Аяулы к?з, алтын - к?з

Бекітемін

мектеп директоры:

Б.Утебаев

Өткізілетін орны : Октябрь шаруа орта мектебі

Өткізілетін күні : 27.10.2012ж

Қатысатындар : 8-11 сыныптар

1-жүргізуші: Шөп сарғайып

Өңі тайып

Дала сұры қашады.

Бой жаза алмай

Денең мұздап тоңады.

Айтшы, Әсет,

Бұл қай кезде болады?

2- жүргізуші: Қазан болды молшылық,

Дәулет қорын қалады.

Заңғар көкке жол сызып,

Құстар қайтып барады.

Бұл құбылыс , Жанар,

Күзде ғана болады.

1-жүргізуші: Көк аспаным мөлдіреп,

Шуақты көзім елжіреп,

Асыр салып жүретін

Сары көйлегім желбіреп.

Айтшы , Әсет,

Бұл қай мезгілдің келгені?

2-жүргізуші: Жайдары күз, жарқын күз,

Аяулы күз , алтын күз.

Дәнге толы ен далам,

Дариядай шалқар күз.

Жанар, бұл Алтын күздің келгені.

1-жүргізуші: Жүрегімнен шуақты жыр естіріп,

Жазым өтті отты тіл үлес қылып.

Қарасам жан-жағыма күз келіпті,

Сұрша бұлтқа күрсініс ілестіріп.

2-жүргізуші:Күн де тұнжыр , ала бұлт аспанымда,

Көңілім пәс , десем де баспа мұңға.

Көктем-пейіл бәйшешек жыр іздесе

Жазда өтіп кетіпті-ау қас қағымда.

1-жүргізуші: Армысыздар , қымбатты ханымдар мен мырзалар!

2-жүргізуші: Қайырлы күн , ұлағатты ұстаздар, жалынды да жігерлі жас достарым.Берекелі де мерекелі Алтын күз мерекелеріңіз құтты болсын!

1-жүргізуші: Мінеки табиғаттың ерекше құбылып , айналамыз сары түске боялатын , қамбамыз астыққа толатын , бәріміз асыға күтетін , сағындырған сырмен көңілге қуаныш, асқарлы үміт сыйлайтын , баршамызға шашылған сары нұрымен шуақ болып тарайтын берекелі мезгіл күз айы да келді.

2-жүргізуші: Күз айы – мерекелі ай.Қырман толып , халқымыздың ырысы артатын берекелі ай.Келесі күзге дейін жүрегімізде есте қалатындай арман сезімін себелейтін , үнемі асқақ мұраттарға жетелеп отыратын қасиетті ай.Ендеше , халайық, келіп отырған Алтын күз мерекесі әрбір жанға құт пен береке , ырыс пен табыс әкелсін демекпіз.

1-жүргізуші : Олай болса бүгінгі «Аяулы күз, алтын күз» атты байқауымызға қатысатын үміткерлерді қошеметпен ортамызға шақырайық.

2-жүргізуші: Қарсы алыңыздар кешіміздің үміткер ханшайымдарын!

1-жүргізуші: «Аяулы күз, алтын күз» байқауының үміткерлеріне ақ жол деп қошемет көрсетейік , құрметті көпшілік.

2-жүргізуші : Әділ қазы ,ақ қазыға бір салем,

Әділдікке бас иеді күллі әлем.

Жүйрік озар сайыстарда нешебір,

Сарапқа сал , әділдікпен шеше біл ...

Бүгінгі сайысымызға қазылық жасайтын қазылар алқасымен таныс болыңыздар:

1. Директордың оқу-ісі жөніндегі орынбасары: Сукенова А

2. Директордың тәрбие ісі жөніндегі орынбасары: Қораласбаева Г

3. Бастауыш сынып мұғалімі : Кертаева А

4. Психолог: Ұзақбаев А

5. География пән мұғалімі : Сасықбаева Ш

1-жүргізуші: Ендеше бүгінгі кешіміздің бағдарламасымен таныс болыңыздар.

1. Таныстыру.

2. Өз өнері ( ән, би, т.б)

3. Білімді жастар (сұрақ-жауап) бөлім

4. Арулар фантазиясы

5. Сөздің көркі мақал

1. Сән үлгісі

2. Шаш сәндеу.

3. Дастархан мәзірі (салат жасау)

2-жүргізуші: Құрметті көпшілік көрерменім,

Жақсылыққа әрдайым артқан сенім.

Ақжол тілеп үкілі үміттерге

Таныстыру шартына кезек бердім.

1-жүргізуші: Ендеше бірінші шартымыз-үміткерлердің өздерін таныстыруы.

2-жүргізуші: Баршаға өнерсүйер жар саламыз,

Үкілі үміттерді қарсы аламыз.

Күйге енейік баршамыз ерекше бір,

Сіздер үшін би билеп , ән саламыз

1-жүргізуші:ІІ бөлім «Өз өнері»деп аталады. Құрметті көрермендер , ендігі кезекте үміткерлеріміздің дайындап келген өнерлерінің куәсі болуға шақырамыз...

2-жүргізуші: ІІІ бөлім «Білімді жастар» деп аталады.

Ал, арулар , сайысқа қалайсыңдар

Сендер өтер әлі де талай сын бар.

Тапсырма ал қымсынбай кел,

Жауап берсең сұраққа жарайсыңдар.

1-жүргізуші: Қазақтың түрлі –түрлі дәстүрі бар

Оның сырын ашқанға жұрт қызығар.

Жауаптарын табар ма екен үміткерлер,

Сол себептен қоятын сұрақтар бар.

Ендеше үміткерлеріміздің білімдерін байқайық.

№1 .Жеті қазынаны атаңыздар:

( Ержігіт, сұлу әйел, берен мылтық, құмай тазы, қара қазан, жүйрік ат, қыран бүркіт)

№ 2 Күзде ғана жинап алатын емдік шөпті атаңыз?

( адыраспан, дермене, қараша)

№ 3 Күзгі жиын-терім біткенде тойланатын той қалай аталады?

(сабантой)

№ 4 «Қарабай Сарыбаймен аңға шықты» деп басталатын жырдың кейіпкелері кімдер?

( Қозы Көрпеш, Баян сұлу)

№ 5 Жеті атаны атаңыз.

(Ата, әке, немере, шөбере, шөпшек, немене, )

№ 6 Бір топ аттылар тартыспағын қазақта қалай атайды?

(Көкпар)

№ 7 «Ата тұрып ұл сөйле-ержеткені болар,

Ана тұрып қыз сөйле- бойжеткені болар»-деп айтқан кім?

(Сырым батыр)

№ 8 Күз мезгілінде егілетін дақылдарды атаңыз

(Бидай, жоңышқа, сәбіз, пияз , арпа

№ 9 Күзде келетін құстарды атаңыз

(қарға, үйрек, көкшымшық)

№10 «Үш бәйтерек» дегеніміз кімдер?

( І.Жансүгіров, С. Сейфуллин, Б.Майлин)

№ 11.Ғарышта Абайдың қандай әнін қай ғарышкер орындаған?

(Талғат Мұсабаев «Айттым сәлем, қаламқас» әнін орындады.

№ 12 Бір рудан немесе бір атадан тараған туыс.

(Әулет)

2-жүргізуші : ІҮ бөлім « Арулар фантазиясы» деп аталады. Сайыскерлеріміз өздерінің дайындап келген таң қаларлық өнерлерін көрсетеді.

1-жүргізуші: Ата-дәстүр абырой көтергенде,

О , бұл сөздер сүйектен өтер демде!

Тоқталамыз енді біз , ал халайық,

Қанатты сөз , мақал мен мәтелдерге.

Ү бөлім «Сөздің көркі мақал» деп аталады.

2-жүргізуші: Барлық ханшайымдарды ортаға шақырамыз. Бұл бөлімде қыздарымыз мақал-мәтелдерді кезегімен жалғасын айтады.

1. Жүзігің алтын болғанша... (Жүзің жарқын болсын)

2. Ұлға отыз үйден тыйым... (Қызға қырық үйден тыйым)

3. Атаңның баласы болма ... (Адамның баласы бол)

4. Шешен сөз бастар.... ( Батыр қол бастар)

5. Жақсы байқап сөйлейді... ( жаман шайқап сөйлейді)

6. Жердің сәні егін.... (ердің сәні білім)

7. Білімдіге дүние жарық...( Білімсіздің күні кәріп)

8. Білімді өлсе , қағазда аты қалар... (ұста өлсе, атында заты қалар)

9. Күш білімде ... (Білім кітапта)

10 Тіліңмен жүгірме ... ( біліммен жүгір)

11. Жеті жұрттың тілін біл... (Жеті түрлі білім біл)

12.Көп оқыған білмейді ... ( көп тоқыған біледі)

1-жүргізуші: Сәнімен күздің көркін көрікті етіп,

Бір қыз өтіп барады желіп кетіп.

Иығынан төгіліп қара шашы

Жан біткенді өзіне еліктетіп.

ҮІ бөлім «Сән үлгісі» деп аталады.

2-жүргізуші: Аруларымыз өзінің ұстамдылығымен , жарқын жүзді сыпайылығымен , сергек сезімталдығымен бірге сырт пішініне , киім сәніне немқұрайлы қарамаған.Ендігі кезекте аруларымыздың сән үлгісін тамашалаңыздар.

1-жүргізуші: Сән мен сымбат үйлескенде ,

Көкірегің керімсал күй кешкенде ,

Дүниені төңкеріп сұлулықты

Табылмайды көз тігіп , сүймес пенде.

VІІ-бөлім Шаш сәндеу.

2-жүргізуші:Көрсетеді өнер әр салада сайысып ,

Қимылдары жүргендей бір жай ұшып.

Мерекелік ас мәзірін жасапты,

Қыздарымыз бармақтары майысып.

1-жүргізуші: ҮІІІ- бөлім «Мерекелік дастархан мәзірі» деп аталады.

2-жүргізуші: Жарыстың соңғы сәті таяп қалды

Демеңіздер біз өнерді аяп қалды.

Әділқазы сіздерге сөз береміз

Жеңімпаздар кім болып сарапталды?

1-жүргізуші : Ендігі кезекте «Аяулы күз,алтын күз» байқауының жүлдегерін анықтайық.

(Марапаттаулар)

Алдыңызда жайнаған жүздер әні

Сіздермен кездесеміз біздер әлі

Әділқазы , көрермен сау тұрыңыз,

Күтеді бізді жарқын күндер әлі!-дей келе бүгінгі күзгі балл кешімізді жабық деп жариялауға рұқсат етіңіздер.

Жалпы би.