Пълан
Урочы темœ: Нæ уарзон мæгътæ.
Урочы нысантœ:
Сывœллœтты базонгœ кœнын тœхœг мœргътимœ.
Бакусын ныхасы рœзтыл.
Сабитœм гуырын кœнын œрдзмœ уарзондзинад.
Урочы фœлгонц: «Абеты» нывтœ, цъиуты предметон нывтœ, «Ирыстоны Сырх чиныг», баласы макет цъиуты нывтимœ, магнитофон.
Урочы цыд:
I. Бацœттœгœнœн рœстœг.
II. Рацыд œрмœг зœрдыл œрлœууын кœнын:
1. Беседœ:
Уœдœ-ма байхъусут, дзырд «цъиу» куыд равзœрд, уымœ.
Дзырд «цъиу» у мырфœзмœн дзырд. Ирон адœм мœргътœм фœсидынц афтœ: цъиу-цъиу-цъиу, туркœгтœ- - джиу-джиу-джиу œмœ а.д. Афтœмœй дзырд «цъиу» алы взаджы дœр сœвзœрд цъиумœ сидыны мыртœй.
2. Цœстуынгœ œрмœгимœ куыст.
Сывœллœттœ исынц предметон нывтœ œмœ дзурынц, цы мœргътœ дзы œвдыст ис, уыдоны тыххœй, цы зонынц, уый. Се хсœн ис тœхœг маргъы ныв.
Ахуыргœнœг:
- Ацы маргъ дæр хœдзарон у? (œвдисы зœрватытыччы ныв)
Кœм цœры зœрватыкк? (уый дœр цœры адœммœ хœстœг, хœдзары уœлœ скœны ахстон, рауадзы дзы цъиутœ).
Кœй хœдзары уœ скодга зœрватыкк йœхицœн ахстон?
Радзурут, йœхи куыд дары?
Зœрватыкк дœр хœдзарон цъиу у? (Цœуылнœ?)
Цавœр тœхгœ цъиутœ ма зонут?
Ахуыргœнœг:
Абон нœ урочы мах базонгœ уыдзыстœм, тœхгœ цард цы цъиутœ кœнынц, уыдонимœ.
III. Ног œрмœгыл куыст.
1. Базон-базоныл куыст.
Æнœ фœрœт, œнœ дзœбугœй хœдзар амайы.
Цœмœн афтœ фœзœгьынц цъиуы тыххœй?
Чи уœ федта цъиуты хœдзœрттœ?
Куыд сœ хонœм? (ахстœттœ) Цœмœй конд вœййынц?
- Адœм дœр цъиутœн фœаразынц ахстон-хœдзœрттœ.
Чи уœ федта ахœм ахстон та?
- Зœгьут-ма, цœмœн фœкœнынц адœм цьиутœн ахстœттœ? (Цъиутœ цы пайда сты, ууыл аныхас кœнын).
2. Хъазт «Хъœды»
Ахуыргœнœг:
Сывœллœттœ, мах абон абалц кœндзыстœм хъœдмœ. Уым байхъусдзыстœм цъиуты зарджытœм. Хъœды мах стœм уазджытœ. Нœхи куыд хъуамœ дарœм? (Бацархайын хъœды цœрœгойты нœ бахъыгдарыныл. Бырœттœ нœ калыныл.)
Фœцœуœм хъœды, иу бœласыл бады булœмœргь. Байхъусут-ма, куыд рœсугъд зары. (хъуысы булœмœргъы зард). Ацы цъиу та, сывœллœттœ, цавœр у?;
(Хъуысы хъœдхойы къупп-къупп). Ацы цъиу у хъœдхой, хонынц œй хъœды дохтыр. Бœласы зœнг дзœгъœлы нœ фœхойы, йœ зулчъытœ йын фœуидзы. (Куыд дзуры, афтœ архайы магнитœфонимœ, бœласы макетыл ауындзы цъиуты нывтœ).
Ахуыргœнœг:
Аулœфœм (физминуткœ).
Тагъддзуринагыл куыст.
Чиныгимœ куысг.
«Абеты» чиныджы 11-œм фарсыл нывмœ гœсгœ беседœ аразын:
- Цъиуты нœмттœ куыд равзœрдысты, ууыл ма ахъуыды кœнœм.
Зœгъœм:
Кœсаглас, хъœдхой.
(Ахуыргœнœг амоны ацы дзырдты равзœрд)
5. Нывмœ гœсгœ радзырд аразœм œмœ йœ фыссœм схемœты хуызы. Нœ радзырдœн сœргонд дœр œрхъуыды кœнœм.
Зœгъœм: Хъœды.
Скъоладзаутœ сœ ахуыргœнœгимœ ацыдысты хъœдмœ. Уым федтой бирœ алыхуызон цъиутœ. Уыдон хъœлдзœг зарджытœ кодтой. Куыд хорз у сœ зарджытœм хъусын!
Кœнœ: Хъœды.
Мах ахуыргœнœгимœ ацыдыстœм хъœдмœ. Уым федтам бирœ цъиутœ. Мœнœ бœласыл хъœдхой. Цы рœсугъд у!
6. Æмбисондыл куыст.
Цъиутœ зарын куы райдайынц, уалдзœг дсер уœд ралœууы.
- Афтœ зœгъы ирон œмбисонд. Цœмœн, цымœ?
7. Ахуыргœнœг: Бирœтœ сœ хœдзœртты мидœгœй дарынц тœхœг цъиуты. Кœмœ уœ ис ахœмтœ? Радзурут, сœхи куыд дарынц, цы хœрынц. Куыд сœм зилут сымах та?
IV. Хатдзœгтœ.
1. Беседœ:
- Цавœр мœргътимœ базонгœ стœм абон?
- Уыцы мœргьтœй уœ зœрдœмœ тынгдœр кœцытœ фœцыдысты? Равдисут-ма сœ нывты.
- Зœгъ цъиуы ном (нывмœ гœсгœ) œмœ кœм цœры (халон - бœласыл, ахстоны; зœрватыкк - хœдзарыл конд ахстоны, тути цъиу - къалатийы, хъœдхой - бœласы мœрайы).
- Цавœр ног œмбисонд базыдтам абон? Базон-базон та? Ахуыргœнœг:
Сабитœ, бафœлварут-ма, уœ зœрдœмœ тынгдœр цы цъиу фœцыд, уый сныв кœнын, тœхгœ цъиутœй иуы тыххœй радзырд саразын.
Уœлœмхасœн œрмœг урокмœ Аргъауыл куыст.
1) Ахуыргœнœг аив кœсы аргъау. «Уœздан цъиу»
Иу изœр хъаз йœ дыууœ цъиуимœ доны былœй œрбацœйцыд. Уалынмœ дын œрлœууыд, систа зœххœй мœнœуы гага œмœ фœрсы йœ цъиуты:
- Уœ кœцыйœн œй раттон? Сымах дыууœ стут, гага та — иу?
- Мœнœн œй ратт! Æз тыхджындœр цъиу дœн œмœ дын тагъддœр айрœздзынœн! – загъта нард цъиу. Ды та цы зœгъыс? - бафарста мад йœ мœллœг цъиуы.
Ахœр нын дœхœдœг œмœ нын фылдœр фœцœрай, - загъта къаддœр цъиу.
Хœлар дын уœд, мœ уœздан хъœбул, - сдзырдта ма мад œмœ хоры гага мœллœг цъиуы дзыхы атъыста.
2) Беседœ:
3) Цœсгœмттœм гœсгœ хъазт (аргъауы бындурыл).
4
