Тиринь келентень алтазь вастовома «Свал гайгезэ эрзянь келесь!»
Ютавтыз е: Солдатова М.А..,
Дубенкань райононь Дубенка велень
школань тонавтыця
Эрзянь келень ды литературань коряс урокто мейле важодемадонть
Эрьва келесь эсь койсэнзэ
Мазый, эрявикс, питней.
Илядо стувто эйсэнзэ,
Путодо тензэ седей.
(С. Люлякина)
Эрзянь келесь — тиринь келенек, кона ютась касомань ды келейгадомань пек кувака ки. Сон сюпав, мазый, гайтев. Сонзэ вельде максовить ды саевить эрьва кодат содамочить, ёвтавить мельть-арсемат, невтевить ёжомарямот.
Келесь — сехте эрикс, сехте кеме сюлмо, кона вейсэнди народонть, сонзэ неень ды сыця шкань ломантнень. Рузонь ине педагогось К. Д. Ушинский сёрмадсь: «Еминдеряй келесь, народось а ули».
Зярос гайги эрзянь валось-
Семс монгак эрян,
Ялгатненень-шабратненень
Шумбрачи мерян.
Чачи келем кулындеряй,
Мертъ — монгак кулан.
Сонтеменза мон а эрян:
Мезекс маштован?.
(А. Лёжиков)
Тиринь келесь — арсемань лув. Сон ловови народонь сюпавчикс, оймень лисьмапрякс. Тетянь-авань келесь, тиринь кудосо марязь валось пингезэть кадовить мельс-превс, зярдояк а стувтовить.
Минек икеле ашти покш ды паро тев: вадрясто содамс, тонавтнемс тиринь келенть, вечкемс, ванстомс ды сюпалгавтомс сонзэ, кода тень зярыя пингень перть тейсть эрзянь ломантне.
Эрзякс арсян, эрзякс моран,
Эрзякс ловнан ды сермадан,
Родной келем мон а кадан,
Тень коряс монь валом кеме.
Ды тердян минек народонть-
Сыре ломантнень ды одрнть-
Тердян эсь келенть вечкеме.
( Н. Нарваткин)
Те тевенгь топавтомсто покш -лезэ канды эрзянь келень ды литературань коряс аволь классо важодемась. Кодамо ладсо
сон мели? Неть — литературно-творческой кружокт, литературань чокшнеть, тиринь келень кенярксчить, олимпиадат, недлят,. школань газетань нолдамот. Те кепеди тонантницятнень тевс бажамост, творческой мелест-превест, лезды кастомс эйстэст мазычинь нейця-мариця, тевень вечкиця ломанть.
Минек школань тонантницятне вечксызь тиринь келенть, секскак бажить содамо сондензэ седе ламо. Сынь кортыть эрзякс,. ловныть, ды аволь ансяк уроксо. Вечкить эрзянь мороткак, сынсь морыть, налксить пьесат, ёвтнить стихть. Школасо тиринь. кельсэ лиснить стенгазетат: «Родной вал», «Васень эскелькст», «Баягине», «Толнэть» ды лият. Тонавтницятнень эйстэ ламот сынсь сёрмадыть ёвтнемат, ёвкст, стихть, конатнесэ пачтить эсьмелест ,арсемаст, бажамост, снартнить эсь валсо невтеме перть пельксэнть, тиринь моданть мазычинзэ, сень, кода сон тенст вечкеви.
Кекярдозь ёвтаса тенк мелем:
Мон пек вечкса эсь тиринь келем,
Сонзэ кувалма вечкса авань,
Вёчксынь эсь тевем, коем, правам...
(Н. Нарваткин)
Иестэ иес касы тонавтницятнень сёрмадомань ёрокчист, ламонь седейсэ кирвази истямо толнэсь. Кирвазиндеряй те толнэсь, а эряви максомс тензэ мадеме-лепамомо. Неть васень эскелькстнэ: стихтне, ёвкстнэ, ёвтнематне — печатакшнозь ‘Чилисема» журналсо, «Эрзянь правда2 ды эсь райононь 2Новая жизнь» газетатнесэ.
Тесз мон ёвтнеса, кода ютавтынек школасо тиринь келентень. алтазь вейке кеняркчинть. Васня, нама, ламо анокстынек тензэ. Классонть, косо сон ульнесь, парсте мазылгавтынек. Икельце стенантень, досканть вельксс, сёрмадынек: «Келесь - народонть оймезэ».. Вить ды керш пелев кандынек истят валт:
Мазый, паро микек келесь,
Теке тундонь, сэтьме валскесь,
Пургондыця од килеесь,
Цветэнь панжиця умарьксэсь
(Е.. Пятаев)
Эрзякь кель, эрзянь кель —
Ашо килей, чуди лей,
Чольдердиця горнипов,
Гайсэ морыця цёков.
(С. Люлякина)
Доскас тешкстынек: «Свал гайгезэ эрзянь келесь». Неть валтнэнь алов понгавтынек стенгазета, лемезэ «Баягине». Эйсэнзэ колмо пелькст. Васенценть пештинек тиринь кельде, валонь вийде валмеревкстэ. Омбоце пельксэсь явозель эйкакштнень стихест туртов «Од вийтненень — келей ки» Колмоцесэнть максокшнынек эрзянь кроссворд «Ютко шкасто»
Столь ланга вачказельть-невтезельть эрзянь книгат
Чокшнесь панжозель тиринь кельденть ушотксонь валсо, конань ёвтызе учителесь.. Мейле валось Максозель тонавтницятненень – ветицятненень. Ванодо, кода дым езде сынь кортасть:
1-це ветицясь: Эрьвась вечксы эсь велензэ,
Те вечкемасонть покш вий,
Эрьванть истямо мелезэ:
Сынст ёнксось сех пек мазый.
2-це ветицясь: Монгак вечкса минск ёнксонть,
Вечкса весе, пестэ пес,
Истя, кода васе ёвксонть,
Конань авам тень ёвтнесь.
Вечкеынь виртнень ды лугатнень,
Пекшень панжовома шканть;
Эрексия лисьмапрятнень.
Конань ведест — медень тансть.
Мои кинь эйстэяк а сёпса,
Кинь мелезэ — кадык сы,
Сехте вадря минск ёнксось,
Минек велесъ — сех мазый..
(Е. Пятаев)
1. Ловнови А. Сульдинань «Кудов» стихезэ.
Таго капшан вечкевикс ульцяванть,
Шожда вармась чамасон кутьки,
Тештне почодовсть менель пацяванть,
Пильгем ало росасо шлязь ки.
«Кудов, ку-д-ов» — морась седеесь,
Се таркатнес, козонь мон чачинь,
Вана килеесь, конань алов пелезь
Васенцеде вечкемантень сынь.
Сярдов кедензэ венстизе калесь,
Кутмордамом састыне капши,
Парсте вастымим чачома велем,
Секс седейсэм лаказь лаки пси.
2. Гайги «Кавто цёрат тикше ледить» морось.
2-це ветицясь: Мон вечкса эсенек веленть,
Сонзэ велькссэ сэнь менеленть,
Сонзэ перька виртнень, лейтнень,
Сюпав паксятнень, килейтнень,
Цецяв лушмотнень ды латктнэнь,
Весе пуртнезь китнень-янтнэнь
(Е Пятаев)
1-це ветицясь: Ков иля варшта —
Цветить садтнэ—
Касыть кудот, кодат мазыйть!
Лымбить,
Лымбитъ сюронь волнатне
Ды чамас паламо бажить.
2-це ветицясь: Келей китнева чинек-венек
Ливтить машинат —
Пест арасть.
Палыть-цитнить минек тештенек,
Сынь прок менельстэ тезэнь прасть.
1—це ветицясь: Чачома край! Вечксынь паксят, виреть,
Лугат, шольниця ведеть домка лейсэ,—
Тон свал монь седейсэ гайгат
Морыця нармунень седейсэ.
• (П. Гайни)
2-це ветицясь: Тиринь мастор, родной эрзянь велем,
- Пингень перть эйстэть морот моран.
Тонь славасо кепети вайгелем,
Тонь кувалма яла мои касан.
3. Морави С. Люляклиань «Россиям, те весе тонь...» морось.
1-це ветицясь; Чачома край; тиринь мастор,
Эжди эйсэнь лембе седееть, -
Эльнить-кольнить, теке саэорт,
• Сурась ды Мокшась—валдо лееть.
2-це ветвцясь: Мокшо-эрэянь вечкевикс край!
Мон секс моросо шнан Тонь эйсэ;
Тон свал сыргостят валдо май
Гайгевстэ морыця седейсэнь.
(П. Гайни)
4. Ентневи Н. Вачаевень «Велявтома» стихесь:
Гайги эрзянь моро веленть велькссэ,
Сонзэ пева таргавсь виде ян,
Вана таго эряза эскелькссэ -
Моронть каршо те янганть молам.
Армиясо печтинь иеть кавто.
Кода одкстомсь те шкастовть велем
Ужо, седей пек иля калавто,
Кадомак хоть васькавтса мелем.
Тон варштака, икеленек мезе!
Те аволь тамаша, ёвкссо он,
-Те од школа, парк, эйсэнзэ ээемть
Истя цвети эрзямокшонь ёнкс.
Вана каршон сыть ломанть эсь велень,
Шожда коштсонть—сынст вайгелень гайть,
Содавикс миэолкс палы икелень.,
Мон серьгединь: «Шумбрачи, авай!»
5 Киштема «Косо, косо ды Утяша…»
1-це ветицясь: Мон вечкса ёнксонть эрзянсенть,
Весе оймесэм вечкса,
Мастораванть, раськень лавсенть
Кутмордаса, эждяса,
Тензэ мон серьгедян моро,
Евтан потмо оймень вал.
Арсян тензэ ансяк вейке:
Эрязо, улезэ свал.
б. Гайги «Минек Россиясо» морось.
1-це ветицясь: А келесь —
Минек эрзянь келесь!
Морак морот ды сёрмадт стихть.
Сон ней гайги масторонь келес
Эйсэнек пек васов вети.
(И. Пяняев)
7. Евтневи Е. Пятаевень «Родной келесь» стихезэ:
1-це ветицясь: Эрзянь кель, моинкенярдан тонь кисэ.
Ламо масторт тондеть содытъ ней.
Эрзянь кель, тон—мазый цецянь кизэ,
Эрэянь кель, тон—Равов прыця лей!
2-це ветицясь
Мон, тонь эйсэ вечкезь, стихсэ моран,
Кандан мелявкст, арсемат ды мельть...
Кадык эйсэть кортыть нуцькан, цёран,
Кезэрь пингень мазый эрзянь кель!
(Ч. Журавлев)
8. Гайги «Эрзянь кель» морось.
1-це ветицясь: Эрзянь кель. тонь ине оймень сиянть
Аволь моротнестэ саинь мон,
Седе гайтев эзинь марсе лия
Ды а содан седе чевте, ён.
(Ч. Журавлев)
2-це ветицясь: Минь пек вечксынек эрзянь келенть ды бажатано эрзякс седе ламо ловномо, келенек седе домкасто содамо, эсенек пьесань налксеме.
9. Налксеви Раиса Дулкинань «Сезезь цюлка» пьесазо, кона саезь «Сятко» журналонь «Сэмень судрявкст» книгастонть (1994 иень 5—б номертнэ).
1-це ветицясь: Минь од ломанть.тонавтницят,
Вандынь чив бажатано.
Тыненк, ялгат-кунсольщят,
Морынеть моратано.
2-це ветицясь: Мезень лашт школанок келес,
Мень Цяпамот марявить?
Те минек классонь эйкакштве
Нейке киштеме лисить.
10. «Нурька морынеть». Кавто тейтернеть ды вейке церыне морыть, лия церынесь седи балалайкасо.
Марина:
Мекс тон, Коля, течи истя
Нусмакадозь кирдят прят?
Паряк, кидеяк тон виздят
Эли чумочи марят?
Коля:
Исяк Геннадий Петрович
Монень «кавто» путсь дневникт,
Тетям-авам эйсэнь сёвныть,
Течи вана монень виськс.
Лена:
Бути виськс Теть эрси, Коля,
Мекс тонатнят беряньстэ?
Стака тонеть — кудос молян,
Карман лездамо сестэ.
Коля:
А аряви, а эряви
Монень, Лена, лездыця:
Пелян, абунгады авам,
Пеетькшнесамам. тетям.
Марина:
Иля колсе, Коля, мелеть,
Кода улемс — мои содан.
Течи уроктнеде мейле
Класснэнек тонеть леэдан.
Коля:
А эряви, а эряви -
Ламо ялгат несамизь
Ды эсь юткова салава
Шожда превкс лемдясамизь.
Лена:
Пек иля мелявто, Коля,
Тонавтнемс тарка муян.
Лей чирес мои мартот молян,
Тосо лездамо карман.
Коля: -
А эряват, а эряват
Монемь, Лена, Лездыцякс
Пелян, ялгатне несамизь,
Ловсамизь тонь вечкицякс.
Марина:
Кодамо, Коля, пелицят,
Тонеть нумолокс улемс.
Истя стака кавтот витемс,
Меэё мартот ней теемс?
Коля:
Иля раксе тон, Марина,
Курок, курок прям невтьса.
Тон тонськак натой а фатят,
Кода кавтом мон витьса.
. Лена:
Бажан, Коля, чарькодеме,
Мезе истя лиссь мартот:
Сатыть превет тонавтнеме,
Мекс эно улить «Кавтот»?
Марина:
Мекс тон, Коля точи ястя
Нусмакадозь Ккрлят прят?
Парю’ кядеяк тон виздяг
Эли чумочя марят?
(Коли:
Исяк Геннадий Петрович
Монень кавто путсь дневнике,
Тетям-авам ЭЙСЭНЬ сёвныть,
Течи вана монень виське.
Лена;
Бути виськс теть эрси, Коля,
Мекс тонавтият беряньстэ?
Стака тонеть — кудос молян,
Карман лездамо сестэ•
Коля
эряви, а эряви
Монень, Лена, лездыця:
ГЬелян, абунгады авам,
Пееiыкшнесамам. тетям.
Маркма:
Иля колее, Коля, мелеть,
Кода улеис — мои содан.
Течи уроктнеде мейле
Класскэнек тонеть лездан.
Коля:
Школадо мейле ушосо
Талайс вечкан мон налксем,
Вана секс, Лена, кудосо
А зярдо тень тонавтнемс.
Марина:
Налксемась — а берянь тевесь,
Сон виевгавты рунгот,
Ансяк истя а витеви
Визделгавтыця «кавтот».
Весе вейсэ:
Мины морынек, минь пейдинек
Тунь аволь згилямонь кис, —
Апаронть эйсэ айгинек
Паронть изнявксонзо кис!
1-це ветицясь: Тиринь кель… Сон миненек – теке авань ловсо эйкакшонтень. Сонзэ вельде минь карминек содамо перть пельксэнть. Нама, пек паро, зярдо ломанесь соды лия кельтькак. Сынст вельде ломанесь карми седее ламо содамо перть пельксэнть, лия народтнэнь эрямочидест ды культкрадост.
2- це ветицясь: Теке марто а эряви стувтнемс лиядояк: ансяк тиринь келенть вельде пачкодят лия кельтненень. Нама, улить ютксонок ломанть, конат виздить кортамо эрзякс.
11. Инсценированной стих: Н.Ишуткин, «Инже». («Пионерэнь вайгель» журнал, 1990, 9-це №).
12. Гайги Ч. Журавлевонь «Мон а чуман» стихезэ:
Мекс монь авам — «мама»,
Тиринь тетям — «папка»?
Мон а чуман, нама,
Мекс монь кедьсэ тряпка, —
Эрзякс меремс нула,
Аволь пробка — туло,
Аволь ёжик — сеель,
Аволь ножик — пеедь.
Марсияь: седлась — камбраз,
Воротникесь — сиве.
Дворось, нама — Кардаз,
Свннецэськак — киве.
Мекс монь авам «мама,,
Тиринь тетям «папка»?
• Мес яжизь мноь мелем
Ды стувтовтызь келем?.
13. Невтеви А. Петайкинэнь «Ощонь цёрыне» пьесазо.
1-це ветицясь: Тиринь мастор, вечкень веле,
Седеем кецни тонь ки•:
Мон пек вечкса эсень келем,
А стувтса меельце чис!
Эрзянь кель, эрзянь кель,
Ашо килей, чуди лей,
Чольдердиця горнипов,
Гайсэ морыця цёков.
(С, Люлякина)
2-це ветицясь
Мон, масгором, тиринь авакс
Палавлитинь седейшкава,
Пек вечксынь тонь инзей зорят,.
Келей паксят, сюров морят.
Ашо руцясо килееть,
Чольнезь-шолынезь чудий лееть.
Вечксынь цветиця ламареть,
Садсо якстере умареть.
Чокшне морыця цёковтнень.
Баягине горниповтнень.
Пингем пергь вечкса мастором’
Секс казьса теть седей мором.
(И. Батяйкин)
Аволь чаво паксяс валги мором
Оймем неи, — валдо шкатне сыть.
Кеман, карми кортамо мастором
Тиринь кельсэ, апак визде, чить.
Весе карми истя, кода мерить.
Тенек минек превтне. оймень псись—
Эрикст сеть,. кить эсест койсэ эрить,
Ды кинь седейс ваны маней Чись.
(Ч. Журавлев.).,
14. Гайги «Эйте, ялгат паро ялгат, пурнавтано вейс,.».морось.
2-це ветицясь: Миненек пек вечкёвсь те лёмбе вастовомась
Сон кармавты лиякс варштамо эрзянь келенть лангс, арсезевемс весе эрямодонть, минек вандынь чиденть.
1-це ветицясь: Евтатано покш сюкпря весенень седейшкавань вастовоманть кис. Кадык сон ули аволь меельцекс. Кемтяно, минь пачк :кадовтано паро ялгакс.
2-це ветицясь Меельцепелев арсетяно тенк паро ёжо, ламо кеняркст, валдо. мельть-превть, кеме шумбрачи, ояксчи, эрьва гевсэ — язнявкст.
Кавонест- ветицятне: Уледе шумбрат! Вастомазонок! .
