Сайыс саба? "К?з ханшайымы."

Тәрбие сағатының тақырыбы: Күз ханшайымы.
Мақсаты: қыз балаларды ұлттық тәрбие негіздері мен салт дәстүрді білуге, халықтық әдеп пен өнерді дәріптеуге , сахналық мәдениетке үйрету.Оқушылардың бойында әдептілік қасиеттерді дамыту. Талғаммен киінуге, әсемдікке, сұлулыққа құштарлығын арттыру яғни эстетикалық тәрбие беру.

Сабақтың барысы:
Мұғалімнің сөзі: Қош келдіңіздер құрметті ұстаздар, қонақтар, ата-аналар, оқушылар! Міне мерекелі, берекелі алтын күз мерекесі де келіп жетті. Осы мерекеге орай ұйымдастырылып отырған «Күз ханшайымы» мерекелік сайысымызды бастаймыз. Сайысқа 5 ару ќызымыз ќатысады.

1 жүргізуші: Сәлем, бүгін – алтын күз,
Сәлем, келген халқымыз.
Бақытты балғын балалар,
Ашық болсын күніңіз.
Жайнай берсін жүзініз- дей келіп «Күз ханшайымы» деп аталатын тәрбие кешімізді бастаймыз.

2 жүргізуші: Өнерпаздар өнерін салыстырып,
Бәйге үшін терлетер шабыстырып.
Әділдікті қолдайтын баға берер,
Жіберейік қазыларды таныстырып.
(Ортаға әділ- қазылар алқасын шақырып таныстыру).

1 жүргізуші: Әнге бөлеп қалалар мен ауылдарды,
Қағылар жақсылықтың дабылдары.
Ортаға қошеметпен шақырайық,
Сайысқа келіп жеткен аруларды.
(Ортаға сайысқа келген қатысушы аруларды шақырып таныстыру)

1 жүргізуші: Өмірдің таңғажайып әсем саздар,
Тербеледі ән мен жырға аққу қаздар.
Тағы да бір қол соғып қарсы алайық,
Мінекей алдарында ару қыздар.

2 жүргізуші: Сайыстың бағдарламасымен танысайық.
Таныстыру.
Өнер сайысы.
«Білім қымбат, білу қиын» (сұрақ-жауап)
Ас мәзірі.
Сән үлгісі.

1 жүргізуші: Бірлесіп көрермен қауымдармен,
Ән салайық келешек ару таңмен.
Қазағымның ежелгі әдісімен,
Танысайық өнерлі арулармен.
(Арулар өздерін таныстырып өтеді).

2 жүргізуші: Ағытайық ән менен өнер легін,
Тәнті болсын қуанып көрерменім.
«Өнерліге өріс кең» дегендей –ақ,
Көріңіздер арулардың өнерлерін.
(Арулардың өнерлерін тамашалау).

1 жүргізуші: Шуақ сыйлар адамға ән кешінде,
Бұл ғажайып балалар ән кеші ме?
Білімділік ой –көкпар тарттыратын,
Кезек бердік сұрақ- жауап бәйгесіне.
(Аруларымыздың білімдерін тексеру).

Би: «Шоқ қыздар»

2 жүргізуші: Күздің сыйын алайық, қызығына қарайық.
Күзге арнап бәріміз, әнімізді салайыќ.
Өрік, шие, алма, алша, жидек, жүзім піседі.
Қауын, қарбыз, қияр, сәбіз қоймаларға түседі.
Біздің қыздар осылармен , дәмді тағам жасай біледі.
(Аруларымыздың үйден дайындап келген «Күзгі салат» мәзіріне береміз).

1 жүргізуші: Келеді бәріне де жыр арнағым,
Ағытайық өрбітіп жыр тармағын.
Ортаға қошеметпен шақырайық.
Сән үлгісін ала келген аруларды.
(Аруларымыз күзгі сән үїлгісін көрсетеді).

2 жүргізуші: Осымен сайысымыздың тапсырмалары да аяқталды. Қазылар алқасы аруларымыздың 5 тапсырма бойынша алған ұпай сандарын санап шығарғанша, жанкүйерлеріміздің өнерін тамашалайық.
Ән: «Қызыл гүлім».

1 жүргізуші: «Жүзден жүйрік, мыңнан тұлпар шығады» демекші, сайысымызда өз мәресіне жетті. Сіздер бүгін кішкентай аруларымыздың жан- жақтылығын байқадыңыздар. Енді қазылар алқасына сөз береміз.


Қорытынды. Ата –аналар мен қонақтардың құттықтауы.