«Къостайы ном н? уыдз?н рох».

Урочы темœ: «Къостайы ном нæ уыдзæн рох».

Урочы нысан: 1. Хетœгкаты Къостайы цард œмœ сфœлдыстадимœ цымыдисдзинад гуырын кœнын.

2. Бамбарын кœнын, Къостайы ном канд рох нœ уыдзœн, фœлœ кадджынœй-кадджындœр кœндзœн афœдзœй-афœдзмœ ирон адœмы хсœн.

3. Скъоладзаутœн уарзын кœнын Къостайы чингуытœ кœсын, йœ фœдзœхстытœ йын œххœст кœнын.

Эпиграф:

Къоста- йœ кад œмœ йœ зарœг.-

Нœ цинтœй никуы уыдзœн цух!

Цœрдзœн Ирыстоны зынаргъ лœг

Зœххыл йœ зарœгай œдзух.

Урочы цыд:

-Уœ бон хорз, сывœллœттœ. Абон нœм уыдзœн тынг цымыдисаг урок. Мœ фарстœн дзуапп куы раттат, уœд нœ урокœн базондзыстут йœ темœ.

Ахуыргœнœг: Зарджытœ, сабитœн

Чи фыста, чи уыд?

Чи радта ирœттœн

Диссаджы чиныг?

Сывœллœттœ: Чи уыд? Куыд чи уыд?

Уарзон Къоста!

Сауœрфыг, саурихи

Сауцœст Къоста!

Ахуыргœнœг: Уœдœ мах дзурдзыстæм абон Къостайыл.

Ацы аз Къостайы аз схуыдтой, цымœ цœмœн?

Сывœллœттœ: Уымœн œмœ ацы аз у юбилеон, Къостайыл сœххœст уыдзœ 150 азы.

Ахуыргœнœг: Къоста афтœ уарзон у Иры адœмœн œмœ йœ хонынц œрмœст йœ номœй. Къоста ном чи хœссы, ахœмтœ бирœ уыд œмœ ныр дœр ис. Фœлœ уыцы ном куы сдзурœм, уœд нœ цœстытыл ауайы Къоста

(экраныл – Къостайы ныв, музыкœ

-Ирыстоны зынаргъ лœг Хетœгкаты Леуаны фырт Къоста).

Кœд йœхœдœг нал ис, уœддœр йœ ном цœрдзœн œнустœм. Уый махœн ныууагъта «Ирон фœндыр» - (экраныл œвдыст цœуы) хœзнадон. Уый нœ ахуыр кœны растфœндагыл цœуын царды. 1859 азы иу хœххон хъœуы райгуырд Хетœгкаты хœдзары лœппу (экраныл Нары хъœу). Уыцы рœстœг œнхъœл чи уыд, œмœ Ирыстоны зœххыл фœзынд ирон адœмы фœндагамонœг стъалы.

(экраныл œвдыст цœуы эпигрœф)

Уœдœ абон нœ урок фœлдахдзыстœм сыфгай. Цœй уœдœ уал ын рафœлдахœм йœ фыццаг сыф.

Ахуыргœнœг: Нœ зœрдыл уал œрлœууын кœнœм, Къостайы тыххœй цы зонœм, уый.

Тест:

1. Къоста райгуырди: 15 сентябры, 15 октябры, 15 ноябры.

2. Къостайы райгуырœн хъœу у : Нар, Лабœ, Къостайы хъœу.

3. Къостайы œмдзœвгœты œмбырдгонд хуыйны: Къостайы фœндыр, Ирон фœндыр, Хъисын фœндыр.

4. Къостайы ингœн ис: Нары, Лабœйы, Ирон аргъуаны кœрты.

Хатдзœгтœ.

Ахуыргœнœг: Рафœлдахœм дыккаг сыф.

-Æрœджы мœ иу скъоладзау бафарста Къоста, дам, дзуар уыд œви зœххон адœймаг.

-Цымœ цœмœ афтœ хъуыды кодта? (сывœллœттœ дзурынц сœ хъуыдытœ).

Ахуыргœнœг: Къоста зœххон адœймаг уыд, фœлœ йыл адœм афтœ баууœндыдысты, сœ царды тыххœй сын ахœм œцœгдзинœдтœ фыста, œмœ сœм дзуары хуызœн кœсын райдыдта.

- Цœмœй нœ бауырна Къоста дœр мах хуызœн адœймаг уыд, уый тыххœй байхъусœм не рыгон иртасджытœм. Уыдон нын радзурдзысты къостайы сабийы бонтœй цымыдисаг хабœрттœ.

(Сывœллœттœ 3-4 дзурынц цы œрмœг бакастысты, уыдон)

Хатдзœгтœ экраныл: сœрœн, цымыдис, тœригъœдгœнаг, зœрдœхœлар, зœрдœргъœвд.

Афœлдахœм та нœ урочы иннœ сыф.

Хœдзармœ – иртасœн куыст.

Ахуыргœнœг: - Уœ бинонты бафœрсут, кœд базыдтой Къостайы, сœ зœрдœмœ цавœр œмдзœвгœтœ цœуынц тынгдœр. Æрбахонут уœ нанаты œмœ дадаты дадаты нœ иннœ урокмœ.

Ахуыргœнœг: Азœй-азмœ Къостайы ном кадджындœр кœны, фылдœрœй – фылдœр œй уарзынц адœм. Цалынмœ ирон адœймаг а зœххыл цœра, уœдмœ цœрдзœн Къостайы ном, йœ «Ирон фœндыр». Къостайы œмдзœвгœтœ абон систы зарджытœ. Адœм сœ уарзынц, зарынц сœ, хъусынц сœм.

Абон дзы иумœ байхъусдзыстœм.

(хистœр къл. Ахуырдзаутœ зарынц «Хъуыбады»)

-Афœлдахœм нœ урочы фœстаг сыф.

(экраныл Къостайы ныв œмœ нœ урочы эпиграф).

Ахуыргœнœг: - Уарзут Къостайы, кœсут ын йœ чингуытœ, ахуыр ын кœнут йе мдзœвгœтœ, œххœст кœнут йœ фœдзœхстытœ œмœуœд никуы фœрœдидзыстут царды.

Нœ уарзон Ирыстон та зондджын, œнгом адœмы фарнœй кœндзœн рœсугъддœр, кадджындœр, хъœздыгдœр.

(Ахуыргœнœг сывœллœттœн уары лœвœрттœ – Къостайы юбилеон значоктœ)

Ахуыргœнœг: Хистœр кълœсты ахуырдзаутœ сфœнд кодтой сымах бафœлварын œмœ сымахимœ сарадзысты телемост.

(Экраныл хистœр скъоладзаутœ базон-базонты хуызы дœттынц фœрстытœ 3-аг къласмœ. Ахуырдзаутœ дзурынц œмдзœвгœтœ.) Экраныл фœзындысты афœдзы афонты нывтœ œмœ фыстытœ:Зымœг, Уалдзœг, Сœрд, Фœззœг.

Ахуыргœнœг: Бузныг 8-œм кълас, тынг диссаджы телемост бацœттœ кодтат. Хатдзœгтœ.

Къоста уарзта œрдз.

-Цымœ кœцы афœдзы афон уарзта тынгдœр? (сывœллœтты дзуœппытœ).

Ахуыргœнœг: - Афœлдахœм та нœ урочы иннœ сыф.

-Æрœджы уыдыстœм музейы.

Сывœллœттœ дзурынц сœ хъуыдытœ.

Ахуыргœнœг: Къоста Стъараполы гимназы куыд ахуыр кодта, уый тыххœй нын радзурдзœн мезейы кусœг Æлборты Томœ.

- Цымœ базыдтат ногœй Къостайы тыххœй?

Сывœллœтты дзуœппытœ.

Музейы кусœг: -Сымахмœ дœр ис курдиатджын сывœллœттœ?

Музейы номœй хуыздœрœн скœндзыстœм лœвар.

Сывœллœттœ: Дзурынц œмдзœвгœтœ. Музейы кусœг хуыздœр чи радзура уымœн дœтты йœ лœвар.

Ахуыргœнœг: -Нœ горœты цавœр бынœттœ сты баст Хетœгкаты Къостайы номимœ?

Экраныл фœзындысты фыстытœ: музей, парк, проспект, цыртдзœвœн, 13-œм скъола, Къостайыл номыл культурон хœдзар, университет.

Ахуыргœнœг: - Цœмœн сты афтœ бирœ?

Сывœллœтты дзуœппытœ: Адœм уарзынц Къостайы, кад ын кœнынц, нœ йœ рох кœнынц.

Хатдзœг:

Къостайы ном рох никуы уыдзœн.