Ойын арқылы мектеп жасына дейінгі балалардың ой-өрісін дамыту

Ойын арқылы мектеп жасына дейінгі балалардың

ой-өрісін дамыту

№8 «Күншуақ» бөбекжай-балабақшасы тәрбиешісі

Бекбосынова Салтанат

     Ойын – мектепке дейінгі жастағы  балалардың негізгі іс – әрекетінің бір түрі. Ойын барысында бланың жеке басының қасиеттері қалыптасады. Ойын барысында балалар  дүниені тани бастайды, өзінің күш – жігерін жұмсап, өз ойын айта алады, адамдар мен араласуға үйренеді.

Бүгінгі күн талабы баланың ақыл – ойын парасаттылығын  дамыту, ойлау қабілетін жетілдіру, өзіндік іскерлік қасиеттерін қалыптастыру, заман талабына сай ойын жүйрік етіп тәрбиелеу. Сондықтан да баланың танымын алғашқы күннен бастап дамытудың, бойында оқыту мен тәрбиелеудің негізін қалыптастырудың құралы – ойын әрекеті, яғни, ойын – баланың жетекші әрекеті. Бірақ, ойын тек қана балаларды қызықтырып, уақыт өткізудің құралы болмай, балаға берілетін білім мен тәрбиенің құнды негізі болуы керек. Яғни, оқыту тәрбиелеу жұмысын бағдарлама талаптарына сәйкес ойын түрінде ұйымдастыра отырып, баланың логикалық ойлау қабілетін арттыруға жағдай жасау   жасау керек.

Бүгінгі күні мектепке дейінгі жастағы балалардың толық интеллектуалды  даму мәселесі әлі де өзекті болып отыр. Интеллектуалды  толық  дамыған мектеп жасына дейінгі бала сабақты жақсы оқиды, берілген материалды тез қабылдайды, өзінің күшіне сенімді, айналасындағылар мен тез тіл табысады. Сол себепті мектепке дейінгі білім беру мекемесінде ұйымдастырылған оқу – тәрбие үрдісінде   зейін, есте сақтау, ойлау қабілеті, елестету, сөздік қорын дамытатын және жаттықтыратын жұмыстарға  көп көңіл бөлінеді. Дидактикалық ойындар арқылы балалардың ойлау қабілеттері дамиды, сабаққа деген қызығушылықтары артады. Ойын барысында балалар тәрбиеші мен бірлесіп ереже бойынша қызықты тапсырмалар орындап, жағымды қарым – қатынас жасауы балалардың эмоционалды көңіл – күйлерін көтереді, сондықтан да дидактикалық ойынға қажетті құрал – жабдықтар, мазмұнды безендірілуі де өте маңызды. Логикалық тізбек  ойындарының маңызы зор. Логикалық ойлау арқылы бала саралау, салыстыру, жинақтау сияқты өз бетімен іс – қимылдар жасауды үйренеді. Баланың логикалық ойлауы өздігінен қалыптаспайды, оның дамуына  мақсатты түрде  білім беру мамандарының, ата - аналардың, балалардың бірлескен жүйелі жұмысы қажет. Балалар ойыны заттық – қол қимылының даму жолынан бастап интеллектуалды даму ойынына  дейін жетеді. Логикалық ойлауды дамытудың негізгі рөлі математикалық ойындарға жатады. «Суреттерді есте сақта», «Керекті пішінді тап», «Лабиринтті жина», «Түстерді атаймыз» атты ойындар арқылы баланың интеллектуалды  дамуы тек белгілі бір білім көлемін ғана емес, жалпы тәлім – тәрбиелік

Іс-әрекеттерді игерумен бірге, ойлау, қиялдау, есте сақтау, елестету қабілеттерінің, танымдық, іскерлік, шығармашылық қасиеттерінің дамуын қамтиды.  

«Ойлы бала ойыннан белгілі» - деген халық даналығы. Ойлау негізі баланың сөйлеу тілінде қалыптастырады. Қорыта айтқанда, балаларды интеллектуалды  дамыту тәрбиесі білімді тереңдетуге, бекітуге, оның тәжірибелік мәнін түсінуге септігін тигізеді.