История возникновения моей фамилии и семьи.

План- конспект открытого внеклассного занятия в 5 «Г» кл.

по осетинскому языку (невл. гр.) учительницы

высшей категории

Битаровой Раисы Александровны

от 29.11. 2013г.

Темæ: Нæ бинонтæ, нæ мыггаджы равзæрд»

Нысан: 1.Сабиты зонындзинæдтæ фылдæр кæнын бинонты, мыггаджы равзæрды тыххæй.

2.Скъоладзауты æмбарынад парахатдæр кæнын сæ

мыггæгты равзæрды æмæ историйы тыххæй.

3.Ахуырдзаутæм сæрыстырдзинад рæзын кæнын,

цымыдисдзинад æмæ тырнындзинад сæ мыггæгты историмæ.

Урочы фæлгонц: сабиты арæзт гениалогон бæлæстæ, магнитофон, дисктæ, компьютер, интерактивон фæйнæг.

Урочы цыд.

I. Бацæттæгæнæн рæстæг. ( Урочы мотиваци)

- Сабитæ, цæмæн æрбацыдыстут абон ацы кабинетмæ?

- Зæгъут- ма, цымæ цæмæн ахуыр кæнæм ирон æвзаг?

II. Урочы актуализаци.

1) . - Сывæллæттæ, уæдæ цæмæй хуыздæр зонат уæ мадæлон æвзаг æмæ йыл ноджы рæсугъддæр æмæ аивдæр дзурат, уый тыххæй акусæм ирон кавказаг мыртыл. Хъыгагæн сæ бирæ ирон сабитæ раст нæ дзурынц.(Дзурут мæ фæстæ).

«а» - «æ» - ам, абон, æртæ, æз, аз, æнус, æри, арфæ, æмæ.

2). - Хъазт: «Чи растдæр зæгъдзæн?»

(Ахуыргæнæг дзуры дзырдтæ. Кæд дзырд райдайа мыр «а» - йæ, уæд сабитæ кæнынц иу къæрцц, кæд мыр «æ» - йæ, уæд та – дыууæ къæрццы.)

3). – Ныр та хъуамæ сахуыр кæнæм æмбисонд.

«Æвзæр – йæ мыггаджы худинаггæнæг»

- Куыд æмбарут ацы æмбисонды мидис?

- Цымæ йæ цæмæн ахуыр кæнæм?

III. Урочы темæйыл проблемон бакуыст.

- Сабитæ, дарддæр кæнæм нæ куыст æмæ абоны ахуырты цæуыл дзурдзыстæм, цæуыл кусдзыстæм, куыд у нæ урочы темæ, уый та мын хъуамæ уæхæдæг зæгъат æмбисондмæ гæсгæ æмæ дзырдбыды цы дзырд рауайа, уымæ гæсгæ.

Дзырдбыд амоны скъоладзау (куыст цæуы интерактивон фæйнæгыл).

- Цавæр дзырд нæм рауад? Уæдæ куыд у нæ абоны ахуырты темæ?

IV. Ахуырты темæ: (интерактивон фæйнæгыл).

V. Ахуырты хæстæ:

- Сабитæ, уæдæ абоны ахуырты цæуыл бакусдзыстæм, цы зонындзинæдтæ равдисдзыстæм, цавæр хæстæ сæххæст кæндзыстæм, уыдоны тыххæй та байхъусæм фидиуæгмæ.

( Фæзынд фидиуæг æмæ дзуры)

VI. Къордты хæслæвæрдтæ:

1. - Абоны ахуыртæм цæттæгæнгæйæ кълас адих ис æртæ къордыл.

Алы къордæн дæр уыдис хæслæвæрд æмæ сын сæ проекттæм зæрдиагæй байхъусдзыстæм æмæ бакæсдзыстæм.

1-аг къорды уæнгтæ æвдисынц абонмæ цы æрмæджытæ бацæттæ кодтой, уыдон.( Ватмæны листыл мыггаджы гениалогон бæлас æмæ презентаци интерактивон фæйнæгыл).

2. Улæфт. (Улæфты рæстæг фидиуæг сарæзта «Бæндæн ивазыны» хъазт.

3. 2-аг къорды уæнгтæ дæр æвдисынц сæ проекттæ.

4. Улæфт . Алы къорд дæр хъуамæ равдиса сценкæ нæ темæмæ гæсгæ.

5. 3-аг къорды уæнгтæ æвдисынц сæ проекттæ.

6. Æмбисæндтыл куыст: (фидиуæг та æххуыс кæны ахуыргæнæгæн). Алы къордæн дæр радта къонверт. Сæ мидæг æмбисæндтæ темæмæ гæсгæ, дзырдтæ хæццæйæ, афтæмæй.

Тагъддæр æмбисонд кæцы къорд сараза, уый амбулдзæн.

(Æмбисæндтæ сбæрæг кæнæн ис интерактивон фæйнæгыл).

VII. Зарæг «Ирон лæджы кадæн».

Сабитæ, уæдæ абон мах ныхас кодтам нæ мыггæгты равзæрды æмæ историйы тыххæй, кæмæй стут сæрыстыр, чи кусы нæ Ирыстоны кадыл, намысыл, чи кæны ирон лæджы ном бæрзонд, уыдоны тыххæй. Æмæ уыдоны кадæн мах дæр акæндзыстæм зарæг.

2. (Зарынц æппæт къласы скъоладзаутæ дæр).

VIII. Урочы кæронбæттæн. ( рефлексия)

Мах стæм Нарты фæдонтæ. Уыдонæн та сæ дыргъдоны задис диссаджы фæткъуы бæлас. Йæ дыргътæ уыдысты адæмæн хос. Уæ партæтыл сымахæн дæр ис сырх æмæ цъæх фæткъуытæ. Абоны куыстæй афтæ чи зæгъы: « Æз иттæг хорз куыстон», уый сырх фæткъуы, бакæнæт бæласыл. Афтæ чи зæгъы: « Æз дæр хорз куыстон, фæлæ ма ноджы хуыздæр кусæн уыдис», уый та – цъæх фæткъуы. (Скъоладзаутæ ныхасынц бæласыл фæткъуытæ æмæ кæд ахуыргæнæг разы нæ уа искæй бæрæггæнæныл, уæд æй сраст кæндзæн).

- Бузныг уын, сабитæ, абон афтæ хорз кæй бацæттæ кодтат уæхи ацы ахуыртæм. Уæ мадæлты æмæ фыдæлты , уæ мыггæгты фæндиаг байрæзут. Ирыстонæн уæ аккаг хъæбултæ фидæны куыд рауайа æмæ уæ уæ мыггæгтæ сæрыстыр куыд уой, уый уын мæ зæрдæ зæгъы.