"Болаша? отбасы м?шелері" та?ырыбында ашы? т?рбие са?аты

Мақсаты: Отбасындағы тәрбие - өте маңызды роль атқаратындығын көрсете білу, бала тәрбиелеуде алдымызда тұрған “Мен балама дұрыс тәрбие бере алдым ба?”, “Ол берген тәрбиемді біліммен ұштастыра алам ба?” деген сұрақтарға жауап іздеу; мектеппен ата-ананың байланысын нығайту, жұмыс жүйесін жақсату, ата-ананың, баланың оқу – тәрбиеге қатысты жауапкершілігін арттыру. Балалардың “сыйластық, махаббат” құндылықтар туралы түсініктерін кеңейту.

Міндеттері:

• Отбасы жарастығы, татулығы туралы түсінік қалыптастыру;
• Отбасында жағымды қарым-қатынас жасау іскерліктерін дамыту;
• Өзара сыйластыққа тәрбиелеу;

Отбасында адам бойындағы асыл қасиеттер жарқырай көрініп қалыптасады. Отанға деген ыстық сезім жақындарына, туған – туыстарына деген сүйіспеншіліктен басталады.

Нұрсұлтан Назарбаев

Ата – ананың еңбегін сіңірген бала өмір бойы ақтап бола алмайды. Бала деген махаббатқа ешбір махаббат теңесе алмайды.Ол өле - өлгенше суынбайтын махаббат.

Ғабиден Мұстафин.

Қызы анадан үйренбей өнеге алмас,

Ұлы атадан үйренбей сапар шекпес.

Ата - асқар тау,

Ана – бауырындағы бұлақ,

Бала жағасындағы құрақ.

1. Бақытты отбасы болудың негізгі шарттарына нені жатқызар едіңіз?

2. Бала тәрбиесі үшін отбасы жауапкершілігі басым ба, әлде мектептің жауапкершілігі басым ба?

3. Балаларда өзімшілдік мінездің қалыптасуы неліктен?

4. Баланың өмір жолындағы әке мен ананың орны қандай?

5. Баланың ата мен әжесінің тәрбиесінде, атасы мен әжесінің баласы болуына қалай қарайсыздар ?

6. Қазіргі кезде бала психологиясы әсер ететін жағдайлар қандай?

7. Баланы еркін тәрбиелеген дұрыс па, қатаң тәрбиелеген дұрыс па?

8. Қайтсек білімді ұрпақ тәрбиелейміз?

9. Отбасында бос уақытты қалай пайдаланасыздар?

10. Тәрбие адамның тағдырын шешеді дейді, сіз қалай ойлайсыз?

1. Атты салт мінгенде қандай ат әбзелдері пайдаланылады?

(жүген, ноқта, шылбыр, тізгін, ертоқым, терлік, төстартпа, қамшы)

2. Ертеде ата – бабаларымыз қолданған ыдыс - аяқтар?

(күбі, елеуіш, қазан, табақ, қыш ыдыстар, ағаш, ошау, ағаш қасық)

3. Ұлттық тағамдар мен сусындарды атаңыз?

(ет асу, бауырсақ, ірімшік, құрт, талқан, айран, жент, қымыз, қаймақ, қазы-қарта, жал-жая, шұбат)

4. Киіз үйдің жабдықтарын атаңыз?

(шаңырақ, уық, кереге, түндік, үзік, белдеу, ши, тоқыма бау)

5. Төсенетін бұйымдарды атаңыз?

(алаша, киіз, текемет, сырмақ, құрақ көрпе, тулақ, бөстек)

6. Бесіктің құралдарын атаңыз?

(түбек, жастық, шүмек, аяқ бау, тізе бастыра)

Бала кім?

(болашағым, үмітім, сүйенішім, өмірімнің жалғасы, бауыр етім, асыраушым, ізбасарым, қуанышым)

Балаңыздың қандай жағымсыз, жат қылықтан аулақ болғанын қалар едіңіз?

(еріншек, сараң, жалқау, мақтаншақ, ызақор, ашуланшақ)

Отбасының қорғаны кім?

Үйдегі алтын қазық кім?

Жоқты бар, ашты тоқ ететін кім?

Үйде кімдер қадірлі?

Қоғамда кімдер қадірлі?

Адамға ақыл беретін кім?

• Әке
• Ана
• Ана
• Қонақ, қарт адам, бала
• Ұстаз, ата – ана
• Ата-ана, ұстаз, дос

Ата - анаға

Алақай, мен 5 алдым! Мұғалім бізге не айтқанын білесіз бе? – деп сынып оқушысы өзінің алғашқы жетістіктері жайында қуанышы қойынына сыймай анасына айтып жатыр. Бірақ күндер өте берді. “Алақай, 5 алдым” деген баланың қуанышты сөздері сирек естілетін болды. Сіздің ойыңыз қандай?

Сіз балаңызға дүкенге барып келуін өтінесіз. Ол “Ән тыңдап отырмын” деп барудан бас тартты. Не істер едіңіз?

Балаларға

Саған анаң өзі жұмыстан келгенше үйді жинастырып қоюды тапсырды. Сен достарыңмен ойнап жүріп бұл істі ұмытып кеттің. Анаң жұмыстан келіп, өзі жинап, сыпырып қойды. Сен келгенде анаң ренжулі. Сенің әрекетің.

Үй ешкім жоқ. Тек сен ғана. Есіктің қоңырауы соғылды. Сен барып қарасаң ауылдан келген туысқаның. Сенің анаң ешкімге есікті ашпауды тапсырған. Сенің әрекетің.

1. Сіздің анаңыз балаңызға кім болады?

2. Бала дүниеге келген күні қандай той жасалады?

3. Балаңыздың туған күні қашан?

4. Сынып жетекшінің толық аты – жөні кім?

5. Екі қыздың баласы бір – біріне кім болады?

6. Балаңыз бірінші сыныпқа қашан барды?

7. Балаңызды еркелетіп қандай сөз айтасыз?

8. Балаңыз сізді ренжіткенде ең алдымен аузыңызға қандай сөз түседі ?