Іс-шара тақырыбы: "Ы.Алтынсарин өлеңдерін мәнерлеп оқу "

Сыныбы: 5 сыныптар
Тақырыбы: «Ы Алтынсарин өлеңдері » мәнерлеп оқу сайысы.
Мақсаты: Оқушыларды оқушыларға қазақтың ірі ғалымы, ағартушы педагог Ыбырай Алтынсарин туралы, оның еңбегі, шығармашылық мұрасы, ағартушылық қызметі жайында мағлұмат беру.
Ыбырай өлеңдері арқылы білімдерін одан әрі дамыту, танымдық көзқарастарын нығайту, шығармашылық ізденістерін жетілдіру. Ы.Алтынсариннің өнегелі өлеңдері мен әңгімелерінен үлгі алуға,еліне,халқына,ұлы тұлғаларға деген сүйіспеншілігін арттыру.
Оқушылардың ой - өрісін, дүниетанымын кеңейту, сөздік қорын молайту, жұрт алдында еркін ауыз екі сөйлеуге баулу.

Сайыстың барысы:
1 - жүргізуші: - Армысыздар көрермен қауым. 5 сыныптар арасында
«Ы Алтынсарин өлеңдері » атты мәнерлеп оқу сайысына қош келіпсіздер.
2 - жүргізуші:
Ей, өлең, қайтсем саған жан бітірем,
Жансыз өлең жанымды алды кілең.
Бір ойым жүрегімде қаза болып,
Бір ойым көмейімді қалды тіреп,
Ей, өлең, қайтсем саған жан бітірем

Кіріспе : Презентация Ы.Алтынсарин өмірі мен шығармашылығы туралы видео

Мұғалім: Ы.Алтынсарин есімін еске түсіру 175 жылдығын атау мақсатында осындай сайыс өткізу.
1 - жүргізуші: Алдымен бүгінгі мәнерлеп оқу сайысының басты ережелеріне тоқталып өтсек,
1. Өлеңнің тақырыбы айқын болуы шарт.
2. Өлең жатқа әрі мәнерлеп оқылуға тиісті (сахнаға кітап немесе қағаз - парақшалармен шығуға рұқсат етілмейді).
3. Өлең оқыған оқушының жүріс - тұрысына, сахнадағы мәдениетіне, дауыс мәнері мен ырғағына назар аударылады.

2 - жүргізуші:
Олай болса, сайыстың аты сайыс демекші, өлеңдерді мәнерлеп оқитын оқушыларға әділ бағасын беретін қазылар алқасымен таныстырып қойғанымыз жөн болар. Сонымен,
1. Мектеп директорының оқу ісі тәрбиесі жөніндегі орынбасары – Нугуманова Нургуль Қуанышбековна
2.Қазақ тілі оқытушысы-  Балабиева Дина Аблхановна
3. Биология мұғалімі –Жұматай Маржан Жұмабековна

1 - жүргізуші:- Ендігі кезекте сайыскерлермен таныс болыңыздар

5 сынып оқушылары ортаға шығады:

-------------------------------
Оқушылар кезекпен шығып, дайындаған өлеңдерін оқиды.

5 «Б» - сынып оқушысы -----Рыбак Ксения----- Ы.Алтынсарин «Өнер –білім бар жұрттар»

Өнер - білім бар жұрттар

Тастан салай салғызды;

Айшылық алыс жерлерден,

Көзіңді ашып - жұмғанша,

Жылдам хабар алғызды.

Аты жоқ құр арбаны

Мың шақырым жерлерге,

Күн жарымда барғызды.

Адамды құстай ұшырды;

Мал істейтін жұмысты

От пен суға түсірді;

Отынсыз тамақ пісірді,

Сусыздан сусын ішірді.

5 «Б» сынып оқушысы:------Вовченко Эвелина---- Ы.Алтынсарин «Кел балалар оқылық - 1»

Кел, балалар, оқылық ,

Оқығанды көңілге

Ықыласпен тоқылық..

Істің болар қайыры

Бастасаңыз алдалап,

Оқымаған жүреді

Қараңғыны қармалап.

Кел, балалар, оқылық,

Оқығанды көңілге

Ықыласпен тоқылық..

Оқысаңыз , балалар,

Шамнан шырақ жағылар,

Тілегенің алдыңнан

Іздемей-ақ табылар.

5 «В» сынып оқушысы ---Алибаева Гулдана--Ы.Алтынсарин «Кел балалар оқылық» -3

Кел, балалар, оқылық,

Оқығанды көңілге

Ықыласпен тоқылық..

Сиса көйлек үстіңде

Тоқуменен табылған...

Сауысқанның тамағы

Шоқуменен табылған...

Өнер- білім бәрі де

Оқуменен табылған.

Кел, балалар, оқылық,

Оқығанды көңілге

Ықыласпен тоқылық..

Надандықтың белгісі –

Еш ақылға жарымас.

Жайылып жүрген айуандай

Ақ, қараны танымас.

Аяңшыл ат арымас,

Білім деген қарымас...

Жөн білмеген наданға

Қыдыр ата дарымас.

5 «В» сынып оқушысы -------Гуторов Богдан-----Ы.Алтынсарин «Кел балалар оқылық»-5

Кел, балалар, оқылық,

Оқығанды көңілге

Ықыласпен тоқылық..

Оқу деген шыны - ды,

Тұрған сайын шыныққан...

Оқу білген адамдар

Май тамызған қылыштан...

Білмегенді білуге

Есті бала тырысқан,

Есер бала ұрысқан.

5 «Г» сынып оқушысы ----Ассадуллаев Забит------Ы.Алтынсарин «Кел балалар оқылық» -6

Кел, балалар, оқылық,

Оқығанды көңілге

Ықыласпен тоқылық..

Оқу білген таниды

Бір жаратқан құдайды,

Танымаған құдайды

Не қылғанда ұнайды?

Шырағым абай болғай деп,

Ата - енең жылайды,

Баладан қайыр болмаса,

Баланы неге сұрайды.

5 «В » сынып оқушысы ----Василенко Дан----- Ы.Алтынсарин «Өзен»

Таулардан өзен ағар сарқыраған,

Айнадай сәуле беріп жарқыраған.

Жел соқса, ыстық соқса бір қалыпта,

Аралап тау мен тасты арқыраған.

Көңілің суын ішсең ашылады,

Денеңде бар дертінді қашырады.

Өксіген оттай жанып жануарлар

Өзеннен рақат тауып басылады.

Қынарда тілсіз тұрған тоғайлар да

Шуылдап желмен бірге бас ұрады...

5 «В» сынып оқушысы Ахметжанов Мадияр «Өзен»

Он мың мал айдап өтсең лай қалмайды,

Тасыса су бармаған сай қалмайды.

Тасыған өзен судың қуатымен

Көк шығып шөп бітпеген жай қалмайды.

Ел қыстап күн көреді жаныбында,

Дәм болар алуан - алуан балығында...

Тас таста, алтын таста сынамаққа,

Сонда да аққан өзен қалыбында.

Құдіретін құдайымның көресін бе?

Не нәжіс тоқтар өзен денесінде...

Арыстан демалуға суға кірсе,

Балықтар шымшып ойнар терісіне...

5 «В» сынып оқушысы -----Фисенко Станислав--------- Ы.Алтынсарин «Балғожа бидің баласына жазған хаты»

Үміт еткенкөзімнің нұры балам,

Жаныңа жәрдемберсін құдайтағалам;

Атаң мұнда анаңмен есен - аман,

Сүйіп сәлем жазады бүгін саған.

Атаңды сағындым деп асығарсың,

Сабаққа көңіл бөлсең басыларсың;

Ата - анаң өнер білсең асырарсың,

Надан боп білмей қалсаң аһ ұрарсың.

Шырағым, мұнда жүрсең нетер едің?

Қолыңа құрық алып кетер едің.

Тентіреп екі ауылдың арасында

Жүргенмен не мұратқа жетер едің.

5 « Г» сынып оқушысы –Тишковский Игорь----- Ы.Алтынсарин «Кел, балалар, оқылық »
Бір құдайға сиынып,  
Кел, балалар, оқылық , 
Оқығанды көңілге 
Ықыласпен тоқылық.. 
Істің болар қайыры 
Бастасаңыз аллалап, 
Оқымаған жүреді 
Қараңғыны қармалап. 
Кел, балалар, оқылық, 
Оқығанды көңілге 
Ықыласпен тоқылық. 
Оқысаңыз, балалар, 
Шамнан шырақ жағылар, 
Тілегенің алдыңнан 
Іздемей-ақ табылар.
Ақ, қараны танымас. 
Аяңшыл ат арымас, 
Білім деген қарымас... 
Жөн білмеген наданға 
Қыдыр ата дарымас. 
Кел, балалар, оқылық, 
Оқығанды көңілге 
Ықыласпен тоқылық. 
Оқу деген шыны-ды, 
Тұрған сайын шыныққан... 
Оқу білген адамдар 
Май тамызған қылыштан... 
Білмегенді білуге 
Есті бала тырысқан, 
Есер бала ұрысқан. 
Кел, балалар, оқылық, 
Оқығанды көңілге 
Ықыласпен тоқылық.

5 «Г » сынып оқушысы ---Гофман Валерия---- Ы.Алтынсарин «Өнер-білім бар жұрттар»

Өнер-білім бар жұрттар  
Тастан салай салғызды; 
Айшылық алыс жерлерден, 
Көзіңді ашып-жұмғанша, 
Жылдам хабар алғызды. 
Аты жоқ құр арбаны 
Мың шақырым жерлерге, 
Күн жарымда барғызды. 
Адамды құстай ұшырды; 
Мал істейтін жұмысты 
От пен суға түсірді; 
Отынсыз тамақ пісірді, 
Сусыздан сусын ішірді. 
Теңізде жүзді балықтай, 
Дүниені кезді жалықпай, 
Білгендерге осылар 
Бәрі-дағы анықтай, 
Білмегенде танықтай;
Біз де бекер жатпалық, 
Осыларға таныспай; 
Ат өнері білінбес 
Бәйгеге түсіп жарыспай; 
Желкілдеп шыққан көк шөптей 
Жаңа өспірім достарым, 
Қатарың кетті-ау алысқа-ай, 
Ұмтылыңыз, қалыспай. 
Біз надан боп өсірдік 
Иектегі сақалды. 
Өнер – жігіт көркі деп 
Ескермедік мақалды... 
Біз болмасақ  сіз барсыз, 
Үміт еткен достарым, 
Сіздерге бердім батамды. 

1 - Жүргізуші:
Жеңістер мен жеңілістен тұратын,
Өмір – күрес, жеткізе ме мұратын?
Жеңбедім, жеңілдім деп ренжімеген,
Қатысу да бір жеңіс, жан болсаң сен ұғатын

Енді ортаға әділқазылар алқасын шақырайық, сайыстың шешімін оқиды.

2 - жүргізуші:
Демеңіздер біз өнерді аяп қалдық
Мезгілде біраз жерге таяп қалды.
Қош болып тұрыңыздар көріскенше
Осыменен байқауымыз аяқталды!
Назарларыңызға көп рахмет!