"Қазақ тілін білесің бе?"

Қазақ тілін білесің бе?

Мақсаты:Оқушылардың білімі мен біліктілігі арқылы ой-өрісін дамыту, ұшқырлық, ойлау қабілетін шыңдау, шапшаңдық пен нақтылыққа бейімдеу, қазақ тілінен білімдерін тексеру,сынау; тілдерін дамыту, қазақ тілін үйренуге баулу, қызықтыру.

Әдісі: сайыс сабақ.

Барысы:Ұйымдастыру кезеңі:

1. Алдын-ала тағайындалған топтарды шақыру.

2. Әділқазылар алқасын сайлау.

3. Сайыстың мақсатымен таныстыру.

4. «Сәлем - сөздің басы»

5. «Тапқыр болсаң тауып көр».

6. «Сиқырлы сөз».

7. «Түрлі-түсті парақтар».

8. «Кім жылдам?»

Армысыздар құрметті қонақтар,қатысушылар! Бүгінгі «Қазақ тілін білесің бе?» сайысын тілдер онкүндігіне орай өткізгелі отырмын.

Ана тілін білмеген -

Ақылы жоқ желікбас

Ана тілін сүймеген -

Халқын сүйіп жарытпас, - деп, Байділда Сарыноғаев барлығымызды ана тілін білуге, үйренуге, дамытуға шақырады. Ол үшін біз көп оқып, қазақ тілінің қызықты да құнарлы грамматикасын білу керекпіз. Олай болса, «Қазақ тілін білесің бе?» интеллектуалдық ойынын ашық деп жариялаймын. Сәттілік тілеп, ойынды бастау. Қатысушылар екі қатарға отырады. Әділқазылар сайланады.

Әділқазылар:

І тур «Сәлем - сөздің басы»

Топтарға ат қою.

Әр топ өзінің тобын, топ басшысын, топ мүшелерімен таныстырады.(5 минут). Өздерін жақсы таныстырған топтарды әділқазылар бағалайды.

ІІ тур. «Тапқыр болсаң тауып көр». Әр топтың топ басшысына 10 сұрақтан қойылады. Әр сұрақтың жауабы 1 ұпаймен есептеледі. (6 минут). Бірінші топқа қойылатын сұрақтар:

1. Сенің сыныбыңда неше оқушы бар?

2. Күз айларын ата.

3. ҚР-ның рәміздерін ата.

4. Мемлекеттік туда не бейнеленген?

5. Қазақстан қандай мемлекет?

6. Қазақ тілінде неше септік бар?

7. Қандай азық-түліктерді білесің?

8. Қазақ тіліне тән неше дыбыс бар?

9. Қазақ тілінде неше сөз табы бар?

10. Аптаның төртінші күні қалай аталады?

ІІ топтың сұрағы

1. Апта күндерін ата.

2. Әнұранның авторы кім?

3. Сен қай қалада, қай көшеде тұрасың?

4. Біздің мектеп қандай?

5. Қазақстан Республикасының президентінің әкесінің аты кім?

6. Қазақ тілінде неше дауысты дыбыс бар? Түрлерін ата.

7. Қазақстанның астанасы қай қала?

8. Дауыссыз дыбыстар дыбысталуына қарай нешеге бөлінеді? Түрлерін ата.

9. Қазақ тілінде неше жалғау бар? Түрлерін ата.

10. Қазақ тілінде неше септік бар? Түрлерін, сұрақтарын ата.

ІІІ тур. «Сиқырлы сөз»

2 топқа 2 сөзден беріледі. Әр топ өзінің сөзін сөйлемге, кейін шағын әңгімеге дейін өрбітуі керек. І топқа «мектеп», ІІ топқа «мұғалім».(5 минут)

ІҮ тур. «Түрлі-түсті парақтар» (Оқушылар кезектеп парақтарды таңдайды, парақтың ішінде берілген тапсырманы топтасып орындайды, 3 минут).

1. «Кітап» сөзін жекеше түрде тәуелде.

2. «Ән» сөзіне фонетикалық талдау жаса.

3. Сын есімге және сан есімге 5 мысалдан келтір.

4. «Қалам, оқулық, ғарышкер» сөздеріне көптік жалғау жалға.

5. «Оқушылар тіл апталығына қуана-қуана қатысты.» сөйлемінен бастауыш пен баяндауышты тап.

6. «Балалар спорттық жарыстан бірінші орын алды» сұраулы сөйлем жаса.

Ү тур. «Кім жылдам?» (Әр қатысушының алды-артына әріптер жапсырылады, берілген уақыттың ішінде мұғалімнің айтқан сөздерін аударып, жылдам керекті ретпен тұрып сөз аудармасын көрсетулері қажет; күй «Адай» ойнап тұрады, 5 минут).

І топ. Д, П, Ә,Р, Е, Т, М, К, І, И, Л.

ІІ топ. О, Т, А, Н, Б, С, Ы, М, Қ, Р.

Жіңішке әріптердің қатарына:

Тетрадь, квартира, школа,

Одежда, лекарства, ковер.

Жуан әріптердің қатарына:

Родина , семья, мыло, урок, лес.

Әр топқа әділқазылар алқасы бағаларын қояды. Жеңімпаздарды анықтайды.

«Білімділіктің ең басты факторы туған тілде сөйлеу мен оны сыйлаудан басталады» - дейді Г.Гегель.

Құрметті оқушылар, ұстаздар, осымен біздің осы бүгінгі интеллектуалды сайысымыз өз соңына жетті. Оқушыларға қатысқандары үшін, қонақтарымызға келгендері үшін алғысымызды білдіреміз!