Елім мені? а?са?ан

Сабақтың тақырыбы: Елім менің аңсаған.

Мақсаты: Оқушылардың тәуелсіздік туралы танымдарын арттыру, ата-аналармен бірлесе отырып, адамгершілікке, инабаттылыққа, шығармашылыққа тәрбиелеу.

1-жүр: Армасыңдар айналайын адамдар,

Айналаңа шын қуанып қараңдар.

22 жыл толды тәуелсіздік алдық біз,

Келді кезек болашақты бағамдар.

2-жүр Кең байтақ көз жетпейтін жерім менің,

Таулы орман, жасыл жайлау көлім менің.

Бүгінде бар әлемге даңқың жетті,

Тәуелсіз Қазақстан елім менің.

Тәуелсіздіктің 22 жылдығына арналған тәрбие сағатымызды бастауға рұқсат етіңіздер!

1-жүр:Тәуелсіздіктің арқасында қазақ өзінің жарқын болашағына күмәнсіз қарайтын халге жетті. Тұғырымыз берік қаланды.енді оның керегесі биіктей түседі.Тәуелсіздіктің жиынтық бейнесі ретінде өркендеген Астанамызды айтуға болады. Слайд көрсету.

2-жүр: Тәуелсіз ел болу, тұңғыш президенттің сайлануы, осы ұлы тұлғаның арқасында Қазақстанның бүкіл әлемге танылуы, жер шарына тарыдай болып шашылып кеткен қандас бауырларымыздың тарихи отанына шоғырлана бастауы, еліміздің орталығы-астана қаласының бой көтеруі осының бәрі-бәрі тәуелсіздігіміздің әр күні емес, әр сағаты жаңалыққа, игі істерге ұласып жатқанының айқын дәлелі.

Ән: «Қазақ жігіттері» орындайтын жігіттер

1-жүр:Тәуелсізбін! Тәуелсізбін мен бүгін,

Келді міне азаттығым, теңдігім.

Бостандықта бойлығым мен ендігім,

Шешіл енді болған шерлі үнім»-депақын жанды ата-аналарға кезек берейік.Тәуелсіздікке арналған өз шығармашылығынан жыр-шашу оқитын Омарбеков Құрмаш, Теберекова Сара, Сүлейменова Гүлнар.

2-жүр: Нұрлы үмітін арқалаған арқаға,

Жан сәулесін тарататын баршаға.

Шын пейілмен құрметімізді көрсетіп,

Күйшілерді шақырайық ортаға.

«Жастар күйі» орындайтын оқушылар.

2-жүр: Пай, пай, пай! Киелі неткен жер,

Батырлар дүбірлеп өткен жер.

Тұлпарлар дүбірлеп төккен тер.

Ғашықтар бір-бірін өпкен жер,

Бас иіп, иіскеп топырағын

Тағзым жасамай өтпеңдер!

Тәуелсіздік –жыр әніміз. Оқушылардың жыр шашуын қабыл алыңыздар.

1-жүр: Берекемен бірлік болған ұраным,

Мен осындай азат елде тұрамын.

Бақыттымын деп саеаймын өзімді,

Арналады азат елге жыр-әнім-деп шын ниетерімен ән-күйлерін арнағалы отырғаната-аналарды ортаға шақырайық. Намыров Нүсіпқожа,Мұсақанова баян, Омарбеков Жұмағұл.

2-жүр: Елім барда еңсем биік менің де,

Өйткені мен жүрмін туған жерімде.

Тілім, дінім, досым, барлық бауырым,

Бәрі менің жүрегімнің төрінде.

Өз шығармашылығынан жыр шашуын арнағалы келіп тұрған жас жеткіншектерді ортаға шақырайық.

Тоқтасын Талшын, Сыдықжан Айзағи, Рамазанова Ақмарал, Қалиақбар Гүлзира, Отарғали Бекжан, Әбимолда Инабат, Тұрсын Жұбаныш.

1-жүр: Биік болсын шаңырағың күмбезді,

Дарытпасын Алла саған тіл-көзді,

Қазақстан азат елім айбынды,

Татулықтың тасын өрге жүргізді.

Ән: «Жаса Қазақстан» орындайтын Сыдықжан Айзағи.

2-жүр: Жігіттердің өнерін көріңіздер,

Саралап бағаларын беріңіздер.

Сегіз қырлы бір сырлы жігіттерді,

Ел үмітін ақтар деп сеніңіздер.

Ортаға спорттық, акрабатикалық өнерлерін көрсетуге жігіттерді шақырайық.

1-жүр: Тәуелсіздік-рухы күшті ғажап үн,

Артта қалды бодан болған аза күн.

Елім, жерім, қазағым деп тебіренем,

Өйткені мен тәуелсізбін азатпын.

Ән «Қазақ елі» Дүйсен Салтанат.

2-жүр: Тәуелсіздік пейіл сыйы қазақтың,

Арамыздан арылғаны азаптың.

Батыры көп, ақыны көп, бишісі көп халыққа,

Алла жар боп туа қалған ғажап күн.

«Шашу» биі орындайтын қыздар тобы.

1-жүр: Ел тарихы, жер тарихы –өзіміз,

Болашақтың қасиетті көзіміз.

Барлық ұлтпен бауырласып жетерміз,

Ақ, қараны тіліп тұрса сөзіміз.

Ұйғыр биі-орындайтын оқушылар.

1-жүр: Тәуелсіл ел!

Қараймын да тамсанам,

Жылдарды осы ата-бабам аңсаған.

Көрген ұрпақ бірімін мен, сондықтан,

«Бақыттымын» деп айқайоап жар салам.

Ән «Сәлем, саған туған ел» орындайтын сынып жетекшіміз Чорғанова Күләш Нұрсапақызы

2-жүр: Халқымыздың көңілі тола берсін,

Бақ пен дәулет басыңа қона берсін.

Гүл жайнаған бүгінде ҚАЗАҚСТАН.

Мәңгілік зор бақытты бола берсін.

2-жүр: Қызыл-жасыл жер бетін гүл жасырып,

Дүние сұлулығын тұрды асырып.

Тойдан-тойға ұласып шеру тартсын,

Алдағы жарқын күндер мың ғасырлық.

Өнеріміз өрісті, өміріміз кедісті болсын аңайын!

Пайдаланылған әдебиеттер.

1.Айгөлек балалар журналы.

2. Газеттер.

3. Тарих толқынында Н.Назарбаев