"Б?гін к?н суы?" - та?ырыбы бойынша ашы? саба?.

Сабақтың тақырыбы: Бүгін күн суық.

Сабақтың мақсаты: қыс мезгілі туралы және қыстағы ауа райы туралы айта алу. Байланыстыра сөйлеу дағдыларын арттыру.

Күтілетін нәтиже:

• күн қандай екенін айта алады, сөйлеу барысында суық, жылы, ыстық, салқын сөздерін дұрыс қолданады, тақырып бойынша белсенді сөздік қорды меңгереді.

• қоршаған ортаны аялайды, қазақ халқының ауыз әдебиеті үлгілерімен танысуға деген қызығушылықты бойына сіңіреді.

• сабақ барсында меңгерген белсенді сөздік қор мен қарапайым үлгі құрылымдарды өздеріне таныс өмірлік жағдаяттарда орынды қолдана алу.

Сабақтың түрі: түсіндірмелі-аралас сабақ.

Сабақтың көрнекілігі: тақырыпқа байланысты суреттер, тірек схемалар, оқу құралдары, карточкалар, интерактивті тақта.

Пәнаралық байланыс: қазақ әдебиеті.

І. Ұйымдастыру кезеңі:

1. Оқушылармен амандасу, сабаққа дайындықтарын тексеру.

2. Қазақстан Республикасының әнұранын орындау.

(Әнұранды жатқа біліп, оны таза, нақышына келтіріп айта білгізу)

3. Оқушылардың көңілін сабаққа аудыруды ұйымдастыру.

Оқушылардың сабаққа деген көңілдерін аудару. («Қамажай» - атты бейнетаспасын қойып, жаттығулар жасату арқылы жүзеге асырылады)

ІІ. Өткен сабақ пен жаңа сабақты сабақтастыру

ІІІ. Жаңа сабақ: Сабақтың тақырыбын ашып, мақсатымен таныстыру. «Миға шабуыл» - стратегиясы арқылы жүзеге асыру. (төрт жыл мезгіліне байланысты өлең жолдарын оқу, таныс сөздеріне сүйене отыра жауабын табу)

Тынық түнде, бір мезет,

Жел тұрады гуілдеп.

Құлақ салып тыңдасақ,

Дыбыстайды у-у-у деп.

(Қыс)

Сары орманда жапырақ,

Жел тұрғанда шуылдап,

Дыбыстайды ыш-ыш-ыш деп.

(Күз)

Бұлт үйірілсе аспанда,

Түнереді атырап.

Жаңбыр жауса бір мезет,

Дыбыстайды тырс-тырс деп.

(Көктем)

• Үй тапсырмасын тексеру: үй тапсырмасын «Ыстық орындық» - стратегиясы арқылы жүзеге асырылады. Бір оқушыны ортаға қойылған орындыққа отырғызу, ал сыныптастары үйге жаттауға берілген ай атауларын бір-бірлеп айтады. Орындықта отырған бала сөздердің орысша баламасын айту тиіс, айталмаса күйіп қалады. (ойлануға 3-секунд) Қойылған тапсырманы орындап шықса немесе күйіп қалса, ортаға басқа бала шығып ойын жалғаса бермек.

• Шағын шолу: жаңа сөздердің жазылу емілесін оқушылардың санасында бекіту мақсатында интерактивті тақтада көрсетілген сөздерге тиісті әріптерді қойып жазғызу, оқыту.

Қ...с, к...кт...м, ж...з, к...з, м...зг...лі, ж...лто...сан, қ...ңт...р, а...пан, на...рыз, с...уір, м...мыр, маус...м, ш...лде, т..мыз, қ...ркүй...к, қ...зан, қар...ша.

Жаңа сөздермен жұмыс: топпен, жұппен, жеке оқу, буынға бөліп, буын түрін ажырату.

Суық – холодно. Жылы – тепло.

Ыстық – жарко. Салқын – прохладно.

• Жазылым: жаңа сөздермен сөз тіркестерін, сөйлем құрастыру арқылы жаңа сөздерді бекіте түсу. Мысалы: күн суық, қыста күн суық көктем мезгілі. Желтоқсан, қаңтар, ақпан қыс айлары. Сөздерді оқу арқылы қыс, көктем, жаз, күз айларын қайталайды, сөздердің жазылуына назар аударады.

Қыста суық

Көктемде күн жылы болады.

Жазда ыстық

Күзде салқын

Оқушыларды кесте бойынша сөйлемді дұрыс құра білуге және төрт жыл мезгілінің суреттерін интерактивті тақтадан көрсету арқылы әр жыл мезгілінде күн қандай болатынын айта алуға үйрету.

• Оқылым: «Бүгін күн қандай?» - сұрағына жауап беруге жаттықтыру. Сұрақтың жауабын берілген кесте бойынша оқиды. Суық, жылы, ыстық, салқын сөздері қайталанады.

Бүгін күн қандай?

суық.

Бүгін күн жылы.

ыстық.

салқын.

Сергіту сәті: оқушыларға жаттығулар орындату арқылы салауатты өмір сүруге баулу.

• Тыңдалым: Оқушыларға аудиотаспаға жазылған мәтінді тыңдату. Оқушыларға ашық сұрақтар қою арқылы мәтінде не туралы айтылғаны туралы талдау, аудару.

Мәтін:

Қазір қыс мезгілі. Қыста күн суық болады. Қыста қар жауады. Жел соғады.

Оқушыларды екі топқа бөліп «Ассоциация» - стратегиясын пайдалана отыра кластер құрғызу. («Қыс, көктем», «Жаз, күз» - дегенде қандай сөздерді елестете алады)

Жаңа сабақты қорытындылау:

• Тілдесім: мәтінге сүйене отыра бірге отырған сыныптас досымен бірлесе шағын диалог құрғызу, ортаға шығу арқылы бір-бірлерімен ауызекі сөйлестіру.

Қазір қай мезгіл?

Қазір қыс мезгілі.

Қыста күн қандай болады?

Қыста күн суық болады.

Қыста не жауады?

Қыста қар жауады.

Не соғады?

Жел соғады.

Үй тапсырмасы: 105 – бет, 6-тапсырма.

Бағалау: формативті бағалау. Критерилер жазылған парақ таратылады. Қорытынды бағаны оқушылардың өз-өзін бағалауына қарап қою.

Рефлексия: