалай көндіру керегін білемін. Келіңдер кішкентай қыздарым.
Би «бипыл»
Наурызгүл: Сыбырлап біз қазір бұл кісіні қатырамыз.Біздің күшімізді көргенде өзі сақаны бере қашатын болады. Наурызгүл мыстанға барады.
-Келіңіз апа ,біздің балалардың күшін сынап көріңіз.
Ойын «Арқан тартыс»
Мыстан : Мен жеңілдім .Мына шалдың немерелері өте өнерлі ,күшті балалар екен.
Сақаларын қайтарып , қайтпасам болар емес. Сақаны қайтарады.
Мынадай өнерлі ,мықты балаларға қыдыр ата бата берсін .Мен барып шақырып келейін .Мерекелеріңіз құтты болсын ! Сау болыңдар.
Қыдыр ата келеді.
Жүргізуші:Сәлеметсіз бе қыдыр ата ! Келіңіз төрлетіңіз ,дем алыңыз бүлдіршін-дердің өнерін тамашалаңыз.
Ән : «Наурыз мереке»
Қыдыр ата : Бата береді.
Наурызгүл : Көрдіңдер ме балалар Білікті - бірді ,
білімді - мыңды жығады .Өнерлі ,күшті болсаңдар бәрін жеңуге болады. Мен де сендерге құр келген жоқпын .Сендерге сыйлық ала келдім. Сыйлық береді. Біз енді қайтайық , тағы да наурыз мерекесін қарсы алатын балалар бізді күтіп қалмасын. Сау болыңдар.
Жүргізуші : Сау болыңыздар рахмет сіздерге.
Наурыз тойы салтымыз,
Аман болсын халқымыз.
Ұлыс оң болсын,
Ақ мол болсын !
Осымен бүгінгі ертеңгілігіміз аяқталды
№ 100 балабақшада наурыз айының он тоғызы күні «Ботақан» 2-сәбилер тобында «Қош келдің , Наурыз» атты мерекелік ертеңгілік өткізілді. Ертеңгілік ойдағыдай өтті. Балалардың киген ұлттық киімдері де көзді тартты. Балалар көрермендердің , ата -аналарының алдында өздерін емін - еркін ұстай білді. Ертеңгілікте білім салаларының барлық түрі қаралды десекте болады . Мерекелік ертеңгіліктің құрылымы «Алтын сақа» ертегісі желісі бойынша өткізілді. Ертеңгілікті көктем мезгілінің келгені туралы айта отырып тақпақтармен жалғастырды. Балалар тақпақтарды сондай бір еркіндікпен орындады. Тақпақ айту барысында үш тілде кіріктірілді. Атап айтсақ : Ақылбек Жанәділ , Оралғали Айшолпан ағылшын тілінде тақпақ айтуда көзге түсті.Ана тілімізде де Дуюмбаев Ерасыл,Нәбиева Аяулым, Даулетханов Біржан айтылған тақпақтан , әр дыбыстың анық айтылғаны , балаларды жақсы жағынан танытты. Ән айтуда да балалар қызығушылық танытты.Барлық балалар «Зеңгір көктем» «Наурыз мереке» әндерін нақышына келтіре орындады. Сонымен қатар жеке дауыста да ән орындау қамтылды. Мысалға : Оралғали Айшолпан жеке дауыста «Ертегілер» әнін орындауда көзге түсті.
Ойын барысына келсек те балалар қызығушылықпен ,сондай бір шапшаңдықпен ,тәртіппен ойнады. «Ханталапай» ойынында шапшаңдықтарын көрсетті. Ол ойнаған асықтарының түстеріне де тоқтала кетті. Ал арқан тартысу ойынынды сондай бір жігерлікпен ,ойларында мыстан кемпірді жеңіп алтын асықтарын қайтарып алуға тырысқандары көрініп-ақ тұрды. Ұйымшылдық танытты.
Ертеңгілік кейіпкерлеріне бағына білулері, солармен ілесе қимылдарын қайталауы , балалардың үлкендермен қарым-қатынастарының қаншалықты байланыстылығын көрсетті.
Алдағы жоспарда тұрған мәселелерді келешекте жүзеге асыру мақсатына ата-аналармен тығыз байланысты жоспарға қойдық.
