Зат алмашлыкларын кабатлау

Зат алмашлыкларын кабатлау

Гүзәл ВӘЛИЕВА,

Казандагы 70 нче урта мәктәпнең I категорияле татар теле һәм әдәбияты укытучысы

Максат.Алмашлыкларны кабатлау.Укучыларның белемнәрен ныгыту,фикер йөртү сәләтен үстерү,туган җиргә хөрмәт тәрбияләү.

Җиһазлау.К.С.Фәтхуллова.”Татар теле”:Рус телендә белем бирүче дүртьеллык башлангыч мәктәпнең 4 нче сыйныфы өчен дәреслек;музей рәсемнәре,компьютер,тестлар.

Дәрес барышы.

I.Оештыру өлеше.

-Исәнмесез укучылар!

-Утырыгыз.Бүген сыйныфта кем кизү тора?

-Сыйныфта барлыгы ничә укучы?

-Утыр.Бүген ничәнче число?

-Көн җылымы,әллә суыкмы?

-Ни өчен суык?

-Чөнки урамда кыш.Кыш көне суык була.

-Дөрес укучылар.Рәхмәт,утырыгыз.

II.Актуальләштерү.

-Узган дәрестә без алмашлыкларны өйрәнгән идек.Сезгә өй эше итеп,алмашлыклар белән җөмләләр төзергә бирелгән иде.Хәзер өй эшен тикшереп китик.

-Димәк,укучылар нинди алмашлыклар була?(Зат алмашлыклары,күрсәтү алмашлыклары)

-Алмашлыклар нәрсә белән төрләнәләр?(Алмашлыклар килеш белән төрләнәләр)

III.Төп өлеш.

-Алган белемнәребезне ныгытып китик.

Биремле эш башкарыла.

1.Нокталар урынына тиешле алмашлыкларны куярга.(2 нче слайд)

... туган җирем Татарстан.

... Идел буенда урнашкан.

... шәһәрләр,авыллар,районнар күп.

Татарстанда төрле халыклар яши.

... тату яшиләр.

... туган җирем белән горурланам.(Укучылар эшне дәфтәрләргә эшлиләр.Бергәләп дөреслеген тикшерәбез.3 нче слайдта дөрес җаваплар күрсәтелә).

-Укучылар хәзер алмашлыкларга сораулар куеп,килешләрен билгелибез.

Физкултьминутка.

Су буенда бакалар

Баталар да калкалар.

Уңга да бөгеләләр,

Сулга да бөгеләләр,

Алга да бөгеләләр,

Артка да бөгеләләр

Һәм суга сикерәләр.

2.3 слайд.Җөмләләрне тәрҗемә итәргә.

Я рисую. Я не рисую.

Он читает. Он не читает.

Мы играем. Мы не играем.

Вы слушаете. Вы не играете.

Ты сидишь. Ты не сидишь.

(Телдән балалар тәрҗемә итәләр).

3.4 слайд.Укучылар тактага карыйк әле.Монда нинди музейлар сурәтләнгән?

(Татарстанның Дәүләт музее,Сынлы сәнгать музее,ГабдуллаТукай музее)

Казанда нәрсәләр? бар.

кем? яшәгән.

Хәзер сорау-җавап рәвешендә шушы рәсемнәргә карап сораулар биреп,җавап бирик.Мин башлыйм.Сез дәвам итәсез.

-Синең ГабдуллаТукай музеенда булганың бармы?

-Әйе,минем Габдулла Тукай музеенда булганым бар.

Укучылар,хәзер алган белемнәребезне тикшерү өчен мин сезгә тестлар өләшәм.Сез дөрес җавапларны билгеләргә тиеш буласыз.

IV.Йомгаклау.

-Дәрестә нәрсәләр өйрәндек?

-Нәрсәләр турында белдек?(Җаваплар тыңлана)

Өйгә эш бирү.Билгеләр кую.