"Алтын к?з" мерекесі

Мақсаты: оқушыларды табиғатты сүюге, аялауға, еңбекті бағалауға, еңбек етуге үйрету, экологиялық тәрбие беру, қазақтың әдеп – ғұрыптарымен таныстыру. Оқушылардың күзгі табиғат ерекшеліктері туралы білімдерін кеңейте түсу, күз байлықтарын – астық, көкөніс, жемістер туралы білетіндерін толықтыру. Күзде істелетін жұмыс түрлері мен күздің адамға тигізетін әсерін дәріптеу.

Көрнекілігі: « Алтын күз» атты газет, оқушылардың « Қош келдің, алтын күз!», « Құс қайтқанда» тақырыптарындағы салған суреттері.

Барысы:

Жүргізуші: Құрметті, оқушылар, ұстаздар , ата-аналар!

Сіздерді Алтын күз мерекесімен құттықтаймыз, сіздерге зор денсаулық, молшылық тілей отырып, бүгінгі мерекелік концертімізді ашуға рұқсат етіңіздер!

Қоңыр күз келдің бе,

Қабағың түйіліп.

Қауындар, жемістер

Қалыпты жиылып.

Сарғайып жапырақ,

Сыр тартқан өзгеден,

Суынып атырап,

Салқындық көздеген.

Құттықтау сөз мектеп директорының м.а. Дүйсенбаев Есболат Еслямбекұлына беріледі.

Жүргізуші: Күз дегеніміз – жазира даланың дархан дастарханы. Күз дегеніміз – қауырт еңбек кезеңі. Күз дегеніміз – байлық, молшылық. Олай дейтініміз, бұл мезгілде жеміс – жидек, астық пісіп жетіледі, күзде мал да, аң мен құстар да қоңданып, семіреді. Күзде қыс қамы жасалады, сондықтан адам да, жануарлар да, өсімдіктер де қысқа әзірлік жасайды.

/ Алтын күзді ортаға шақырайық/ Амандасады

Жүргізуші:

Қазақ деген даламнан

Әруақты бабамнан

Ардагерім әкемнен

Ақжаулықты анамнан

Сәлем саған, Алтын күз!

Клоун шығып ортаға:

Алақай – ау, алақай

Бүгін мейрам, балақай

Көңілді ғой Алтын күз

Кел, балақай, сапты тіз.

Әрі сұлу, әрі алтын, әрі игі,

Келші күзім шуақты мерекелі, әлеулім – ай

Құдіретіңе мен сеніп бас иемін

Сенен ғана нәр алдым, берекелі, әлеулім – ай

Алақай – ау, алақай

Бүгін мейрам, балақай

Көңілді ғой Алтын күз

Кел, балақай, сапты тіз.

Жүргізуші:Алтын күзді қарсы алып

Би билейміз, ән салып,

Ұлы тойдай ұлы ісім

Жаралған ел жыр үшін

Бақта сұлу жемісім

Қырда бидай – ырысым

Бақта ағаш, гүл, жемістер. Құстар кіреді. Қырда бидай қалады.

Алтын күз: Жарайсыңдар, рахмет! Енді менің нөкерлерімді тыңдаңдар.

/Күз айларын ортаға шақырайық/

Бақта: ағаш, гүл, картоп, қызанақ, пияз, құстар.

Көрініс: «Бау – бақшаға саяхат».

Клоун сөзінен кейін ән орындау.

Жүргізуші:

Табиғат – Ана ғой,

Тағдыр ғой күз деген

Тыныштық бұзылма

Үмітті үзбеген.

«Еңбек» туралы мәнерлеп оқу. Жангелді оқиды.

Жүргізуші:

Диқан бабам екті де,

Еңбектен еш қашпады.

Алдыңа кеп төкті де,

Ақ нанды үйіп тастады

6 сынып оқушылары көрініс

Жүргізуші:

Алтын нұрдай тамшылап,

Жапырақтар төгілді.

Біздің өмір таң – шуақ,

Біздің өмір көңілді.

9 сынып оқушылары

Жүргізуші:

Уа, халайық, халайық!

Мұнда назар салайық.

Дала біткен жайдары,

Құлпырыпты, түлепті.

5 сынып оқушылары ән салады.

8 сынып оқушылары

Жүргізуші:

Жемістер жүр қадамын аңдап басып,

Келеді міне ортаға толқып –тасып.

Көңілді қошеметпен қарсы алайық!

Ортаға 8 сынып оқушыларын шақырайық!

Жүргізуші: Жайып салып алдыңа қалағанды,

Жемісті күз дер кезінде келе қалды.

Жоқ еместің бәрі бар қоржынында,

Жаратпайды бірақ ол тонағанды ,- дей келе мерекелеріңіз құтты болсын, күз молшылық әкелсін!

Оқушылар!

Ой қосылсын ойыңа,

Бой қосылсын бойыңа!

Аман – есен жетейік

Келесі күз тойына!

Қош, сау болыңыздар!