«Жабайы а?дар»

Еңбекшіқазақ ауданы

Балтабай орта мектебі

Қазақ тілі мен әдебиет пәні мұғалімі

Омаржанова Ақмарал

Пән: Қазақ тілі

Сабақтың тақырыбы: «Жабайы аңдар»

Сабақтың мақсаты:

Білімділік: Жабайы аңдар туралы түсінік беру, қазақша атауларын еске түсіру.

Дамытушылық: Оқушылардың өзіндік ой-пікірін, көзқарасын, таным-толғамын қалыптастыру. Жаңа сөздермен таныстырып, оларды қолдана білу дағдысын қалыптастыру.

Тәрбиелік: Табиғатты сүюге, қорғауға баулу.

Сабақтың көрнекілігі: Дидактикалық материалдар, жеке жұмыс карточкалары, интерактивті тақта. Жабайы аңдар - слайд.

Сабақтың түрі: интерактивті сабақ

Сабақтың әдісі: түсіндіру, сұрақ-жауап, аудару, сөздікпен жұмыс, интерактивті тақтамен жұмыс, салыстыру, ойын элементтерін қолдану, тыңдап түсіну, ең негізгісін табу.

Жұмыс түрлері: топпен, жұппен, жекелей жұмыс.

Сабақтың барысы:

І. Ұйымдастыру кезеңі:

а) Оқушылармен сәлемдесу.

ә) Оқушыларды түгелдеу.

б) Оқушылардың назарларын сабаққа аудару.

в) Сабақтың барысын айту.

Оқушыларға бағалау парағын таратып, бағалау критерийларын түсіндіру.

Бағалау парағы

_______________________________________

ІІ. Үй жұмысын тексеру:

1 «Терісі бағалы аңдар». Оқушылар «Ыстық орындыққа» отырып, үй жұмысын айтады. Олар үйде терісі бағалы аңдар атынан адамдарға өз ойларын айтады. Мысалы: «Мен тулкімін. Құрметті адамдар! Мен де сіздер сияқты тірі жанмын, менің де отбасым бар, сондықтан өлгім келмейді ... соны естен шығармаңыздар!».

lll. Жаңа тақырыпқа дайындық. Интерактивті тақтамен жабайы аңдардың суретін көрсету, атауларын айтқызу.

Жаңа сөздермен жұмыс: Сөз – сөз тіркес – сөйлем құрастыру.

Салмақ – вес

Сезеді – чувствует

Жем – корм

Ежелден – с давних времен

Тұмсық – хобот, нос

Аш ұсталады – держат голодным

lV. Мәтінмен жұмыс.

Ә) Сынып оқушылары үш топқа бөлінеді , әрбір топқа мәтін беріледі. Осы мәтінді 4-5 минут ішінде аударып, мазмұнын ашады.

1. топ «Піл»

2. топ «Жолбарыс»

3. топ «Қасқыр»

4. Сөз – сөз тіркес – сөйлем құрастыру.

А) Әрбір топтан екі оқушы басқа топтарға барып, өз мәтінінің мазмұнын ашып, аудармасын айтады. Сөйтіп, 10 минут ішінде 3 топтың әрбір оқушысы үш мәтіннің мазмұнын түсініп, аудармасын білу керек. Сосын оқушылар өз топтарына қайтып келеді де, сол үш мәтінді қолданып диаграмма ВЕНН құрады.

піл

ортақ

жолбарыс

қасқыр

Тексеру: Тақтада плакат ілулі. Үш топтан бір оқушы шығып плакаттағы ВЕНН диаграммасын маркермен жазып, толтырады.

В) Енді оқушылар жұппен жұмыс жасайды. Аударған үш мәтінді қолданып, диалог құрастырады.

Үлгерімі төмен оқитын оқушыларға жеке карточка беріледі.

1. Сұраққа жауап бер.

• Қандай жабайы аңдарды білесің?______________________________

• Қандай терісі бағалы аңдарды білесің?_________________________

• Жабайы аңдармен үй жануарлардың айырмашылығы неде?______________________________________________________

1. «Хайуанат» сөзіне фонетикалық талдау жаса.

V. Белсенді тақтамен жұмыс.

1. «Сөйлемді толықтыр» тапсырмасын орындау.

2. Сөздерді құрамына қарай талдау.

Хайуанаттардың, ормандарында, шаруашылығына, қасқырларды.

VI. Сергіту сәті. «Мені түсін» ойыны.

Ойынның шарты: Бір оқушы шығып, жабайы аңның атауын атамай, сол жануар туралы айтады, түсініп атауын тапқан оқушы ойынды жалғастырады.

VII. Эссе жазу.

Тақырыбы :

1.Бүгінгі сабақта мен не білдім?

2.Аңдар әлемінде

3. Аңдарды қорғау керек. Себебі ...

VIII. Қорытынды.

Тест.

1. Жабайы аң түрі.

ә) түйе

а) ақбөкен

б) қарға

2. Суматра, амур қай аңдардың түрлері?

ә)Піл

а) жолбарыс

б) қасқыр

3. Аптасына 6 рет қоректенеді, 8-10 кг ет жейді.

ә) Бұғы

а) Жабайы шошқа

б) Жолбарыс

4. Қазақстан қызыл кітабына енгізілген.

ә) Елік

а) Жылқы

б) Арыстан

5. Адам, жануарлардың қас жауы.

ә) Қоян

а) Қарсақ

б) Қасқыр

Үй жұмысы: «Жабайы аң» тақырыбына мәлімет жазу.

Сын есімдерді қатыстырып, «Аңдар әлемінде» атты ертегі жазып келу.

Бағалау: бағалалау парақтарындағы балдарын қосып, 6-ға бөліп қорытынды бағаларын қояды. Оқушылар бір-бірін бағалайды.

Рефлексия. Бүгінгі сабақ несімен ұнады? Нені үйрендің?