Белгілі бір уақыт аралығында біз не істей аламыз?

Пән: Математика

Ұзақ мерзімді жоспар бөлімі: 3А бөлім: Уақыт туралы түсінік

Мектеп:» Қ.Байсықов атындағы ОЖББМ»КММ

Күні:

Мұғалімнің аты-жөні: Каратаева Н.Ж

Сынып:1б

Қатысқандар саны:18

Қатыспағандар саны: 0

Сабақтың тақырыбы

3В бөлім: Уақыт туралы түсінік

Белгілі бір уақыт аралығында біз не істей аламыз?

Осы сабақта қол жеткізілетін оқу мақсаттары

1.1.3.5.циферблат бойынша сағаттағы уақытты анықтау: сағат\уақытты бағдарлау: минут, сағат, күн, апта, ай

Сабатың мақсаттары

Тиісті уақыт өлшемдерін пайдалану және олардың өзара байланысын білу.

«Ай, жыл» - уақыт аралағы және уақыттың өлшем бірлігі деген түсінік беру, оқушыларды ай аттарымен және олардың орналасу ретімен таныстыру, қолайлы уақыт өлшем бірліктерін қолдануға және олардың арақатынасын білуге үйрету.

Ресурстар

Жыл мезгіліне байланысты суреттер, ай аттары жазылған парақшалар, үстел күнтізбесі, сағат, А3 пішінді қағаздар, түрлі түсті маркерлер, ламинатталған қағаздар, бейнежазба

Бағалау жетістіктері

• Уақыт аралығының ұзақтығы -ай, жыл туралы түсінік қалыптасады;

• «Ай, жыл» уақыттың өлшем бірлігі екендігін ұғынады;

• Ай атаулары және олардың орналасу ретімен танысады.

• 1жыл 12 айдан тұратындығын біледі:

• жылдың төрт мезгілін ажырата біледі.

Сөздік қор

ай, күнтізбе, қаңтар, ақпан, наурыз, сәуір, мамыр, маусым, шілде, тамыз, қыркүйек, қазан, қараша, желтоқсан, жыл.

Құндылықтарды дарыту

Ұжымшылдыққа тәрбиелеу,жауапкершілік, сыйластық, өзара түсіністік құндылықтарды қалыптастыру.

Пәнаралық байланыстар

дүниетану, қазақ тілі пәндерімен байланыс орнайды

Алдыңғы меңгерілген білім

Апта күндері

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Ұйымдастыру кезеңі

Оқушыларға жайлы ахуал ұйымдастыру

Шаттық шеңбері

• Қайырлы таң, көздерім! Ояндыңдар ма?

• Қайырлы таң, құлақтарым! Ояндыңдар ма?

• Қайырлы таң, қолдарым, ояндыңдар ма?

• Қайырлы таң, аяқтарым, ояндыңдар ма?

• Армысың, Алтын күн! Мен ояндым!

Ауызша тапсырмалар орындатамын

1. Жемістер суреттері арқылы өрнектер құрастырады және ондыққа дейін жеткізеді.

2. Текшелермен жұмыс. Текшені лақтыру арқылы өрнектердің мәнін тапқызамын.

3. Домина тастары арқылы қосудың ауыстырымдылық қасиеттерін еске түсіртемін.

ОМ анықтап алу

• айдың ұзақтығын және аттарын білетін боласың;

• жылдың қаншалықты ұзақ екенін білетін боласың

bilimland.kz/

iMektep

презентация,

жыл мезгіліне байланысты суреттер,ай аттары жазыла кеспеқағаздар, үстел күнтізбесі, А3 форматтағы қағаздар, түрлі-түсті маркерлер.

(Ұ,Т) Оқушыларды шеңбер бойынша отырғызып,қыс, көктем, жаз, күз деп кезек-кезек айтқызып жылдың төрт мезгілі бойынша топқа бөлу.

Әр топқа жыдың төрт мезгілінің суретін таратып беру.Олардан өз тобының атына қатысты жыл мезгіліне сәйкес келетін ай аттары мен ойнайтын ойын аттарын топтастырып жазғызу. Әр топтың жауабын тыңдау. Барлық топтың жауабын тыңдағаннан кейін,ортаға әр топтан біроқушыны шығарып,оларға ай аттары жазылған кеспеқағаздарды бір-бірден таңдап алуын өтіну.Ай аттарының реті бойынша тұрады. Ал басқа оқушылар ай аттарын хормен атап шығу керек.

Ай 30 немесе 31 тәуліктен (ақпанда -28 немесе 29 тәулік бар)тұрады.

Күндердің апта және ай бойынша ретімен жазылуын «күнтізбе»- деп те атайды. Айға арналған күнтізбе- бұл күндер ретімен жазылған жазба. Әр айдағы күндер саны әртүрлі: 30,31,28,немесе29 күн.

(МК) Сен білесің бе?

Айда қанша күн барын күнтізбесіз де білуге болады.Күнтізбесіз айдағы күндер санын сақтау үшін , саусақтағы сүйектердің ретімен айларды санау тәсілін қолдануға болады.Санау кезінде алақаныңды жұмып, жұдырығыңды түйесің.Содан кейінсолдан оңға қарай, сүйектерден бастап санайсыңдар.Яғни бірінші ай қаңтар- айда 31 тәулік бар.Содан соң екінші ай -ақпан Ол саусақ сүйектерінің арасындағы шұңқырға сәйкес келеді.яғни 30 күндік ай деген сөз.Бірақ ақпан айында 28 немесе 29 тәулік бар.Үшінші ай сүйекке түседі- бұл айда 31 тәулік бар, төртінші ай-шұңқырға - бұл айда 30 тәулік. Осылайша 9 айды оқушыларға саусақ сүйектері арқылы санауды көрсету.

Уақыт аралығы мен уақыттың өлшем бірлігі жыл туралы түсінік беру үшін bilimland.kz/iMektep арқылы видеокөрініс көрсету.

Шығарып көр.

Жыл -уақыт аралағы.

1 жыл -12 айға немесе 365 тәулікке тең.

1. Ай аттарын оқы.

2. Өзің туған айды ата.

3. Бүгін қай айдың қай күні.

4. Келесі қай ай болады.

Күнтізбе бойынша анықта.

а) Оқушылар сенбі және жексенбі күндері демалады.Сәуір айында оқушыларда неше демалыс күні болады?

Жауабы: 9 күн

б) Әмір сейсенбі және бейсенбі күндері қазақша күрес үйірмесінде жаттығады.Ол сәуір айында неше рет жаттығуға қатысады.

Жауабы: 8 күн

(Ж) Жазғы демалыс.

Оқу жылы 9 айға созылды. Ал оқушылар қалған уақытты жазғы демалыста болды. Олар жазда неше ай демалады?

Жауабы: 3 ай

(Ж)Шығарып көр.

а) Өткен жылы Данияр 6 жаста болды. Ол қазір неше жаста? Ол 3 жылдан кейін неше жаста болады?

Жауабы: Қазір 7 жаста.

3 жылдан соң 10 жаста болады.

ә) Арман 1 ші қыркүйектен бастапсанап, жаңа жылдың неше айдан кейін келетінін білмекші болды.Оған көмектес.

Жауабы: 4 айдан соң.

б) Қаңтардан кейін 5 ай өтті. Қазір қай ай болды?

Жауабы: шілде

Қалыптастырушы бағалау

Сабақтың соңы

Бүгін сабақта сендер не үйрендіңдер?

-Қазір қай ай?

-Бұл ай жылдың қай мезгіліне жатады?

-Осы айдың алдында қай ай өтіп кетті?

-Бұл айдан кейінгі айды тауып айт.

-Қай айда мұсылман халқының жаңа жылы болады?

-Ақпан айында неше күн бар?

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

уақыт өлшемін анықтауда қиналған оқушыға жеке қолдау көрсету.

уақыт өлшемін анықтап үйренеді

Сергіту сәті