Мастер-класс "Елочка из бросового материала"

Чыршы.

Элек-электән, яңа елны каршы алганда, өйдә чыршы бизәү гадәткә кереп киткән. Кайберәүләр, бәйрәмгә әзерләнгәндә, чыршы эзләүгә күп вакыт сарыф итәләр, агачның мөмкин кадәр зуррагын, куерагын алырга тырышалар. Мондый агач өйдә күңел ачарга, биергә дигән мәйданны биләп, кысрыклап тора, җитмәсә, ылысы коелып идәнне чүпли, өйне җыйнаксыз итә. Ә ике атнадан аны чыгарып ташлыйсы була, баскычларда, юлларда дөнья кадәр корыган ылыс коелып кала. Гыйнвар уртасында чүплек башларында аунап яткан корыган чыршы-нарат кәүсәләрен күреп, кемнәрнең генә үзәге өзелми икән?

Зур агачны әрәм итмичә генә дә Яңа ел кичәсен кабатланмас уздырырга була. Моның өчен өйнең стеналарын матурлап бизәргә мөмкин. Беренче ысул һәркемгә билгеле. Урманга чаңгы яки чана шуарга барган вакытта, җирдә аунап яткан ботакларны җыю. Стеналарны рам алып, чыршы ботакларын куеп бизәү. Ботакларны шулай ук уенчыклар белән бизәргә мөмкин. Икенче ысул элегә яңача. Шулай ук рам алып бизәргә ярый. Ул рамны түгәрәкләр белән чыршы формасында ябыштырабыз. Бу түгәрәкләрне ташлый торган әйберләрдән ясап була. Скотч һәм кәгазьдән калган түгәрәкләр дә ярый. Аларны бер үк киңлектә кисәргә кирәк. Түгәрәкләрне ябыштырганнан соң, түгәрәкләр эченә кечкенә бүләкләр куябыз. Балаларга ул сөенеч, аларны алып, алар режиссерлык уеннарын башкара алалар.

Кирәк:

• фоторам;

• скотч түгәрәкләре;

• пычак;

• буяу;

• пумала;

• су савыты;

• клей;

• киндер уенчыклары.

1. Фоторам эчендәге ак кәгазьне “юеш ысул” белән зәңгәргә буыйбыз.

2. Буяу кипкән арада 2-3 см киңлектә түгәрәкләр кисәбез.

3. Түгәрәкләрне ак гуашь төсенә буыйбыз.

4. Түгәрәкләрне ябыштырабыз.

5. Түгәрәкләрнең эчен киндер-уенчыклары белән бизибез. Уенчыкларны пластилин белән ябыштырсаң унайлырак, чөнки аларны теләгән вакытта алыштырырга була һәм балалар өчен файдаланырга.