«Отбасылық үйлесімділіктің кілті – сенімді қарым-қатынас»

Педагогтің аты-жөні

Э.Қ. Берентаева

Күні:

06.01.2025ж.

Сынып:1 «А»

Қатысушылар саны:21

Қатыспағандар саны:

Ата-аналар жиналыстың тақырыбы:

«Отбасылық үйлесімділіктің кілті – сенімді қарым-қатынас»

Мақсаты:

Ата-аналарға балалармен сенімді қарым-қатынас негізінде отбасында үйлесімділік құру қажеттілігі туралы түсінік беру.

Міндеттері

Ата-аналарды балалармен үйлесімді, сенімді қарым-қатынас орнатуға ынталандыру;

ата-аналардың балалар мен ата-аналар арасындағы сенім туралы түсініктерін қалыптастыру және кеңейту;

оқытудың белсенді әдістері арқылы сенімді қарым-қатынас құру дағдыларын дамыту.

Ұлттық құндылықтар

бірлік пен ынтымақтастық

Күтілетін нәтижелер

Отбасында сенімді қарым-қатынас орнатуға дайын болады; балалармен сенімді қарым- қатынас негізінде отбасында үйлесімділік

құру қажеттілігі туралы түсініктерін тереңдетеді;

отбасында сенімді қарым-қатынас орнату дағдыларын дамытады.

Сабақтың барысы.

Жиналыс

тың кезең

уақыт

Педагогтің әрекеті

Ресурстар

Кіріспе бөлім

Кіреберісте әрбір ата-ана сенім тақырыбына арналған мотивациялық карточка алады.

№ 1 Топ №2 Топ №3 Топ _{№4 Топ}

- Қайырлы күн, құрметті ата-аналар, Ата-аналарды педагогикалық қолдау орталығының кезекті сабағына қош келдіңіздер! Бүгінгі сабақта жақындық сезімі мен командалық рухты қалыптастыруға көмектесу үшін, сіздерге «Ортақ нәрсені тап» жаттығуын орындауды ұсынамын.

«Ортақ нәрсені тап» жаттығуы

Мақсаты: басқа адамдармен жақындық сезімін қалыптастыру, тренингке қатысушылардың бір-бірін қабылдауы, басқалардың құндылығы мен өзін-өзі бағалау сезімін қалыптастыру.

Материал: доп немесе шумақ жіп

Нұсқаулық. Тренингке қатысушылар ортақ шеңберде тұрады. Жүргізуші допты шеңбер бойымен

«Барлығына мұқият қарап, бәрімізді не біріктіретіні туралы ойлаңыз» деген сөздермен береді. Допты алған әрбір қатысушы бәріне ортақ бір белгіні атайды. Мысалы: біз бәріміз 3B сынып оқушыларының ата- анасымыз.

Барлық ата-ана баламен сенімді қарым-қатынаста болуды армандайды, мұндай үйлесімділікке қалай жетуге болады? Өз тәжірибелеріңіз, сезімдеріңіз және қорқыныштарыңызбен бөлісуді қалай үйренуге болады? Әрине, әмбебап «рецепт» жоқ, бірақ баланың ерекшеліктерін ескере отырып, мұғалімдер мен психологтердің жалпы ұсыныстары сізге, ата-аналарға қажетті мінез-құлық жолын таңдауға көмектеседі.

- Кіреберісте сіздер сенім тақырыбына арналған мотивациялық карточкаларды алдыңыздар, катрочкаларға сәйкес 4 топқа бөлулеріңізді сұраймын.

Мотивациялық карточкалар арқылы топтарға бөліну (1-қосымша), топтар сабақ барысында топ атынан сөйлейтін спикерді таңдайды. Мұғалім сабақ ережелерін еске салады – бір-бірін құрметтеу, уақытты сақтау, қатысушылардың сөзін бөлмеу, топтың әр мүшесіне сөйлеу.

1 слайд

2 слайд

Ватман, маркерлер

4 слайд

Негізгі бөлім

Алдымен мен сіздерге отбасы туралы бейнроликті көріп, талқылауды ұсынамын. https://youtu.be/GB_seMNBzcQ?si=yjwublNtwDYEOJm D

«Отбасы туралы астарлы әңгіме» (100 рет кешірім, 100 рет махаббат, 100 рет шыдамдылық).

Бейнероликті талқылау:

Сіз ақсақалмен келісесіз бе?

Осы үшеуіне қандай ереже қосар едіңіз? (Ата- аналардың жауаптары тыңдалады, оларды сенімнің маңыздылығы туралы ойға итермелеу керек)

«6-3-5» сөздер әдісі бойынша ми шабуылы. Сенім дегеніміз не?

Нұсқаулық: топтар карточкаларда жазылған сенім туралы сөздерді талқылайды. Топ мүшелерінің әрқайсысы карточкаға / қағазға 1 минут ішінде сенім туралы өзінің 3 ойын жазады. Осыдан кейін топтар карточкаларымен алмасып, бір-бірінің идеяларын толықтырады. Соңында барлығы бірге сенім деген не екенін жалпылайды.

- Әлеуметтану мен психологиядағы сенім – бұл адамдар арасындағы ашық қарым-қатынас, онда сенім білдіруші белгілі бір қарым-қатынаста болатын басқа адамның адалдығына сенімділік бар. Сондай-ақ, сенім дегеніміз – бұл белгілі бір қатынастарда біз қолдау, адалдық, шынайылық, қабылдауға ие боламыз деген сезім немесе субъективті сенім.

Балаларының қажеттіліктері туралы ойлайтын, дамуы үшін қауіпсіз кеңістік құратын және эмоционалды жылулық сыйлайтын ата-аналар әлемге және өзіне сенетін, адамдарға ашылудан қорықпайтын бала тәрбиелейді. Бірақ егер ата-ана баланы елемейтін болса, оған сезімдерін білдіруге және тілектерін айтуға тыйым салса, ол тұйық және жалтақ болып өседі.

- Құрметті ата-аналар, әр топтың үстелдерінде жатқан тапсырма парақтары, психологтің кеңестері бар жадынамалар мен чек-парақпен танысыңыздар, содан кейін біз балалар мен ата-аналар арасындағы өзара түсіністік тақырыбына арналған бейнеролик көріп, содан кейін топтарда сұрақтарға жауап береміз.

ӨЗАРА ТҮСІНІСТІК туралы бейнеролик көру https://youtu.be/gnKotnIbDAg?si=4_8wBqnstBNLoyCK

КАРУСЕЛЬ әдісі бойынша топтық жұмыс Нұсқаулық: 4 үстелде А3 парақтары мен маркерлер, ата-аналарға арналған ақпараты бар чек- парақтары, топтар шеңбер бойымен қозғалады, әр үстелге жақындайды, тапсырмаларды талқылайды және сұраққа 3 минут ішінде жауап береді, содан кейін олар әрі қарай жүреді. Уақыт өткеннен кейін әр топ өз үстеліне оралады және спикерлер өз сұрақтарының

жауаптарын оқиды.

№ 1 тапсырма «Қай отбасын үйлесімді деп атауға болады?»

№ 2 тапсырма «Балалар мен ата-аналардың сенімді қарым-қатынасына не кедергі?»

№ 3 тапсырма «Баланы өз проблемалары туралы айтуға қалай үйрету керек?»

№ 4 тапсырма «Ата-аналар баламен қалай сенімді қарым-қатынас орнатады?»

Топ спикерлері жауаптарды оқып, бірін-бірі толықтырады.

- Отбасындағы үйлесімділік ата-аналар балалармен қарым-қатынаста жұмыс істеп, бірін-бірі толықтырған кезде пайда болады. Тек күнделікті жұмыс істеу арқылы атап айтқанда, эмоционалды компонентпен жұмыс жасағанда, отбасында үйлесімділікке қол жеткізуге болады.

Кеспе қағазбен жұмыс

Бейнебаян көру

Ватман, маркерлер

Қорытынды бөлім

Сенім – бұл отбасының бақыты мен әр отбасы мүшесінің дамуының негізгі факторы. Отбасында сенім

деңгейі жоғары болған кезде, отбасының әрбір мүшесі

өзін қауіпсіз және жайлы сезінеді. Содан кейін оған өз міндеттерін орындау оңайырақ және көңілдірек болады. Сенім – бұл кез келген тақырыпты талқылауға, өз тілектеріңізді, мәселелеріңізді, пікірлеріңізді айтуға және қолдау алуға мүмкіндік. Ең бастысы, сенім – бұл үйренуге болатын дағды.

Сабағымыздың соңында балалар мен ата-аналар арасындағы қарым-қатынасқа деген сенім – бұл қалғанның бәрі негіз болатын іргетас деп айтқым келеді. Бұл – қауіпсіздіктің негізі, баланың ең жақын адаммен өзінің мәселелерімен бөлісе алатындығының, эмоционалды қолдау мен өзінің шамасы жетпеген кезде көмек сұрай алатындығына сенімділігі.

Білім беру процесіне қатысушылар арасындағы сенім салауатты оқу ортасын және тиімді тәрбие мен оқытуды қамтамасыз ететін маңызды фактор болып табылады. Бұл оқушылардың оқуға деген ынтасын дамытуға, олардың үлгерімін арттыруға және жеке өсуіне ықпал ететін өзара түсіністік, қолдау және ынтымақтастық атмосферасын құруға мүмкіндік береді.

Құрметті ата-аналар, назарларыңызға, белсенділікпен қатысқандарыңыз үшін алғыс айтамын, осымен Ата-

аналарды педагогикалық қолдау орталығының

сабақтары аясындағы «Отбасылық үйлесімділіктің кілті

– сенімді қарым-қатынас» тақырыбындағы сабағымыз

аяқталды. Кездескенше!