Пълан
Темæ. Рацыд æрмæг бафидар кæнын. (Ныхасы хæйттæ)
Урочы хæстæ.1)скъоладзауты дзырдуатон сконд фæхъæздыгдæр кæнын;
2)скъоладзауты ахуыр кæнын миногонтæн æмæ мивдисджытæн
антонимтæ арын;
3)скъоладзауты ахуыр кæнын анограммæтæ аразын;
4) æмуидаг дзырдтимæ кусын.
Цæстуынгæ æрмæг.Смарт – фæйнæг, скъоладзаутæм- тетрæдтæ æмæ
чингуытæ.
Урочы цыд.
1.Организацион хай.
Скъоладзауты цæттæдзинад сбæрæг кæнын урокмæ, зæрдыл æрлæууын кæнын, куыд хъæуы кусын мультимедион кабинеты,уый.
2.Темæ зæгъын сывæллæттæн.
Сывæллæттæ йæ кæсынц хъæрæй иумæ. (Слайд №1)
-Ракæсут экранмæ. Зæгъут цы уынут? Цавæр дамгъæтæ сты? Цæмæ сты æвæрд дыууæ хуызы фоныл? (Слайд№2)
Дзуаппытæ: ацы дамгъæтæ нысан кæнынц фæлмæн æмæ хъæбæр æмхъæлæсонтæ.
-Ракæсут нæ бирæуæладзыгон хæдзармæ , кæцыйы æрцæрын кодтам æмхъæлæсон дамгъæтæ. Цæмæ сты дамгъæтæ Г æмæ К иу уæладзыгыл?
Дзуаппытæ: ацы дамгъæтæ сты æмкъай æмхъæлæсонтæ. …
3.Миногонтимæ куыст. (Слайд №3)
-Цавæр у гæды экраныл? Зæгъут, дзырдтæ,кæцытæй ис схонæн нæ гæдыйы.
Дзуаппытæ:гæды у (цавæр?) фæныкхуыз, хъулæттæ, фæлмæн, хæмпус, хъæлдзæг, цымыдисгæнаг, хъуырна, худæндзаст, тыхджын, цъæхцæст…
4.Антонимтимæ куыст. (Слайд №4-8)
-Кæй уынут нывы ?Зæгъут цавæр у чызг æмæ цавæр у къулбадæг ус?
(Хæларзæрдæ- фыдзæрдæ, æвзонг –зæронд, рæсугъд – фыдуынд).
- Цавæр сты нывы лæгтæ?
(нард-мæллæг , фыдхуыз)
-Чызджытæ та цавæртæ сты?
(гыццыл стыр)
-Куыд ис схонæн чызджыты ?
(рынчын – æнæниз)
-Фыццаг лæппуйæн куыд ис схонæн? (гуыбыр)
-Дыккаджы та? (раст, хæрзконд)
Хъомыладон куыст.
(Сывæллæттæ 8 слайд фенгæйæ дзурдзысты алыхуызон дзуаппытæ.Сараздзыстæм ацы ран хъомыладон куыст : беседæ, куыд хъæуы бадын партæйы фарсмæ ,куыд цæуын хъæуы , цæмæй нын уа рæсугъд уæнгты сконд, цыд,цæмæй нæ цæсты рухс ма фæкъаддæр уа.
5.Мивдисджытимæ куыст (Слайд №9-11)
-Цы ми кæны чызг?Цы аразы лæппу?
(Схизы асинтыл – æрхизы асинтыл).
Иннæ нывтимæ дæр ахæм куыст.(кæуы – худы, ссуайы – æруайы)
6.Физминуткæ. Æхгæнын проекторы экран.
-цæстытæн аразын гимнастикæ, цæмæй баулæфой.
Стæй къухтæ æмæ къæхтæн.
Къах лæууы, лæууы, лæууы! -Сывæллæттæ лæууынц сæ бынæтты.
Къах цæууы, цæуы, цæуы! -Сывæллæттæ зылды цæуынц.
Къæхтæ згъорынц, згъорынц,згъорынц!-Згъорынц сæ бынæтты.
Къæхтæ кафынц, кафынц,кафынц! -Кафынц сæ бынæтты.
О мæ къæхтæ! -Æрдзуццæг кæнынц,æрбахъæбыс кæнынц сæ къæхтæ.
Гыццыл къæхтæ,
О!-
Цæст кæсы,кæсы ,кæсы -Къух ныхыл авæрынц æмæ фæлгæсынц дыууæрдæм.
Хъустæ хъусынц хъусынц,хъусынц!- Æрмттæ хъустыл авæрынц.
Ме ‘взаг! Банцай! -Æнгуылдз дзыхыл авæрынц.
7.Æмуидаг дзырдтимæ куыст.(Слайд №12)
Æркæсут нывтæм .Цавæр дзырдтæ дзы ис? Бакæсут сæ .(Слайд№13)
Дзырдтæн иухуызон кæцы хай у?
Беседæ скæнын хъæды тыххæй . Куыд хъæуы хъахъхъæнын хъæд, цы пайда у, хи куыд хъæуы дарын хъæды, …
8.Дзырдтæ кæсы хорз чи кæсы , ахæм скъоладзау.Уый фæстæ хизынц фæйнæгмæ æмæ аразынц схемæтæ маркерæй.
ХЪÆД
ХЪÆДЫН
ХЪÆДДАГ
ХЪÆДХОЙ
ХЪÆДДЗАУ
ХЪÆДМÆ
9.Тетрæдты куыст (Слайд №14-15)
Ссарут миногонтæн антонимтæ .
САУ-
ФÆЛМÆН-
НОГ-
ÆРРА-
РÆСУГЪД-
ТУАГ-
ХЪÆЛДЗÆГ-
ТÆНÆГ-
10.Фæивут иу дамгъæ дзырды æмæ саразут ног дзырд.(Слайд №16-17)
Хох-хор,хос
Уасæг-уазæг
11.Бакæсут анограммæтæ (Слайд№18-19)
Фыс –сыф.
Сæр -рæс
12.Слайд №20. Стыр бузныг. Хатдзæг скæнын.
-Цы фæцыдис уæ зæрдæмæ урочы?
-Цы уæм фæкаст зын хæслæвæрдтæй?
3
