"Физикалық сұрақ-жауап сайысы"

Физикалық сұрақ – жауап сайысы

Сайыстың мақсаты: оқушыларды тапқырлыққа баулу, ұйымшылдыққа тәрбиелеу.

1-топтың аты: «Білімділер». Ұраны: « Білімділермен дос бол – тарыққанда ақыл береді».

2- топтың аты: «Білгіштер». Ұраны: « Білгіштермен дос бол- адамшылығынды біледі».

1-сайыс: «Тіліңмен жүгірме,Біліміңмен жүгір!» (Мақалдың мағынасы түсіндіріледі де, қызықты сұрақтар қойылады)

1.Кім барлық тілде сөйлейді?(жаңғырық)

2. Қандай жолмен еш уақытта адам жүрмейді?(құс жолымен)

3. Теңізде қандай тастар табылмайды? (құрғақ)

4. Елеуішпен су әкелуге бола ма? (болады,мұз күйінде)

5. Көзіңмен көресің,бірақ қолыңмен ұстай алмайсың?(көлеңке)

6. Қандай ыдыстарға су құйылмайды? (су толы ыдысқа)

7, Стақандағы суды ішіп қойса ішінде не қалады? (ауа, бу)

8. Ашық ыдыстағы су неге азаяды? (буланады)

9. Неліктен су отты сөндіреді? (су ауа жібермейді, от ауасыз жанбайды)

10. Ыстық суда қандай стакан көбірек жарылып сынады? Қалыңы ма? Жұқасы ма? (қалыңы, ішкі қабаты бірден жылымайды)

2- сайыс: « Білімдіге дүние жарық, Білімсіздің күні кәріп!» (жұмбақтар шешу)

• Құрметтейік ғалымды,

Ғылымды алға жылжытқан

Инерция құбылысын

Айтшы, достар, кім ашқан? (Г. Галилей)

• Алма түсіп қасына,

Қасына емес, басына.

Тартылыс заңын таптым деп,

Кетті ғалым асыға. ( И. Ньютон)

• Бір бұлбұл отырады салып әнді,

Жүруге аяғы жоқ, емес жанды.

Өнері қандай асқан деп ойладым

Бір демде жер түбінен хабар алды. (Радио)

• Жалғыз бағыт білері,

Бұрғаныңа көнбейді.

Жол көрсетіп береді,

Бірақ өзі көрмейді. (Компас)

• Туыстарын шетінен

Өбеді де бетінен,

Бала- шаға ұсағын

Бауырына қысады. (Магнит)

• Дауысы да ілеспес

Өзі ұшқан қарқынға

Созған шүйке іспеттес

Жол қалады артында. (Реактивті ұшақ)

• Тар шеңберді айналып,

Тұр қазықта байланып

Қаға берер таңдайды

Әдетінен танбайды. ( Қабырға сағат)

• Көкке қараған, жұлдыз санаған. (Телескоп)

• Алтын теңге кетеді,

Күміс теңге келеді. (Күн мен ай)

• Өзі затты құрайды, теңесуге таразы сұрайды. (Масса)

3- сайыс: «Ақылдассаң шешерсің, Ақылдаспасаң кем көсерсің!»

Ауыстырмақ. Әріптерінің орыны ауыстырылған. Сөздерді табу керек

Жіберитә—тәжірибе бетерліс - тербеліс

Дықдамжыл - жылдамдық метрмотер - термометр

Метрмонади - динамометр тудаплима – амплитуда

Метрампер – амперметр гідерке - кедергі

Лысғақоз – қозғалыс лысбықұ - құбылыс

Екі топ дайындалып болғанша, жанкүйерлерге сұрақ:

1. Кейбір айда 31 күн, ал кейбіреуінде 30 күн, ал қанша айда 28 күн. (барлық айда)

2. Сиыр неге жатады, содан соң тұрады? Тұрады біраздан соң қайта жатады? (өйткені отыра алмайды)

3. Мэридің әкесінде 5 қыз бар: 1-ші Чоча, 2-ші Чече, 3-ші Чичи, 4-ші Чочо. Сұрақ 5-ші қызының есімі кім? Тез ойланыңыз. ( Мэри)

4. Сізде 1 тал сіріңке бар. Сіз қараңғы үйге кірдіңіз. Онда майшам, керосин шамы және ошақта құрғақ отын қалаулы тұр. Нені бірінші жағасыз? (Сіріңкені).

5. Сіз жүгіруден жарысқа қатысып келесіз, 2-ші орында келе жатқан адамды басып оздыңыз. Сіз енді қай орындасыз? (Егер сіз 1-ші орындамын десеңіз, қателестіңіз, сіз 2-ші орында келе жатқан адамның орнын бастыңыз, яғни екінші орындасыз )

4 – сайыс. Сұрақ – жауап

1. Зат неден тұрады? ( Молекуладан)

2. Бізді қоршаған орта ( Табиғат)

3. Ең жақын жұлдыз ( Күн)

4. Судың қатты күйі (Мұз)

5. Молекулалардың ретсіз қозғалысы салдарынан жанасушы заттардың арасында өтетін құбылыс ( Диффузия)

6.Температураны өлшейтін аспап ( Термометр)

7. Мұз қай температурада ериді ( О С)

8. Бір центнерде қанша килограмм бар? ( 100 кг)

9. Аспан денелері туралы ғылым (Астрономия)

10. Ток күшін өлшейтін құрал ( Амперметр)

5- сайыс. Логикалық есептер шешу

1. 7 үйрек ұшып бара жатыр. Аңшы екеуін атып түсірді. Неше үйрек қалды. (Екеу, өйткені қалғаны ұшып кетті)

2. Бөлмеде 4 бұрыш бар.Әр бұрышта қара мысық бар. Әрбір қара мысыққа қарап үш мысық отыр. Бөлмеде барлығы неше мысық? ( Төртеу)

3. Қаздар ұшып келеді. Алдында бір қаз және оның артында екі қаз. Ең соңғы қатарда бір қаз және оның алдында екі қаз. Екі қаздың ортасында бір қаз және барлық қаз бір қатарда ұшып келеді. Барлығы неше қаз? ( Үш қаз)

4. Кемпір қалаға келе жатып қаладан шығып келе жатқан аттары бар үш жігітті кездестіреді,әрбіреуінің жанында бір тазыдан байлаулы.Неше тірі жан қалаға бара жатыр? ( Жалғыз кемпір ғана)

5. Үстелде 4 бұрыш бар. Бір бұрышын кесіп тастаса, неше бұрыш қалады? (5)

Қорытынды. Қазылар алқасының қорытындысы бойынша марапатталады.