Мамандық таңдау болашақты таңдау. Өмірде мамандықтың сан алуан түрі бар. Әр мамандықтың өзіне тән ерекшелігі тағы бар.Әйтсе де мектеп қабырғасын қимастықпен аяқтаған сәттен бастап мамандық таңдау аса маңызды іс болғанымен, мен үшін еш қиынға соқпады. Себебі, қоғамдағы сан алуан мамандықтардың ішіннен жан-жақтылық пен білімділікті, ең бастысы мейірімділікті қажет ететін мұғалім мамандығының иесі атану бала кезгі арманым еді.
2004 жылы Ы.Алтынсарин атындағы Арқалық мемлекеттік педагогикалық институтының «педагогика және психология» мамандығы бойынша үздік аяқтап, кеншілер қаласына арнайы жолдама арқылы ұлы ағартушының есімін иеленген Рудный әлеуметтік-гуманитарлық колледжіне ұстаздық қызметке жұмысқа қабылдандым.
Бөтен қала, бөгде адамдар. Ең алғашында жаңа ортаға тез қалыптасып, ұжымға жылдам сіңісіп кету қиынның қиыны болды.
Әйтсе де алға қойған мақсатым – рухани бай, ізденімпаз, адамгершілігі мол, қоғам сұранысына жауап берер білімді шәкірт тәрбиелеу қызметін адал еңбекпен жүзеге асырғым келді.Жақсы ұстаз атану – әр жас маманның борышы.
Нағыз ұстаз болу бақыт әрі абырой.Шындығында мұғалім болу оңай болып көрінгенмен,ал нағыз ұстаз болу екінің бірінің қолынан келе бермесі анық. «Ұстазды алтын діңгекке теңер едім», – деп ұлы педагог Ы. Алтынсарин айтқандай, ұстаз жолы қиыншылығы мен рахаты бір басқа жетерлік мамандық атаулының ұлысы.
«Ел есінде бір жыл қалғын келсе – ас бер, он жыл қалғың келсе ағаш отырғыз, ал мәңгі қалғың келсе бала тәрбиеле» дейді халық даналығы.
Кәсіби қызметімнің алғашқы күндерінде-ақ мені «Қазақ тілі және әдебиеті» мамандығы бойынша оқыған қазақ тобына жетекші етіп бекітті. Барлығы өзім сияқты ауылдың қарапайым да аңғал, ак жүректі балалары.Бір қызығы, олардың арасында менімен қатарлас, тіпті менен бір-екі жас үлкен студент жастар бар еді.
Әр сабақты түсіндірген сайын бойымды қорқыныш сезімі билейтін. Әйтсе де ештенеге қарамастан болашаққа деген қызығушылықпен еңбек жолымды бастап та кеттім. Жақсы ұстаз - өз кәсібін, өз пәнін, барлық шәкіртін, оқу орынын шексіз сүйетін адам.Осы іске деген қызығушылық пен шынайы сүйіспеншілік қана оны небір қиын әрекеттерге жетелейді, іске батыл кірісуге септігін тигізеді. Нәтижесінде бір емес, бірнеше жас жүрекке мәңгі ұстаз болып қалады»деген сөздер жұмысқа келген сайын санамда жаңғырылып тұратын.
Елбасы Н.Назарбаев қай кезде болмасын ұстаз атаулыны ерекше құрметтейтіні баршаға мәлім. Ол «Ел болашағының кілті- бүгінгі жас ұрпақтың қолында.Жас ұрпақтың тағдыры олардың бойына білім мен ізгілік нұрын себуші – ұстаздардың қолында.Тек жоғары сауатты,дарынды,дана әрі отансүйгіш мұғалім ғана лайықты ұрпақ тәрбиелеп шығара алады»-деп бірегей тұлға- ұстазға деген құрмет пен ықыластың ерекше екендігін білдірген болатын.
Сондықтан да «жас келсе іске»демекші өз білгенімді көңілге түйіп, көргенімді қолмен ұстап, әр сабақ сайын студент жастарға жаңашыл инновациялық технологиялардың көмегімен қызықты да түсінікті оқу материалын меңгертуге тырыстым.
Бүгінгі білім мен білік сыналар заманда ұстаз – ізденуші, зерттеуші, жаңашыл болуы тиіс.Орыс ақыны В. Маяковский: «Ұстаз ізденгіш болуы,ойлай білуі,қандай істі болсын,бар ынтасымен атқара білуі керек»- деген екен.
Осыған байланысты менің ойымша жаңашыл ұстазға тән мына қасиеттерді даралап көрсетуге болады.
Вы уже знаете о суперспособностях современного учителя?
Тратить минимум сил на подготовку и проведение уроков.
Быстро и объективно проверять знания учащихся.
Сделать изучение нового материала максимально понятным.
Избавить себя от подбора заданий и их проверки после уроков.
Просмотр содержимого документа
«Менің сүйікті, сүйкімді ойыншықтарым»
Менің сүйікті ойыншықтарым
Тобы: I - кіші топ Тақырыбы: «Менің сүйікті ойыншықтарым» Мақсаты: Балаларды заттардың атын дұрыс атап, оған сипаттама бере білуге, түсті, пішіндерді дұрыс ажыратып айтуға үйрету. Балаларға дыбыстарды дұрыс айтып, екі - үш сөзден сөйлем құрап айта білуге дағдыландыру, сөздік қорын молайту, логикалық ойлау қабілетін дамыту, ойынға деген қызығушылығын арттыру. Әдістері: Түсіндіру, көрсету, жеке баламен жұмыс, бой сергіту. Көрнекілік: Ойыншықтар. Мотивациялық қозғаушы. Ғажайып сәт. Жылы Күн шығады. Тәрбиеші:- Балалар, қараңдаршы, тобымыз жап - жарық болып кетіпті ғой. Алтын сәулесін таратып, көкке шуақ шашып тұрған нені көріп тұрсыңдар? Балалар: - Күн, Күн шықты! Тәрбиеші: - Дұрыс айтасыңдар, Күн тобымызды жап - жарық етіп, көкке шуақ шашып тұр. Ал, балалар Күннің түсі қандай? Балалар: - Сары. Тәрбиеші: - Ал Күннің пішіні қандай? Балалар: - Дөңгелек Тәрбиеші: - Балалар Күн бізге алтын сәулесін таратып, күлімдеп тұр. Ендеше балалар, біз де қолымыздан ұстап, алақан жылуымызды беріп, қолымызды қысып ұстайық. Балалар бір - бірімізге алақан жылуымызды сыйладық. - Қараңдаршы, қандай пішінге ұқсап тұрмыз? - Иә, біз күннің бейнесін жасап дөңгеленіп тұрмыз. Міне, біз достығымызды татулығымызды, достығымызды көрсете білдік. - Балалар күннің екінші жартысында қызықты ойын ойнағанбыз. Осы ойынды еске түсірейікші. Балалар не көріп тұрсыңдар? Балалар: - Қой, ешкі, сиыр, түйе. Тәрбиеші: - Дұрыс айтасыңдар. Есімізге түсті ме? Бұлардың барлығын бір сөзбен үй жануарлары деп атаймыз. Осы ойынды толығымен еске түсірейік. - Мынау не? Балалар: - Сиыр Тәрбиеші: - Балалар сиырдың түсі қандай? Балалар: - Қара Тәрбиеші: - Қандай дыбыс шығарады? Балалар: - Мө - мө - мө. Тәрбиеші: - Ал мынау не? Балалар: - Ешкі Тәрбиеші: - Ол қалай дыбыстайды? Балалар: - Мә - мә - мә Тәрбиеші: - Бұл не? Балалар: - Түйе. Тәрбиеші: - Түйе қалай дыбыстайды? Балалар: - Бө - бө - бө Тәрбиеші - Мынау не? Балалар: - Жылқы Тәрбиеші: - Жылқы қалай дыбыстайды? Балалар: - Ио - ио - ио
Ұйымдастыру - іздестіру: Тәрбиеші: - Бәрекелді балалар, үй жануарларының қалай дыбыстайтынын еске түсірдік. Жарайсыңдар! Балалар бүгін мен сендерге ерекше бір қызық көрсеткім келіп тұр. Мына менің қолымдағы таяқша жай таяқша емес сиқырлы таяқша. Осы таяқша арқылы кез келген жерге тигізсем таң ғажайып бір нәрсе көруімізге болады. - Ой балалар, не деген көп ойыншықтар. - Балалар, қараңдаршы, бұл қандай ойыншықтар? Балалар: - Қуыршақ Тәрбиеші: - Қуыршаққа ат қояйықшы. Кім деп қоямыз? Балалар: - Айша. Тәрбиеші: - Айша. Өте әдемі әсем. Көйлегінің түсі қызыл екен. Қане, барлығымыз қызыл деп айтайықшы. Балалар: - Қызыл Тәрбииеші: - Қуыршақпен кімдер ойнайды? Балалар: - Қыз балалар Тәрбиеші: - Балалар мынау не? Балалар: - Доп Тәрбиеші: - Доптың пішіні дөңгелек. Бәріміз бірге айтайық. Балалар: - Дөңгелек Тәрбиеші: - Доптың түсі қандай? Балалар: - Көк Тәрбиеші: - Балалар біз доппен не істейміз? Балалар: - Ойнаймыз. Тәрбиеші: - Доппен ойнаған көңілді. Сендерге де доппен ойнаған ұнайма? Балалар: - Иә Тәрбиеші: - Ал балалар доп туралы тақпақ білеміз бе? Балалар: - Білеміз. Тәрбиеші: - Нұрсая сен айта қойшы. Добым, добым, домалақ, Тоқтамайсың домалап. Балшыққа сен жолама, Жек көремін оныңды. Бүлдіресің үстіңді. Бәрекелді, жарайсың! Тәрбиеші: - Мынау не балалар? Балалар: - Аю Тәрбиеші: - Аю нені жақсы көреді? Балалар: - Балды. Тәрбиеші: - Аю қайда тіршілік етеді? Балалар: - Орманда. Тәрбиеші: - Барлығымыз тұрып аюдың жүрісін салып көрсетейік. Аю қорбаң - қорбаң етіп жүреді. Ендеше бәріміз аю туралы тақпақ айтайық. Қорбаңдаған аюдың, Құлпынайы көп екен. Теріп, теріп алайық, Қалтамызға салайық. - Жарайсыңдар балалалар, бойымызды бір сергітіп алдық. Қане, балалар орнымызға отырайық. - Мынау не? Балалар: - Көлік Тәрбиеші: - Дұрыс айтасың. Көліктің дөңгелектері болады. Көлік сол дөңгелектер арқылы жүреді. Көлікті кім жүргізеді? Балалар: - Ағаларымыз, әпкелеріміз. Тәрбиеші: - Ерасыл көлік туралы тақпақ білесің бе? Қане, айтып берші. - Бип, бип, бип дейді, Жолдан былай кет дейді. Күшікті, күшікті басуға, Болмайды, болмайды машина. - Бұл ойыншықты қалай атаймыз? Балалар: - Сылдырмақ - Біз сылдырмақпен ойнаймыз. Ол сылдыр - сылдыр етіп дыбыс шығарады. Сылдырмақ туралы тақпағымызды еске түсірейікші. Сылдыр, сылдыр, сылдырмақ, Шақырады сылдырлап. Қарайды қуыршақ, Қарайды құлыншақ.
Рефлексивті түзетуші:
Тәрбиеші: - Жарайсыңдар. Балалар үстел үстіне қараңдаршы. - Мынау не? Балалар: - Қуыршақ, көлік, сылдырмақ, аю, доп. - Балалар мұның барлығын ойыншықтар деп атаймыз. Біз сиқырлы таяқшаның көмегімен көптеген ойыншықтардың атын атап, олар туралы тақпақ айтып үйрендік. Балалар, осы ойыншықтардың барлығымен ойнаймыз және ойнағанды ұнатамыз. Ойыншықтар - мен ойнағанда сындырмай, ұқыпты ойнаған дұрыс және ойнап болған соң сөрелерге жинап қою керек. Осыны әрдайым естеріңде сақтаңдар. Балалар бүгінгі ойынға бәрің де жақсы қатыстыңдар, тақпақты жақсы айта білдіңдер. Әсіресе, Нұрсаяның, Ерасылдың тақпақтары ұнады. Балалар сүйікті ойыншықтарымызға арнап әдемі ән айтып берейік.
Күтілетін нәтиже: Біледі: Ойыншықтардың атын атап, олар туралы тақпақтарды біледі. Игереді: Түстерді, пішіндерді ажырата алады.
