Герой-ш???рл?р

Тема: Герой-шәһәрләр

Максат: герой- шәһәрләр турында информация бирү, патриотик хисләр тәрбияләү
Әңгәмә барышы

Тактада герой- шәһәрләр исемлеге

ЛЕНИНГРАД 
СЕВАСТОПОЛЬ 
ОДЕССА 
СТАЛИНГРАД 
КИЕВ 
КЕРЧЬ 
МИНСК 
МӘСКӘҮ 
МУРМАНСК 
ТУЛА 
НОВОРОССИЙСК 
СМОЛЕНСК 
БРЕСТ 

Сораулар буенча әңгәмә
-Бөек Ватан сугышы кайчан башлана?

-Ул ничә ел һәм ничә көн дәвам итә?

-Ничә герой-шәһәр бар?

-Кемнәр алар герой пионерлар?

- Советлар Союзы герое исеме алган пионерлар ничәү һәм кемнәр алар?

-Советлар Союзы геройларыннан безнең якташлар?

-Кемнәрне без Җәлилчеләр дип атыйбыз, алар ничәү?

-Безнең авылдан ничә кеше сугышка китә һәм ничәсе исән кайта?

-Нинди сугыш чоры җырлары беләсез?

-Бүгенгесе көндә авылыбызда ничә ветеран бар?

Укытучы сүзе

Ленинград шәһәренә Бөек Ватан сугышында күрсәткән батырлыклары өчен «Герой-шәһәр» исеме бирелә һәм «Алтын йолдыз» медале тапшырыла. Шәһәр 900 көн блокадада торды. 
Смоленск сугышы 1941 елның 10 июленнән 10 сентябренә кадәр дәвам итә. Шуның нәтиҗәсендә дошманның Мәскәүне «Яшен тизлеге» белән алам дигән планы өзелә. 1985 елда Смоленскка «Герой-шәһәр» исеме бирелә. 

Гитлерчылар Мәскәүне алуга беренче дәрәҗә әһәмият биреп, анда күп көч туплый, Мәскәү янында бөек сугыш башлана. Андагы каты сугышлар дошманны хәлдән тайдырып, көчсезләндерә һәм башкаладан чигенергә мәҗбүр итә. Мәскәү янындагы тарихи җиңү фашист яуларын тар-мар итүнең башлануы була. 
Мәскәү астында сугыш 7 айга якын, 203 көн һәм төн бара. (1941 елның 30 сентябреннән 1942 елның 20 апреленә кадәр). 

Курск дугасындагы сугыш 17 ай дәвам итә. 2007 елның 27апрелендә Курск шәһәренә “Хәрби дан шәһәре” почетлы исеме бирелә. . 

Дәһшәтле сугыш елларында дошман шәһәргә үтеп керә алмады: нык торды 1976 елда Тула халкының батырлыгы һәм фидакарьлеге өчен Тула шәһәренә “Герой шәһәр исеме бирелә. 
Мамай курганы - Сталинград сугышы батырларына куелган тарихи-мемориаль комплекс 
1943 елның 2 февралендә Мамай курганы тирәсендә, Сталинград сугышы тәмамлана 
Арча районы егете Сафиуллин Гани Биккенә улы 38 нче укчы дивизиянең командиры булып Сталинград сугышында катнаша. Алар18 меңләп дошманны пленга төшерәләр һәм генерал-майор исеменә лаек була 

Фашист Германиясе 3 көн өчендә Мурманск шәһәрен басып алырга уйлый. Ләкин дошманнарның планы өзелә. 1985 елда Мурманск шәһәренә "Герой-шәһәр» дигән югары исем бирелә. 

Өч еллык басып алыну вакытында Минск шәһәре һәм авылларыннан немецлар 400 меңгә якын кешене үтерәләр, ә шәһәрнең үзен җимерек хәленә төшерәләр. Ләкин Минск бирелми. 1974 елда Минск «Герой-шәһәр» исеме ала. 

Украина башкаласы немец илбасарлары тарафыннан 778 көн буена оккупацияләнеп тора. Киев, фашистларның сайланма гаскәре ударларын кире кагып, дошманның алга баруын ике айдан артыгракка тоткарлады. Шушы батырлыгы өчен Киевка «Герой-шәһәр» исеме бирелә. 

Керчь шәһәре 1944 елның 11 апрелендә азат ителә.1975 елда Бөек Ватан сугышындагы батырлыгы һәм кыюлыгы өчен Керчь шәһәренә «Герой-шәһәр» исеме бирелә. 

Новороссийск, дошманны Кавказга җибәрмәс өчен, батырларча көрәшә. Көрәштәге батырлыгы һәм кыюлыгы өчен аңа «Герой-шәһәр» исеме бирелә. Дошман тоткынлыгыннан азат ителгән көн – 16 сентябрь 1943 ел - традиция буенча шәһәрнең туган көне булып бәйрәм ителә

Нәтиҗә ясау:

• Ничә герой-шәһәрләр турында белдегез? Ни өчен аларга шундый исем бирелә?

• Сезнең кайсы герой-шәһәрне күрәсе килә? Ни өчен?