"Білімді ?рпа? - ел тірегі"

Сабақтың тақырыбы: "Білімді ұрпақ - ел тірегі"

Мақсаты: а) Оқушылардың математикадан алған білімдерін тереңдету

өткен тақырыптар бойынша білімдерін пысықтау, оқушының

ой - өрісін кеңейту, шығармашылық пен өз бетімен жұмыс

істеу шеберлігін арттыру.

ә) Оқушылардың пәнге қызығушылығын арттыра отырып, есте

сақтау қабілетін дамыту арқылы өз ойын жеткізе білу

дағдысын қалыптастыру

б) Оқушыларды ұйымшылдыққа, тапқырлыққа,жауапкершілікке

тәрбиелеу

Өту түрі: Топтық сайыс

Көрнекілігі: Слаидтар, эмблема, нақыл сөздер, интерактивті тақта

Сабақтың барысы: ұйымдастыру кезеңі

Құрметті ұстаздар, оқушылар 6-сынып оқушыларының арасында өтетін

"Білімді ұрпақ - ел тірегі" атты сайысқа қош келдіңіздер!

Асыл тастан, өнер жастан

Шығады деп дарынды

Халық айтса қалт айтпайды

Әрқашанда нанымды, деп Абай атамыз айтқандай бүгінгі 6-сынып оқушылары арасында өтекелі отырған сайысымызды бастаймыз.

Мұғалім:

Математика - ғылымдар патшасы деп

Мойындаған бар ғалым жер шарында

Сол қағида тағы да дәлелденбек,

Бүгінгі сайыстың барысында

1-топ. "Теңдеу" тобы 2-топ: "Пропорция" тобы:

Топтардың еңбектеріне баға беруші әділ қазы мүшелерін сайлап алайық.

Сайысымыздың өтілу тәртібімен таныстырып өтейік.

1-кезең: Топтардың сәлемдесуі, ұраны, төс белгілерін қорғауы

2-кезең: "Ой қозғау" кезеңі сұрақтарға жауап беру

3-кезең: "Кім жылдам" Есептер шығару

4-кезең: "Қапшық жарыс" математикалық жұмбақтар шешу

5-кезең: Сандарға байланысты мақал-мәтелдерден жарысу

6-кезең: Өз өнерлерін көрсету

Қорытындылау:

Ал қанеки сайысты біз бастайық

Өзімізді таныстырып тастайық деп сөз кезегін әр топқа береміз

1- таныстыру "Теңдеу" тобы

Айқасқан екі таяқ

Тұрады жоқты сұрап жауабы: (х)

Теңдеу , теңдеуді шешу туралы жалпы мағлұматты айтып таныстырады. Топ мүшелері өздерін жеке - жеке таныстырады.

Ұраны:

Шақырамыз,келіңдер жарысуға

Күш,өнер,білімменен алысуға

Бар өнерді салайық,ортамызға

Ал кәне, кім шығады сайысуға

Әділ қазылармен сәлемдесуі:

Әділ қазы , ақ қазыға бір сәлем!

Әділдікке бас иеді күллі әлем!

Жүйрік озар сайыстарда неше бір

Сарапқа сап әділдікпен шеше біл!

Шақырып жарыстарға сан салалы

Теңдеулер топ жарғалы жар салады,

Ту етіп , достық пенен татулықты

"Пропорция" тобын қарсы алады!

Осындай алғыр достар кез келгенде

Жетсін-ау жарыстарда жеңгенге не

Қарсылас болғанменен құрбысыңдар,

Тілейміз ізгі тілек біз сендерге де!

"Пропорция" тобы:

Ұраны: Тартысайық сайыста күш жігермен

Айырылысайық қимас бір дос көңілмен!

Топ мүшелерін топ басшысы таныстырады.

Әділ қазылармен сәлемдесуі:

Достықпенен бірлікті етіп тұлға,

Жеңіске жеткен едік талай сында

Қара қылды қақ жарып,әділ қазым,

Еңбегін "Пропорцияның" әділ сына

Егеменді қазақтың біз ұланы,

Өз туы бар, ел таңба ән-ұраны.

Үмітін ақтайтын біз аға ұрпақтың

Самғайтын биіктерге тау қыраны

Сайысымыздың 2-ші кезеңін бастаймыз: "Ой қозғау" кезеңі

Бұл кезеңде әр топқа 10 сұрақ беріледі, бір минут ішінде жауап берілуі керек. Қанша сұраққа жауап берсе сонша ұпай алады.

1- ші топқа сұрақтар:

1. Шаршының қабырғасы қандай болады? (бірдей)

2. Алымы бөлімінен үлкен бөлшек? (бұрыс)

3. Тәуліктің төрттен бір бөлігі? (6 сағат)

4. Көбейтіндісі бірге тең бөлшек? (кері сандар)

5. Ең кіші натурал сан? (бір)

6."Спутник" жер шарын 103 минутта айналып өтті, ол неше

сағат, неше минутта айналып өтті? (1сағат,43минут)

7. Үш қуат? (ақыл, жүрек, тіл)

8. Дүниенің төрт бұрышы? (Шығыс, Батыс,Солтүстік, Оңтүстік)

9. Жеті ата? (бала,әке,ата,арғы ата,баба,түп ата,тек ата)

10. Алты асқар? ( ақыл,білім,жомарттық,әділдік,шыншылдық, кең пейіл)

2 - ші топқа сұрақтар:

1. Алымы бөлімінен кіші бөлшек? (дұрыс)

2. Бір және өзіне бөлінетін натурал сандар? (жай сандар)

3. Қарама-қарсы сандардың қосындысы? (0)

4. Құрамында әріпі бар өрнек? (әріпті өрнек)

5. Қандай сан барлық санға қалдықсыз бөлінеді? (0)

6. Екі теріс санның көбейтіндісі? (оң сан)

7. 1минут 1сағаттан неше минут кем? (59минут)

8. Жеті күн? (бүгін,ертең, бірсүгіні,арғы күн, ауыр күн, соңғы күн, азына)

9. Төрт түлік? (Ойсыл қара, Қамбар ата, Зеңгі баба, Шопан ата, Шекшек ата)

10. Бес қару? ( садақ,мылтық, найза, қылыш,айбалта)

"Кім жылдам" 1- топ есептері:

1. х\20 ═ 2\5 ж\ы: (50) 2. 56-2х ═ 36 ж\ы: (10)

3. 21\3 ═ 35\х ж\ы: (5) 4. 2х+17═ 22+3х ж\ы: (-5)

2 - топ есептері:

1. 8\14 х\35 ж\ы: (20) 2. 86-3х 26 ж\ы: (-20)

3. х\1018\60 ж\ы: (3) 4. 18+3х ═ х+14 ж\ы: (-2)

4-кезең: "Қапшық жарыс" математикалық жұмбақтар шешу

1-топ: 1. Біз санбыз.....

Сызықпыз бөлінген,

Математиканы ұқпас адамға,

Құбыжық болып көрінген

Дұрыс,бұрыс,аралас,

Ондық болып бөлінген (бөлшек сан)

2. Қос құлақты жүз тісті

Жүзінен бірақ із түсті (ара)

2-топ: 1. Бірдей санды бірнеше рет

Көбейтуден тұрады

Егер оны ықшамдасаң

Қандай атау болады (дәреже)

2. Доп емес, дөңгелек емес

Ұқсас бірақ достарым

Тыңда ол ең негізгі

Дәл жауапты қостадым (шеңбер)

5-кезең: Сандарға байланысты мақал-мәтелдерден жарысу

6-кезең: Топтар өздері дайындап келген мақал-мәтелдерін айтып жарысады

Қорытындылау: Сөз кезегі әділ қазы алқаларына беріледі.

Сайысымыздың соңғы сәті таяп қалды

Ал қазір әділ қазылар сөз алады.

Сайысымыздың жеңімпазын анықтап

Мақтау қағаз, сыйлықтарын тапсырады.