Методическая разработка " Таабырыннар"

Таабырыннар

1. Турдарбын халлааҥҥа тиийиэм этэ диир баар үһү ( суол)

2. Кыһын, сайын биир өҥнөөх баар үһү ( харыйа)

3. Балаҕан үрдүгэр барча тохто сытар баар үһү (сулустар)

4. Сир анныгар итии болгуо сытар үһү ( Эһэ)

5. Сайын үүнэр, күһүн түһэр баар үһү ( Мас сэбирдэҕэ)

6. Күн итиитик сылытар, сибэкки үүнэр, чыычаахтар ыллыыллар, хаһан маннык буоларый ( Сайын

7. Сайын бороҥ. кыһын маҥан баар үһү ( куобах)

8. Көҥүлүнэн устар, көмүс кытыйа баар үһү ( Күн)

9. Бэргэһэ иччитэ буолбут, Бээгэй оҕонньор баар үһү ( Тэллэй)

10. Дьиэ үрдүгэр кэлтэгэй хамыйах сытар үһү ( Ый)

11. Тиигирдии сырбаҥныыбын

12. Тыаһа суох сыбдыҥныыбын,

Куоттарбакка ойоммун

Кутуйахха тойоммун.

Хайа ким билэрий, ханнык кыыл эбиппиний ( Куоска)

13. Хараҥаны харахтанан

Хачыгыраан тахсабын,

Хата куоска утуйан,

Ханна баҕарар сылдьабын

Хайа ким билэрий, ханнык кыыл эбиппиний? ( Кутуйах)

14. Тумуулаабыт мастары

Тумсубунан укуоллуубун,

Ис- тас ыарыыларын

Иһиллээри торулуубун.

Хайа ким билэрий, ханнык эмчит эбиппиний? (Тоҥсоҕой)

15. Тииттэн тииккэ ыстанабын,

Тэллэйи хаһаанабын.

Муох таһан оргул уйабын

Мутук төрдүгэр туттабын.

Хайа ким билэрий, ханнык кыыл эбиппиний? ( Тииҥ)

16. Эриэн сонноох эликпин,

Элэстэнэн кэлэммин,

Сэлиэһинэй туорааҕын

Сэрэнэ- сэрэнэ уобабын

Хайа, ким билэрий, ханнык кыыл эбиппиний? (моҕотой)

17. Тараҕар кыһыл тараахпынан

Тараанан көрө иликпин,

Күүстээх, тэбиик атахпынан

Күнү быһа үлэлиибин.

Хайа, ким билэрий, ханнык көтөр эбиппиний? (Бөтүүк)