| «Бақытты сәт» интеллектуалдық ойын сабағы
Сабақтың мақсаты: Білімділік: Оқушылардың ойлау қабілетін, ой ұшқырлығын, оқуға ынтасын арттыру. Дамытушылық: Ұйымдастырушылық қабілетін дамыту. Тәрбиелік: Оқушыларды ұйымшылдыққа, нақты пәнге қызығушылыққа, жауапкершілікке, өзін-өзі тәрбиелеуге тәрбиелеу. Көрнекілігі: Безендірілген зал, нақыл сөздер, карточкалық тапсырмалар, логикалық есептер, әр топқа даярланған үстел. Түрі: Топтық сайыс. Типі: Ойын түрінде Жоспары: 1. Топтың өзін таныстыруы, амандасу рәсімі 2. Тапқырлық сайысы (логикалық есептер) 3. Біліктілік сайысы (есептер шығару) 4. Математикалық сұрақтар 5. Ойымды жалғастыр (мақал-мәтелдер) 6. Ойлан тап (карточка арқылы топқа беріледі) 7. «Қас қағым сәт» сайысы (топқа сұрақ) Қолданылған нақыл сөздер: 1. Арифметика математиканың, ал математика ғылымдардың патшасы. (К.Гаусс) 2. Ақыл-ойды тәртіпке келтіретін математика. (М.В.Ломоносов) 3.Математикалық сөздер Жүргізуші: Қайырлы күн қадірменді көрермендер! «Бақытты сәт» ойынына қош келдіңіздер. Бүгінгі ойын топтық сайыс түрінде өтеді. Математика сырлары, Қызықтырды біздерді. Ойынға бірге қатысуға, Шақырамыз сіздерді, - дей отырып сайыскерлеріміздің білімі мен баға беретін әділ қазылар алқасын ортаға шақырамыз Ортаға «Үшбұрыш»,«Шаршы» топтарын шақырамыз. Әділ қазылар алқасы: 1.Жұмағұл М.А-оқу ісінің меңгерушісі 2.Слямова А.А-математика пәнінің мұғалімі 3. Зиядина А.С-информатика пәнінің мұғалімі Бүгінгі кештің жоспары таныстырылады. Кезекте амандасу рәсімі І топ «Үшбұрыш» тобы. Ұраны: Білікті бірді жығар. Білімді мыңды жығар. Сәлемдесуі: Біз дайынбыз бұл сайысқа достарым, Көрсетеміз бізде қандай күш барын. Алға қойған мақсатымыз бір екен. Сәтті болсын сапарымыз әрдайым. «Үшбұрыш» тобынан қарсылас топтарға сәлем. Таныстыруы: Үшбұрыш деп жазықтықта бір түзудің бойында жатпайтын үш нүктені тізбектей қосқаннан шыққан фигураны айтамыз. Үшбұрыш қабырғаларына қарай үш түрлі: 1) тең қабырғалы үшбұрыш 2) тең бүйірлі үшбұрыш 3) әр қабырғалы үшбұрыш Үшбұрыш бұрыштарына қарай үш түрлі: 1) тік бұрышты үшбұрыш 2) сүйір бұрышты үшбұрыш 3) доғал бұрышты үшбұрыш Үшбұрыштың ішкі бұрыштарының қосындысы 180°-қа тең. ІІ топ. «Шаршы» тобы. Ұраны: Қандай сынақ болсадағы беріспе, Әрқашанда үміткерміз жеңіске. Сәлемдесуі: Армандарға қол созумен келеміз, Өмір теңіз жүзіп келеді кемеміз. Білімменен қаруланған тобымыз, Қарсыласты қалай да біз жеңеміз. Қиындықтан сірәда біз қашпаймыз, Алғырлық пен тапқырлықты ұштаймыз. Қияларға самғап ұшқан құстаймыз, Шегінбейміз жеңістерге бастаймыз.
Таныстыруы: Барлық қабырғалары бір-біріне тең тіктөртбұрыш шаршы деп аталады. Қасиеттері: 1) диогональдары тең 2) диогональдары бір-біріне перпендикуляр болады 3) ішкі бұрыштарының қосындысы 360°-қа тең. Жүргізуші: Әділқазы алқасынан І-ші сайыстың қорытындысын сұраймыз. (10 ұпай) 2. Тапқырлық сайысы (әр топқа логикалық есептер беріледі). «Үшбұрыш» тобына. (әр сұрақ 5 ұпай) 1. Клубта 35 қатар бар.Әрбір қатарда 40 орын бар. 730-шы орын қай қатарда.(19 қатарда) 2. Үстел беті төртбұрышты, оның бір бұрышын арамен кесіп алсақ, неше бұрыш қалады? (5 бұрыш) 3. Төрт қойдың,жеті тауықтың неше аяғы бар? (30 аяқ)
«Шаршы» тобына. 1. Бөлменің төрт бұрышында бір-бір мысықтан отыр.әр мысықтың алдында үш мысықтан отыр. Барлығы бөлмеде неше мысық бар? (4мысық) 2. Жасы жүзге келген бір қарт болыпты. Бүкіл өмір бойы ол өзінің туған күнін тек 25 рет қана атап өтіпті. Бұлай болуы мүмкін бе? Иә, қарт 29 ақпанда дүниеге келген 3. Бір жанұяның бес ер баласы және олардың әрқайсысының қарындастары бар. Жанұяның қанша баласы бар? (6 бала)
Әділқазылар алқасынан ІІ-ші сайыстың қорытындысын сұраймыз. ІІІ. «Біліктілік» сайысы. (тапсырма карточка бойынша беріледі). Дұрыс жауап(10 ұпай) «Үшбұрыш» тобына. АВС тең қабырғалы үшбұрышының периметрі 45см, АВ,ВС, АС = ? «Шаршы» тобына. Тең бүйірлі үшбұрыштың периметрі 13,8см ;ал бүйір қабырғасы 5,5 см.Табанын табыңдар. IV. Математикалық сұрақтар. (әр топқа бес сұрақтан) «Үшбұрыш» тобына. Дұрыс жауап(5 ұпай) 1. Перпендикуляр түзулер неше градус жасап қиылысады? (90°) 2. Бұрышты тең екі бөлікке бөлетін сәуле. (биссектриса) 3. Жазықтықтағы қандай түзулер ешқашан қиылыспайды? (параллель) 4. 180°-қа тең бұрыш қалай аталады? (жазыңқы) 5. Бір нүктеден таралған екі сәуледен құралған фигура. (бұрыш) «Шаршы» тобына. 1. Қандай тұжырымды теорема деп атайды? 2. 70°-қа тең бұрыш қалай аталады? (сүйір) 3. Төртбұрыштың қарама-қарсы төбелерін қосатын кесінді. (диогональ) 4. Сыбайлас бұрыштар қандай бұрыштар? 5. Үшбұрыштың берілген төбесінен жүргізілген және қарсы жатқан қабырғасының ортасымен қосатын кесінді(медиана) V. «Ойымды жалғастыр» сайысы. (әр команда шапшаң жауап беру керек) Дұрыс жауап(5 ұпай) 1. Жеті жұрттың тілін біл, (жеті түрлі білім іл) 2. Білекті бірді жығар, (білімді мыңды жығар) 3. Екі жақсы қас болмас, (екі жаман дос болмас) 4. Досыңды үш күн сынама, (үш жыл сына) 5. Бір елі ауызға – (екі елі қақпақ) 6. Жүз сомың болғанша, (жүз досың болсын) 7. Отыз тістен шыққан сөз, (отыз рулы елге тарайды) 8. Білгенің бір тоғыз, (білмегенің тоқсан тоғыз) 9. Бір кісі қазған құдықтан, (мың кісі су ішеді) 10.Ата көрген оқ жонар, (Ана көрген тон пішер) (Әділқазы алқасынан ұпай саны сұралады) VІ. «Ойлан тап» сайысы. (әр топқа бірдей тапсырма, карточка арқылы беріледі,құрастырғыш) (дәлелдеу) геометриялық сөз термині
VІІ. «Қас-қағым сәт» сайысы (әр команда тез тұрып жауап беру арқылы балл жинайды) Дұрыс жауап(5 ұпай) 1. Бұрышты өлшейтін құрал. (транспортир) 2. Бойы екі қарыс, сиып тұр 25 арыс. (сызғыш) 3. Қандай сан барлық санға қалдықсыз бөлінеді. (0) 4. 30 санын үш 6-ны пайдаланып шығар. (6*6-6) 5. Аты шулы айқас сызық. Өзі толған мағына қызық. (координаталар осі) 6. Қиылыспайтын екі түзу. (параллель) 7. Ұзындықтың өлшем бірлігі (метр) 8. Дәлелденбейтін ұйғарым. (аксиома) 9. Екі нүктенің арасындағы түзу. (кесінді) 10. Шеңбердің центрі арқылы өтетін хорда. (диаметр) 11. Барлық қабырғалары тең тіктөртбұрыш. (шаршы) 12. 225 нешенің квадраты? (15) 13.Арифметикалық амалдар (+,-,*,/) 14.Геометрия оқулығының авторы(7-сынып) (Шыныбеков )
Әділқазы алқасынан жалпы сайыстың қорытындысы сұралады. Кеш аяқталып, ойынға белсене қатысқан оқушылар марапатталады. | 
