Бай?ау "?нші балапан"

Әнші балапан

Мақсаты:1.Оқушыларды музыка өнеріне баулу.Әннің сөзін анық айтып,мәнін түсініп орындауға үйрету.

2.Ән айтуға қызығушылық арттыру.

3.Мектеп жасындағы әндерді орындай отырып,оқушыларды музыкаға,ұлттық салт-дәстүрге деген тұрақты ынта сезімін тәрбиелеу.

Көрнекіліктер:Әсем безендірілген музыка залы,шарлар.

Жүрісі:

Жүргізуші:Қымбатты ата-аналар,ұстаздар,оқушылар,әділқазылар алқасы,бүгінгі №19 мектепте алғаш рет өнерпаз балаларды анықтау мақсатында «Әнші балапан» байқауы өткізілмекші! «Әнші балапан» байқауына қош келдіңіздер!

1)Әділ қазылар алқасымен таныстырайық.

1.Батырова Қалдыбике-мектеп әдіскері.

2.Шутирова Алмаш-оқу меңгерушісі.

3.Ахыбай Жадыра-тәрбие жөніндегі орынбасары.

2)Енді ортаға өнерпаз сайыскерлерімізді шақырамыз:

1.1а сыныбынан Күзенбай Аманжан.

2.1ә сыныбынан Мусаева Әсем.

3.1б сыныбынан Тілеужанова Гүлдана.

4.1в сыныбынан Даяубаева Іңкәр.

5.1г сыныбынан Мырзабаева Жаңыл.

6. 1ғ сыныбынан Нысанбай Қуаныш.

7.Мад «А» сыныбынан Болатова Жұлдыз.

8. Мад «Ә» сыныбынан Туланова Томирис.

9. Мад «Б» сыныбынан Тоқтарбай Мерей.

Ал,енді құрметті қонақтар,бүгінгі сайысымыздың шарттарымен танысайық.

1.Өз-өзін таныстыру сайысы.

2.Ән айту сайысы.

Жүргізуші: Бақ сынап,кеште жарыстар,

Білікті көппен табысар.

Әр сайыскер бір дастан,

Ерекше келіп танысар,-деп,сайыскерлерімізді өздерін таныстыруға шақырамыз.

Таныстыру сайысы.

Жүргізуші: Құлақтан кіріп бойды алар

Жақсы ән мен тәтті күй.

Көңілге түрлі ой салар

Әнді сүйсең менше сүй,-деген Абай атамыз.

Біздің келесі «Ән айту» сайысын бастаймыз.

Келешекке-алтын бақ,

Қосар таудай үлесін.

Жасай берсін жарқылдап,

Ұстаз атты ұлы есім,-дей келе ортаға 1а

сыныбынан келіп тұрған 1-ші сайыскер әншіміз Күзенбай

Аманжанның орындауында «Ұстазым» әнін қабыл алыңыздар!

Әр,қуыршақ,қуыршақ,

Жуынбайды жуынсақ.

Беті қолдың батпағын

Елең қылмай жатқанын

Қашан адам боласың?-дей келе келесі

сайыскеріміз 1ә сыныбынан келіп тұрған Мусаева Әсемді

«Қуыршағым» әнімен қарсы аламыз!

Бауырласқа тәнтіміз,

Бұзылмаған антымыз.

Кең даланың ежелгі

Қазақ дейтін халқымыз.

Өзге ұлттай біздің де

Бар дәстүр мен салтымыз,-дей келе ендігі кезекте

3-ші сайыскер 1б сыныбынан келген Тілеужанова Гүлдананың орындауында «Салт-Дәстүрлер» әнін қабыл алыңыздар.

Әдемі ел ертегі

Бізді өзіне елтеді

Тере салып бұзықты

Тербетеді еркені,-дей келе ортаға 4-ші сайыскер 1в сыныбынан келіп тұрған Даяубаева Іңкәрдің «Ертегілер» әнін қабыл алыңыздар.

Ендігі кезекте 1г сыныбынан келіп тұрған Мырзабаева Жаңылдың орындауында «Ертегілер» әнін қабыл алыңыздар.

Бабамыздың үнісін сен домбыра,

Анамыздың сырысың сен домбыра

Қазағымның жүрегінен жаралған

Даламыздың үнісің сен домбыра,-дей келе 6-шы сайыскеріміз Нысанбай Қуаныштың «Домбырасыз сән қайда?» әнін қабыл алыңыздар.

Біз тілейміз бар бөбек,

Бақытты өмір сүргенін.

Түған елге еркелеп,

Қуанғанын күлгенін,-дей келе 7-ші сайыскеріміз Туланова Томиристі «Айгөлек» әнімен ортаға шақырамыз.

Өмірде мынау ең жақын,

Аяулым сенсің анашым!

Болмаса мейлі,зор даңқың,

Мен үшін мәңгі данасың.

Ендігі кезекте МАД «Б» сыныбынан келген бүлдіршініміз Тоқтарбай Мерейді «Құттықтаймын мама,туған күніңмен!» әнімен қарсы аламыз.

Ал,қазір ортаға әділ қазылар алқасын шақырайық.

Әділ қазылар алқасының шешімімен «Әнші балапан» байқауына қатысқан барлық бүлдіршіндерге мақтау қағаздары,ескерткіш сыйлықтар таратылады.