Ата За? к?ніне арнал?ан іс-шара

Ақсу қаласы. Қызылжар ауылы мектеп ішіндегі шағын орталық

30 – тамыз

Конституция күні

Тәрбиешісі: Иманберлинова К.Н.

Тақырыптық сабақ

Тақырыбы: Конституция

Мақсаты: балаларды конституциямен таныстыру, оның ең басты құжат екенін, мақсатын түсіндіру, баптармен таныстыру. ҚР рәміздерін қайталау, отанға деген сүйіспеншіліктерін нығайту, адал болуға тәрбиелеу.

Әдіс – тәсілдері: көрнекілік, түсіндіру, әңгіме, сұрақ – жауап.

Көрнекіліктер: конститутция кітабының суреті, рәміздер суреттері, ән ұран жазылған үн таспа.

Сабақтың барысы

1. Мотивациялық – қызығушылық

Балаларды кілемнің үстіне қатармен тұрғызу. Сабақты ҚР – ның ән ұранымен бастау.

Ән ұран орындалады.

Балаларды орындықтарға отырғызу, сабақты бастау.

• Балалар біз жаңа қандай әнді орындадық? Ол не?

• Бұл ҚР – ның ән ұраны. Рәміздердің бірі.

• Ал неге біз сабағымызды ән ұраннан бастадық қалай ойлайсыңдар?

• Себебі бүгін мереке, ҚР – ның Конституция күні. Ол біздің мемлекет үшін, жалпы басқа мемлекеттер үшін Конституция күні өте асыға күтетін мереке болып саналады, себебі бұл біздің ата заңымызды қабылдаған күн екен балалар.

• Мен сендерге бүгін осы Конституцияның бірнеше баптарын айтып, түсіндіремін сонда сендер оның мақсатынимда, оның бізге қаншалықты маңызды құжат екеніне көздерің жететін болады.

• Жалпы Конституцияда 99 бап бар балалар. Ал мен сендерге қазір тек қарапайым адамдарға, балаларға қажетті баптарын айтып берейін.

• 10 бап: ҚР – ның азаматы өз азаматтығынан өз келісімінсіз еш бір жағдайда айырылуы мүмкін емес.

• 11 бап: ҚР мемлекеттен тыс аймақтарда қамқорлық пен кепілдік береді.

• 12 бап: конституцияға байланысты ҚР – ның азаматына бостандық пен құқыққа кепілдік беріледі. Бостандық пен құқық әр адамға тууылғаннан беріледі. Адамдардың бастандық пен құқығы басқа адамдардың құқығы мен бостандығын бұзбау тиіс.

• 13 бап: әр адам өз құқығын сақтауға құқылы.

• 15 бап: әр адам өмір сүруге құқылы.

• 16 бап: әр адам жеке бостандыққа құқылы.

• 24 бап: әр адам еркін еңбек түрін таңдауға құқылы.

• Міне балалар мен сендерге қажет деген мағлұматты бердім.

Сергіту сәті

Ұзын мұртты құмырсқа,

Келе жатты жұмысқа.

Тасты алды қолына,

Тасты қойды жолына.

Оңға қарады,

Солға қарады.

Үлкен тау деп ойлады.

• Балалар ал енді маған ҚР – ның рәміздеріне не жататынын қайталап айтып беріңдерші.

• Ту, Елтаңба, Ән ұран.

• Ал біздің мемлекетті басқаратын адамды кім деп атаймыз?

• Ел басы деп айтамыз.

• Ал Ел басымыз кім?

• Нұрсұлтан Әбішұлы Назарбаев

• Астанамыз қай қала?

• Астана қаласы.

• Керемет балалар сендер көп ақпаратты білесіңдер.

• Ал қазір біз сендермен мақал – мәтелдер жаттап алайық.

Мақал – мәтелдер

1. Заңның құрығы бәрінен ұзын.

2. Тәрбие отбасынан басталады.

3. Заңды сыйлаған еркін жүреді.

• Балалар сендер сабаққа керемет қатыстыңдар. Сендерге көп рахмет.