Тіл мергені.

Сайыстың тақырыбы: “Тіл мергені” танымдық ойыны

Сайыстың мақсаты: Оқушылардың меңгерген білім деңгейін анықтау, ойлау қабілеттерін дамыту, сөйлеу мәдениетін жетілдірy, білімді, жан-жақты болуға үйрету.

Армысыздар ма, құрметті ұстаздар, оқушылар және ойынға қатысушы сайыскерлер!

Ойын толқын, айналған қатты ағысқа,

Табылғандай танымда, жат дауыста.

Біреу озып келеді қатарынан,

Біреу қалып жатады асығыста.

Ойын толқын жатқанда асып, тасып,

Біреу мығым, біреулер шалыс басып.

Бұл ойыннан өтеді ғұлама ойлар,

Жеңсе де, жеңілсе де қалма жасып.

«Білекті бірді жығады, білімді мыңды жығады» деген дана халқымыз. Біз білім теңізінен жүзіп өткенде ғана еліміздің тірегі, сүйеніші боламыз! Сондықтан да бүгінгі “Тіл – мерген” танымдық ойынына қош келіпсіздер!

Бүгінгі білім сайысын бағалайтын әділқазылар алқасын таныстыруға рұқсат етіңіздер!

Алдымен сайысымызды бастамас бұрын сайыскерлерімізді таныстырып өтейік.

Сайыскерлер екі топқа бөлінген.

1. «Білгірлер» тобы

1. «Талаптылар» тобы

Сайыс мынадай турлардан тұрады:

1-ші тур – «Кім білімді?»

2-ші тур – «Полиглот»

3-ші тур – «Ғажайып алаң»

4-ші тур – Берілген сөздер бойынша мақал-мәтелдер айту

5-ші тур – «Кім тапқыр?»

6-ші тур – «Кім жылдам?»

1-ші тур «Кім білімді?» Сендерге 10 сұрақтан беріледі. (Барлық сұраққа 3 минут, әрбір дұрыс жауапқа 5 ұпай)

«Білгірлер» тобына:

1. А.Байтұрсынов кім?

2. Қазақ тілінде неше септік бар?

3. Жүз жасаған ақын?

4. Қазақ халқының батыр қыздары кімдер?

5. Сын есім қандай сұрақтарға жауап береді?

6. Ұлттық киімдерді атаңдар.

7. М.Әуезов кім? Роман-эпопеясын ата.

8. «Бес Арыс» деген кімдер?

9. Қазақ тілі қай жылы мемлекеттік мәртебе алды?

10. Ата Заңы күні қашан?

«Талаптылар» тобына:

1. Бір жылда туып, бір жылда қайтыс болған үш бәйтерек кімдер?

2. Қазақ тілінде неше сөз табы бар? Олар қандай?

3. ҚР-ның рәміздерін ата. Авторлары кімдер?

4. ҚР Тілдер мерекесі қашан?

5. Ұлттық ойындарды ата.

6. Қандай салт-дәстүрлерді білесің?

7. Абылай ханның шын аты

8. Сөз құрамын, сөз таптарын зерттейтін сала?

9. ҚР-ның Ұлттық валютасы қашан айналымға түсті?

10. Шоқанның шын аты.

2-ші тур «Полиглот» 2 топқа 5 сұрақтан. (Әрбір дұрыс жауапқа 5 ұпай, 3 минут уақыт беріледі)

«Талаптылар» тобына:

1. ... кеме, білім теңіз.

2. Оқусыз ... жоқ, білімсіз күнің жоқ.

3. Өнер алды – қызыл ... .

4. Тіл тас жарады, тас жармаса ... жарады.

5. ... оттан да ыстық.

«Білгірлер» тобына:

1. Күлме ... – келер басыңа

2. Көз – қорқақ, ... – батыр

3. Туған жердің ... де ыстық,

... де ыстық.

4. Ас атасы – ... .

5. Туған жерге ... тік.

3-ші тур «Ғажайып алаң» Әрбір пәннен 3 сұрақтан. (Дұрыс жауапқа ұяшықта көрсетілген ұпай беріледі)

Қазақ тілі

10. Заттың түрін, түсін, сапасын, көлемін білдіретін сөз табы?

20. Сөз тіркесін, сөйлем мүшелерін зерттейтін сала?

30. Екі не бірнеше адамның сөйлесуі?

Тарих

10. Қазақтың үш биі кімдер?

20. Қаракерей Қабанбайдың шын есімі?

30. 1847 жылы Ш. Уәлиханов 12 жасында қайда оқуға түсті?

География

10. Қазақстанның астанасы қай өзеннің бойында орналасқан?

20. Ең терең көл?

30. Материктер, мұхиттар, теңіздер, аралдар, өзендер, көлдер бейнеленген карта.

4-ші тур Берілген сөздер бойынша мақал-мәтелдер айту (Әр мақал-мәтелге 5 ұпай беріледі

Сөздер: кітап, сөз, білім, тіл, еңбек, дос, қыз, қой, ақыл, денсаулық, тазалық, батыр

5-ші тур «Кім тапқыр?» (Салт дәстүр, Өнер, Спорт, Еркін тақырыптарда 3 сұрақтан қойылады. Әр сұраққа 5 ұпай беріледі)

І. Салт-дәстүр

1. Қандай салт-дәстүрлерді білесіңдер?

2. Жаңа туған нәрестенің құрметіне жасалатын ойын-сауық той.

3. Сәби қаз тұрғаннан кейін тез жүріп кетсін деген тілекпен жасалатын ғұрып.

ІІ. Өнер

1. Қазақтың қандай күйші-композиторларын білесіңдер?

2. Қазақтың атақты суретшісі кім?

3. Париж сахнасында ән салған тұңғыш қазақ әншісі?

ІІІ. Спорт

1. Қазақтың қандай ұлттық ойындарын білесіңдер?

2. Ойлауға үйрететін спорт түрлерін атаңдар.

3. 2012 жылғы Лондон Олимпиадасының жеңімпаздары кімдер?

ІҮ. Еркін тақырыпта

1. «Закон сингармонизма» сөзінің қазақша мағынасы қандай?

2. Қазақтың ұлы ғалымы, Отырар қаласында туған өте білімді, өнерлі адам кім?

3. Қазақ ауыз әдебиетінің түрлері қандай?

6-ші тур «Кім жылдам?» («Орамжапырақтар» сөзінен ең көп сөз кім құрайды?)

Қорытынды: Қадірменді ұстаздар мен оқушылар және сайыскерлер осымен сайысымыз аяқталды. Баршаңызға сәттілік тілеймін!