«Білім берудегі жа?а талап, жа?а к?з?арас,ты? ізденіс»

Шығыс Қазақстан облысы Абай ауданы ,Қасқабұлақ ауылы «М.Әуезов атындағы орта мектебі» КММ Кусаинова Гулжан Орынбековна «Даму»кәсіби қоғамдастық жетекшісі,ағылшын тілі пәнінің мұғалімі «Білім берудегі жаңа талап, жаңа көзқарас,тың ізденіс» аудандық семинар

Заманауи қоғамның мұғалімге қойып отырған талаптары өте жоғары.Мұғалім –заман ағымына сай тез өзгеріп ,ілесетін,өз тәжірибесінде жаңа форматтағы әдіс-тәсілдерді тиімді қолдана отырып,өзгені де өзіне ілестіре алатын көшбасшы тұлға болуы керек. Мектептегі кәсіби қоғамдастықтың жұмысын соның ішінде коучинг пен менторинг үдерісін жүзеге асырып жүрген мұғалімдер тобының іс –тәжірибелерін насихаттау мақсатында «Білім берудегі жаңа талап, жаңа көзқарас,тың ізденіс» тақырыбында аудан мектептері арасында аудандық семинар болып өтті. Бағдарлама бойынша «Үштілділік- дәуірдің талабы, заманның қажеттілігі» деген бөлімде келген мұғалімдер үш топта «2015-2018 жылдар аралығында көп тілділікті дамытуға арналған» аймақтық бағдарламаны талқылады. Мақсаты:Оқушылардың қазақ,орыс,ағылшын тілдерінен лингвистикалық коммуникативтік құзыреттілігін дамытуды қамтамасыз ететін бағдарламаны түсіну және орындау жолдарын қарау; Күтілетін нәтиже: Көптілділікті оқыту бағдарламасын іске асыруда халықаралық және отандық тәжірибені іске асыру жолдарын оқып білу; жаңа бағдарламаны оқу үдерісінде енгізу жолдары: 1. «Шаттық шеңбері» ( суреттің бастапқы әріпіне орай топқа бөлу және сарапшы тобын құру 2. Түсінік ««2015-2018 жылдар аралығында көптілділікті дамытуға арналған аймақтық бағдарлама» » (1-топ 4-11беттер,2-топ 12-28 беттер, 3-топ 29-39 беттер) 3. Постер қорғау 4. Сарапшы топ (постерді бағалау үшін критерий құру ) 5. Серіту сәті «Жастықша әзірлеу» 6. Проект « Мұғалімнің үні » 7. Рефлексия «Үштілділік- дәуірдің талабы, заманның қажеттілігі» (өз пікірін білдіру) Топтар постер жасап,бұл бағдарламаның өзектілігіне, маңыздылығына,қажеттілігіне талдау жасады. Оң нәтижеге жетуге бағытталған менти мен ментор арасындағы сенімді , ұзақ мерзімді менторинг үдерісін қазақ тілі пәнінің мұғалімі Ж.Қонақаева 7- сыныпта И.Байзақов «Құралай сұлу »поэмасындағы образдарға талдау танымдық сабақ және математика пәнінің мұғалімі Д.Мәжиева 8-сыныпта «Квадрат үшмүше, түбірі .Квадрат үшмүшені көбейткіштерге жіктеу» практикум сабақтар өткізіп насихаттады. Менторлар К.Имахан,Г.Мұсатай,А.Қали,Г.Кусаиновалар үлгі сабақтар арқылы өз тәжірибелерін көрсетті. «Мұғалім шеберханасы» тақырыбында сертификатталған мұғалімдердің озық іс-тәжірибелері жинақталған әдістемелік көрме қойылды.Онда мұғалімдердің атқарып жатқан жұмыстары- ашық сабақтары,сыныптан тыс жұмыстары,семинарларға қатысы,пәннің берілуінің мониторингісі қамтылған.Аудандық білім бөлімінің әдістемелік кабинеті жетекшісі Г.Ш.Қасеева семинар жұмысын жақсы бағалап,қорытынды жасады.