«Қыздар сұлу көрінер өнерімен»

«Қыздар сұлу көрінер өнерімен»

Құрметті ұстаздар, оқушылар !

«Қыздар сұлу көрінер өнерімен» атты сайысымызды бастауға рұқсат етіңіздер.

Көрермен жиналған бұл тамашаға,

Құр қарап тым отыру жараса ма?

Туыс, дос, сыныптас, танысқа емес,

Соқ қолыңды білімді жас талапқа .

Қолыңды бекерге бос соға берме,

Ойсыз, соқыр сенімнің соңына ерме.

Зерделеп, сұрақ-жауап санаңа түй,

Сонда ортақ боласың бар жеңіске!- дей келе сайысымызды бастауға рұқсат етіңіздер.

Алдымен сайысымыздың жоспары мен таныстырайын.

Жоспар:

1. Таныстыру.

2. Салт-дәстүрге байланысты мақал- мәтелдердің мағынасын түсіндіру.

3. Хобби. (үй тапсырмасы).

4. Жорға (сұрақтарға жауап беру)

5. Сән үлгісі.(4-стиль) –дің біреуін ғана көрсету.(классикалық, спорттық, романтикалық, фольклорлық)

6. Қолөнер.

Бұл сайысымызға 5-9 сыныптар арасында оздырғалы тұр.

Сайысымызды бастамас бұрын алдымен әділ-қазылар алқасын сайлап алайық.

Әділқазыларымыз: Оқу ісінің меңгерішісі: Нурболатова Гүлсезім Нұрболатқызы, Тәрбие ісінің меңгерішісі: Жунісова Нәйлә Темірболатқызы, Мектебіміздің психологы Батырғалиева Гүлбаршын Жардемқызы, Хамидулина Баян

«Шешенніңтілі ортақ, шебердің қолы ортақ» дегендей, қазақ қыздарының өмірдегі, өнердегі шеберлігін шыңдауға ортаға бүгінгі кештің қатысушыларын шақырамыз.

1-бөлім. Таныстыру.

«Өнер қуып шеберлер өтер деймін,

Бір басына өнері жетер деймін.

Сайысқа түскен он шебер кезектесіп,

Таныстырып өздерін өтер деймін»

Таныстыру бойынша әділ-қазылар бағаларын берсе дейміз.

2-бөлім. Мақал-мәтелдердің мағынасын түсіндіру. (2-3 минут уақыт)

Қонақжайлылық, мейманды қабылдау ата- бабаларымыздан қалған аса қастерлі салтымыз, әрі дәстүріміз.

Салт- дәстүрдің көрінісі қонақжайлылық туралы айтылған мақал- мәтел мағынасын түсіндіру.

1. «Барымен базар», «құдайы қонақпын» дегенді қалай түсіндіресің.

Жауап. Келген адамды кеудесінен итермей, жылы шыраймен қарсы алып, шамасы келгенше сый-құрмет көрсетіп аттандыру парыз.

1. «Қырықтың бірі-Қыдыр» дегенді қалай түсінесің?

Жауап. Қонақты қума, оның шарапаты тиеді, бірінен болмаса, екіншісінен құт келеді дегенді білдіреді.

1. «Қонақпен бірге құт келеді» деп неге айтқан?Қонақ күту рәсімдеріне не жатады?

Жауап. Қонақты қарсы алу,шай жабдығына кірісу, қонақтың өзіндік сыбағасын дайындау.

1. «Адам болар бала қонаққа үйір»

Жауап. Қонақ әңгімсіне балалар әрқашан құмар болады.

5.«Әкеге қарап қыз өсер, шешеге қарап ұл өсер»

Ән:

3-бөлім. «Хобби» (Үй тапсырмасы)(3-5 минут уақыт беріледі.)

«Өнер, білім, еңбекке

Жақын болар ұрпақпыз.

Он саусағы майысқан

Шебер болар ұрпақпыз.

Тұла бойы тұнған бір

Өнер қуған ұрпақпыз»- дегендей, өздеріңнің үй тапсырмасы бойынша істелген жұмыстарын қорғау.

Ән:

4-бөлім. «Жорға» (сұрақтарға жауап беру). (5-минут уақыт)

1.Дәм үстіне келген адам үй иесіне не дейді?

(«Ас тәтті болсын» дейді)

2. Қыз балаға шашы ұзын болсын деп не береді?

(желке)

3. Балаға шешен болсын деп не жегізеді?

(таңдай)

4.Қандай салт-дәстүрлерді білесің?

1. Қонақ түрлерін атаңыз?

(арнайы, құдайы ,қыдырма қонақтар)

1. Қазақтың ұлттық киімдерін атаңыз және оарды нешеге бөлеміз?

(сәукеле , камзол, бешпет, тақия, мәсі, шапан, тұмақ бөрік т.б.)

1. Ұлттық зергерлік бұйымдарға нелер жатады?

(білезік, шашпау, сақина т. Б.)

1. Қазақтың ұлттық тағамдарын атаңыз?

(бешпармақ, қуырдақ, кісенан, бауырсақ т.б. )

9.Ұлттық ойындарға нелер жатады?

(алтыбақан, қызқуу, асық ату, соқыр теке т.б.)

1. Мейрамдардың ішінен қай мейрам ұлттық мейраға жатады?

(жаңа жыл, наурыз)

Ән:

5-бөлім. Сән үлгісі. (4стильдің біреуін ғана көрсету)

Сән үлгісінде өзінің көрсететін стильі бойынша айтып кету.

Ән:

6-бөлім. «Қолөнер»

Ортаға сайыскерлерімізді шақырамыз.

Бұл сайыста өздеріңіздің қолөнерлерін көрсетесіздер

10-минут уақыт беріледі.

Ән:

Бүгінгі өткізілген сайысымыз өз мәресіне жете келді деп ойлаймыз. Ендігі кезекті осы сайысымыздың қорытындысы бойынша әділқазылар алқасына сөз кезегін берелік.

Хабарландыру.

Сәуірдің10 күні сағат 17-де «Қыздар сұлу көрінер өнерімен» атты сайыс оздырылады.

Сайысқа 5-9 сынып оқушылары қатынасады.

Ұйымдастырушы: Уразова А.

Өтілетін орны: Мәжіліс залы.

Күні: 10сәуір. Уақыты: 17-де.

Жоспар :

1. Таныстыру.

2.Салт-дәстүрге байланысты мақал- мәтелдердің мағынасын түсіндіру.

3.Хобби (үй тапсырмасы).

4.Жорға. (сұрақтарға жауап беру).

5.Сән үлгісі(4- стильдің барлығын көрсету).

Стиль түрлері.1.Классикалық. 2. Спорттық. 3. Романтикалық.

4.Фольклорлық.

6.Қолөнер.(Іскерлік, шебеліктерін көрсету)