Дуслык авырлык килг?нд? сынала.

Тема: “ Дуслык авырлык килгәндә сынала”.

Максат. 1. “Дуслык авырлык килгәндә сынала “ текстының эчтәлеген аңлап укырга өйрәтү.

2. Бәйләнешле сөйләм телен үстерү.

3. Төрле халык мәкальләре аша укучыларда дуслык хисе тәрбияләү.

Җиһазлау: мәкальләр язылган плакатлар, яңа сүзләр язылган таблицалар, төрле милләт халыкларының рәсемнәре.

Дәрес тибы: яңа төшенчәләр формалаштыру.

Дәрес барышы.

I. Оештыру.

II. Актуальләштерү.

• Өй эшен тикшерү.

• Укучылар, мин сезгә өй эшен өч төркемгә бүлеп биргән идем. Әйдәгез, тикшереп китик. Беренче төркемгә үзегез яраткан хайваннарыгыз турында сөйләргә, икенче төркемгә сорауларга җавап бирергә әзерләнергә, ә өченче төркемгә “ Бүре белән Тиен” текстын укырга өйрәнергә иде.

( өй эшен тикшерү)

_ Балалар , әйтегез әле , хайваннар безнең тормышта нинди урын алалар, аларны ничек атап була? ( укучыларның җаваплары)

• Әйе, менә сез хайваннар безнең дусларыбыз, - дидегез. Ә менә сез дус, дуслык сүзен ничек аңлыйсыз? Сезнең фикерегезчә дус нинди булырга тиеш? ( укучыларның җаваплары язып барыла)

• - Өй эшендә сезнең кайберләрегез хайваннар турында сөйләргә өйрәнеп килде. Ә хәзер әйдәгез тактадагы җөмләне укыйк. ( бБашта үзләре эчтән укыйлар, аннары бер укучы кычкырып укый)

• Дуслык авырлык килгәндә сынала.

• Сез бу җөмләне ничек аңлыйсыз? Әйдәгез әле, кем тәрҗемә итә?

• ( укучылар тәрҗемә итәләр)

• Менә без бүген сезнең белән “ Дуслык авырлык килгән

дә сынала “ тексты белән танышырбыз.

III. Яңа текст өстендә эш.

• Укучылар текстны укыган вакытта сезгә аңлашылмаган сүзләр очрар. Әйдәгез әле , шуларны карап китик.

• Сүзлек эше.

• Якын – близкий

• Сынды – сломался

• Сәламәтләнде – выздоровел

• Хастаханә – больница

• Борчылдым – беспокоился

• Ясадылар – сделали

• Ныгыды – укрепилась

• Һаман – ёще

• Ышаныч – надежда

• Әйдәгез, хәзер яңа сүзләр белән сүзтезмәләр анары җөмләләр төзербез.

• (укучылар сүзтезмәләр, җөмләләр төзиләр)

• Булдырдыгыз, молодцы. Укучылар, мин сезгә хәзер текстны укыйм. Ә сез игътибар белән тыңлагыз, текстта сүз нәрсә турында барганын әйтерсез.

• ( укучылар җавапны татарча әйтәләр)

• Укытучы укый.

• Укучыларның җаваплары.

• Укучылар эчтән укып чыгалар.

• Чылбырлап уку һәм тәрңемә итү.

• Текстка карата сораулар төзү.

• V. Физкультминутка.

• Диалогик сөйләм

• Укучылар, хәзер биреләчәк эшне төркемнәргә булеп эшлиячәксез.

• 1рәт.

• Әйтик, дустыгыз авырды ди, сез аның өенә хәлен белергә килдегез, ди. Сезнең арада нинди сөйләшү булыр иде?

• 2 рәт.

• Иптәшеңә телефоннан шалтыратып, хәлен белегез һәм өй эшен әйтегез. Сезнең арада нинди сөйләшү булыр иде?

• (5 – 6 минут вакыт ббирелә, һәр рәттән бер пар тыңланыла)

• Ситуатив күнегүләр.

• а) Спросите у Коли где и когда они с Сашей познакомились)

• б) Докажите, что Коля – настоящий друг.

• в) Убедите, что настоящий друг должен быть честным и воспитанным.

• ( укучыларның җавплары тыңланыла)

• Балалар, ә менә төрле милләт кешеләре үзара дус булырга тиешме? Сез ничек уйлыйсыз?

• Әйе, укучылар, халыклар дуслыгы Татарстанның иң зур байлыгы. Безнең Татарстанда 115 милләт яши. Сан буенча беренче урында – татарлар, икенче урында – руслар, өченче урында – чувашлар һ. б.

• ( төрле милләт халыкларының рәсемнәре күрсәтелә)

• Бу милләтләр үзара дус , тату яшәргә тиеш. Һәрбер милләтнең дуслыкка карата мөнәсәбәте үзләренең мәкальләрендә чагыла. Әйдәгез, шул мәкальләрне укыйк һәм тәрҗемә итик.

• 1. Игелек эшләүче дуслар, бүләк таләп итмиләр. ( поляк)

2) Дуслары булмаган кеше, ярты гомер генә яши. (исландия)

• 3) Дусларыңны рәнҗетсәң, дошманнарың куаныр. ( фарсы)

• 4) Матурлык – бер көнлек, дуслык – гомерлек. ( татар)

• 5) Кешенең иң зур байлыгы – чын дусты. ( татар)

• VI. Йомгаклау.

• 1. Нәтиҗә ясау.

• Укучылар, без бүген дәрестә нинди темага сөйләштек?

• Нинди текст белән таныштык?

• Төрле милләт халыклары ничек яшәргә тиеш?

• ( укучылар җавап бирәләр)

• 2. Өй эше бирү.

• Сезгә өй эшен өч төркемгә бүлеп бирәм. Беренче төркемгә - эчтәлек сөйләргә, икенче төркемгә - “ Минем дустым” дигән темага хикәя язарга, өченче төркемгә – 8 сорау җөмлә язарга.

• 3. Белемнәрне бәяләү.

• 4. Саубуллашу.