Конспект на урок казахского языка "Тәуелсіздік-тұғырым"

Мәңгілік ел-Қазақстан

Тартып келдің, қанша зардап, қанша мұң?

Аз болмады көрген қорлық, азабың.

Бірде жетіп, бірде жетпей жатса да,

Қайнауын еш тоқтатпады қазаның.

Менің дархан, жаны жомарт қазағым!

Жырға толы шежірең , тарихың бай,

Жалғасатын сан ғасыр ұмытылмай.

Хан атанып Керейің мен Жәнібек

Төкті нұрын халқына кеп аямай.

Төле бидей дананың көзін көрген,

Үш жүзім деп күңіренді Абылай.

Азат болып, ел болуды қалаған,

Қазақ болып , ел болам деп санаған.

Қол астына кіріп алып Ресейдің,

Жан-жағына жалтақтай бір қараған,

Қайран елім, не күн өтті басыңнан?

Қымбат еді күлімсіреп бақ таңы,

Біздің жаққа тездетіп кеп атқаны.

Қабыл етіп барша дұға, тілекті,

Келіп жетті Тәуелсіздік ақ таңы.

Тәуелсіздік тимеді оңай ешкімге,

Еріксіз ой түседі әр кез есіме.

Талай ана көзін жасқа ораған,

Қанды қырғын желтоқсанның кешінде.

Кеуделерде жазылмастай із қалды,

Қайғырумен талай жүрек сыздады.

Қайрат, Ләззат, Ербол болған сол түнді,

Ұмытпаймыз желтоқсанды, ызғарлы.

Қазақ елі алға қадам бастады.

Қазақстан биік шыңның асқары.

Тәуелсіздік туын көкке көтеріп,

Елбасы деп Нұрсұлтанын таңдады.

Әр ғасырда жолы бөлек хандардың,

Нұрсұлтаның «Нұрлы жолдың» бастауы.

Бір мақсат, бір мүдде, бір болашақ,

«Мәңгілік ел» идеясын тастады.

Нұр төгілсін Нұр ағаның еліне,

Ашық болсын бейбіт елдің аспаны.

Қазақ елін бар ғаламға танытып,

Зерек болсын мәңгі елдің жастары!

Жумагазиева Гульназ Жанболатовна. Орал қаласы

№24 орта жалпы білім беретін мектебі