"Болашаққа бағдар:рухани жаңғыру"

«№35 орта мектеп» мемлекеттік коммуналдық мекемесінде 2017-2018 оқу жылында «Болашаққа бағдар: рухани жаңғыру» мақаласына байланысты өткізілген іс-шаралар туралы мәлімдейміз.

Қазақстан Республикасының Президенті – Елбасы Н. Ә. Назарбаевтың «Болашаққа бағдар: рухани жаңғыру» атты бағдарламалық мақаласынан туындайтын «Туған жер» жобасын жүзеге асыру аясында болашақта мектепте «Туған өлке тарихы» сабақтарын өткізу, ескерткіштерге экскурсиялар жасау, «Таза көше» және «Таза ауыл» акцияларын өткізу, ашық аспан астындағы мұражай салу туралы ұсыныс айтту, туристік карта жасау, жас тарихшылар слетін, жас өлкетанушылар форумына қатысу және басқа да өрелі істерді жүзеге асыру жоспарланған. 2017 жылдың 2 қыркүйек күні 1-11 сынып оқушыларымен жиын аяқталған соң, әр сынып жетекшісі «Болашаққа бастар жол» жобасына байланысты «Мен - өз елімнің патриотымын» атты тәрбие сағаттары ұйымдастырылып, өткізілді. Тәрбие сағатының мақсаты: Отанды сүюге, туған жеріне, еліне деген сүйіспеншілігін арттыруға, болашақта Отанымыз Қазақстанды өркендетуге, білімді адам керек екенін түсіндіру.  Отанымыз Қазақстанның тәуелсіздігіне 25 жыл толып отырғанын айту. Осыған орай әр сынып бөлмелері керекті көрнекілікпен безендірілді. Интербелсенді тақтадан оқушылардың бойында патриоттық сезімді оятатын әр түрлі слайдтар, мемлекет рәміздері көрсетілді. Осы тақырыпқа байланысты сынып жетекшілерге, берілген бейнематериалдар сабақта қолданылды. Тәуелсіздік алған жылдардан бері білім мен ғылымды дамытуда көптеген істер атқарылды. «Табысты болудың ең іргелі, басты факторы білім екенін әркім терең түсінуі керек. Жастарымыз басымдық беретін межелердің қатарында білім әрдайым бірінші орында тұруы шарт», - делінген Елбасы мақаласында. Осыған орай Алматы облысы білім басқармасының 2017 жылғы 11-тамыздағы № 42-42/1929 хатына сәйкес, Елбасы Н.Назарбаевтың «Болашаққа бағдар: рухани жаңғыру» атты мақаласы аясында 2017 жылдың 4-8 қыркүйек аралығында 9-11 сынып оқушыларымен «Туған жер, Рухани жаңғыру» атты тақырыпта шығарма байқауы ұйымдастырылып, өткізілді. Байқауға әр сыныптан оқушылар қатыстырылды. Шығарманың мақсаты туған өлкеге деген сүйіспеншілік, табиғатқа қамқорлықпен қарау, тарихқа және мәдени-тарихи ескерткіштерге құрметпен қарауға тәрбиелеу. «Туған жер» атты шығарма «Ең үздік шығарма» деп таңылды. Орындаған 9 а сынып оқушысы Туңгышбаева Назира. Берілген тақырыптын маңыздылығын терең ашып, көзқарасын көрсете білді. Бұл шығарма білім бөліміне өткізілді, нәтижесі күтілуде. «Туған жер» бағдарламасын іске асыру бойынша «Өлкетану» курсы ұйымдастырылып, жоспары құрылып, бекітілді. Жетекшісі болып география пәнінің мұғалімі Н.Мамытова болып тағайындалды.